Published:Updated:

`இது தமிழ்ச் சமூகத்துக்கே பெருத்த அவமானம்!' - 'பொன் பரப்பி' சம்பவம் குறித்து கமல் 

அலாவுதின் ஹுசைன்
`இது தமிழ்ச் சமூகத்துக்கே பெருத்த அவமானம்!' - 'பொன் பரப்பி' சம்பவம் குறித்து கமல் 
`இது தமிழ்ச் சமூகத்துக்கே பெருத்த அவமானம்!' - 'பொன் பரப்பி' சம்பவம் குறித்து கமல் 

அரியலூர், பொன் பரப்பி கிராம சம்பவம் குறித்து கமல் வருத்தம்

அரியலூர் மாவட்டம் பொன் பரப்பி கிராமத்தில் தேர்தல் நாளன்று மாலை வாக்குப்பதிவு நடைபெற்று வந்தபோது வாக்குப்பதிவு மையத்தில் இருத்தரப்பினருக்கிடையே நடந்த தகராற்றில், 20-க்கும் மேற்பட்ட வீடுகள் சேதப்படுத்தப்பட்டன. தாக்குதலில் காயமடைந்த 10-க்கும் மேற்பட்டோர் ஜெயங்கொண்டம் அரசு மருத்துவமனையில் அனுமதிக்கப்பட்டுள்ளனர். மேலும், பொன் பரப்பி கிராமத்தில் பிரச்னைகளைத் தவிர்க்க போலீஸார் அதிக அளவில் குவிக்கப்பட்டிருக்கின்றனர். 

இதுகுறித்து, மக்கள் நீதி மய்யத் தலைவர் கமல் தனது ட்விட்டர் பக்கத்தில் ``மருதநாயகம் படத்திற்காக, என் மூத்த அண்ணன் திரு.இளையராஜாவும் நானும் சேர்ந்து எழுதிய பாடல். 300 வருடங்களுக்கு முன் நடந்த சமூக அநீதிகளை நோகும் பாடல். இன்று மனம் பதைக்கும் ``பொன்பரப்பி” சம்பவங்களுக்கும், அப்பாடல் பொருந்திப் போவது தமிழ் இனத்திற்கே பெரும் அவமானம்" என இருவர் கைவண்ணத்தில் உருவான பாடல் வரிகளை பதிவிட்டுமிருந்தார்.

இந்தப் பாடல் 2016ல் `மருதாநாயகம்' மீண்டும் எடுக்க எண்ணியபோது வெளிவிடப்பட்ட ``பொறந்தது மலையூர் மண்ணு" என்ற பாடலில் வந்தது என்பது குறிப்பிடத்தக்கது.

மதங்கொண்டு வந்தது சாதி -
இன்று மனுஷனைத் துரத்துது
மனு சொன்ன நீதி
சித்தம் கலங்குது சாமி - இங்கு 
ரத்தம் வெறி கொண்டு ஆடுது பூமி.

அலாவுதின் ஹுசைன்