Vikatan.com

www.vikatan.com would like to send you push notifications.

Notifications can be turned off anytime from browser settings.

சொத்து தகராறில் தீர்த்துக் கட்டப்பட்டாரா நடிகர் கலாபவன்மணி?

 நடிகர் கலாபவன் மணி மரணத்திற்கு சொத்துத் தகராறு காரணமா என்ற கோணத்தில் போலீசார் விசாரணையைத் தீவிரப்படுத்தியுள்ளனர்.இதில், கலாபவன் மணியின் மாமனாரை போலீசார் விசாரணை வளையத்தில் கொண்டுவந்துள்ளனர்.

நடிகர் கலாபவன்மணி கடந்த 6ம் தேதி திடீர் மரணம் அடைந்தார்.முதலில் தற்கொலை செய்துகொண்டார் என்றும் பின்னர் அவரின் மரணத்தில் சந்தேகம் உள்ளது என்றும் சர்ச்சை எழுந்தது.இந்நிலையில், உடலில் பூச்சிக்கொல்லி மருந்து உள்பட 3 வகையான ரசாயன பொருட்கள் கலந்ததால் கல்லீரல் பாதிக்கப்பட்டு அவர் மரணமடைந்ததாக  பிரேத பரிசோதனை அறிக்கை தெரிவிக்கிறது.

இதனால் கலாபவன் மணி விஷம் குடித்து தற்கொலை செய்தாரா? அல்லது விஷம் கொடுத்து கொல்லப்பட்டாரா? என்பதைக் கண்டுபிடிக்க கேரள போலீஸ் ஐ.ஜி. அஜீத்குமார் உத்தரவுப்படி 6 தனிப்படை அமைக்கப்பட்டு போலீசார் பல்வேறு கோணங்களில் தீவிர விசாரணையை முடுக்கிவிட்டுள்ளனர்.

போலீசாரின் விசாரணை வளையத்தில் கலாபவன்மணியின் உதவியாளர்கள், அவரின்  பண்ணை வீட்டில் நடந்த மது விருந்தில் பங்கேற்றவர்கள், முக்கிய மலையாள சினிமா பிரபலங்கள் என்று பலரும் கொண்டுவரப்பட்டுள்ளனர்.

இந்நிலையில், தற்போது கலாபவன் மணி மரணம் சொத்துத் தகராறு காரணமாக நடந்திருக்கலாம் என்ற சந்தேகம் போலீசாருக்கு ஏற்பட்டுள்ளது. இதைத் தொடர்ந்து அந்தக் கோணத்தில் விசாரணை தொடங்கி உள்ளது. ஏற்கெனவே நடிகர் கலாபவன்மணியின் மனைவி நிம்மியிடம் போலீசார் விசாரணை மேற்கொண்டுள்ளனர். கலாபவன் மணியின் மரணத்தின் மர்மம் இன்னமும் கண்டுபிடிக்க முடியாமல் நீடிப்பது பெரும் சர்ச்சையை ஏற்படுத்தியுள்ளது.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

MUST READ

Advertisement

எடிட்டர் சாய்ஸ்