பிரதி மாதம் குறிப்பிட்ட தேதியில் ஒவ்வொரு ஊராக விஜயம் செய்யும் டோங்கருகள் சிலர், தமிழ் சேனல்களின் காலை நேரத்தை மொத்த குத்தகைக்கு எடுத்திருக்கிறார்கள்.

அஜால் குஜால் ஐயாசாமி:

செக்ஸ்தான் இவர்களின் மூலதனம். 'ஆரம்பிச்சதுமே எல்லாம் முடிஞ்சுடுதா? ராத்திரி முழுக்க நீ தூங்காம இருக்க நான்

தர்றேன் மருந்து. வா ராஜா வா...' என்று அழைப்புவிடுப்பார்கள். இவர்கள் கொடுக்கும் தங்க பஸ்பம் அல்லது லேகியத்தை ஒரு மண்டலம் நாக்கில் படாமல் சாப்பிட்டால், இரவு இன்பம் இஷ்டத்துக்குக் கிடைக்குமாம். திருமணத்துக்கு நாள் குறிக்கப்பட்டவர்களும், நடுவாந்திர வயசாளிகள் சிலரும்தான் இவர்களின் டார்கெட். தமிழ்நாட்டின் எல்லா முக்கிய நகரங்களிலும் இந்த கோஷ்டி இருக்கிறது!

மூலிகை வைத்தியர் முனுசாமி:

தூங்கி எழுந்து டி.வி. போட்டால் 'இது கொல்லிமலையில பறிச்ச

பச்சிலை. இதைச் சாப்புட்டா எல்லா வியாதியும் 'நான் போறேன்'னு உன்னைவிட்டு ஓடிப்போயிரும்' என்று ஜோசியம் சொல்வார். ஆனால், அவர் தாம்பரத்தைக்கூடத் தாண்டியிருக்க மாட்டார். இவரது மூலிகை மருந்தைச் சாப்பிட்டால் வியாதிகள் குணமாகிறதோ இல்லையோ புதுசாக இரண்டு வியாதிகள் வருவது மட்டும் உறுதி!

அதிர்ஷ்டக் கல் ஆண்டிமுனி

அஸ்ட்ராலஜி, நியூமராலஜி, வாஸ்தாலஜியில் ஆரம்பித்து, வாய்க்கு வந்த லாஜியெல்லாம் சொல்லி ஆரம்பிப்பார் இந்த அண்ணாச்சி. இவர் தரும் அதிர்ஷ்டக் கல்லை அணிந்துகொண்டால் அதிர்ஷ்டம் கொட்டோ கொட்டென்று கொட்டுமாம். 'தங்க நகை வாங்கினால் அதிர்ஷ்டக் கல் இலவசம்' என்று சொல்லி, இந்த டி.வி. பிசினஸில் சில நகைவியாபாரி களும் இருக்கிறார்கள். காலை நேரத்தில் இவர் களுக்கும் அரை மணி நேர ஸ்லாட் உண்டு!

தங்கத் தகடு தாண்டவராயன்:

கடவுளின் பெயரைச் சொல்லி நடக்கும் வியா பாரம் இது. நம்ம தாண்டவராயன் கொடுக்கும் தங்க டாலரைக் கழுத்தில் போட்டுக்கொண்டால், பிரச்னைகள் எல்லாம் ஓடியே போய்விடுமாம். பிசினஸில் எவ்வளவு லாஸ் ஆனாலும் உடனே மீண்டு வரலாமாம். 'கடவுள் எவ்வளவோ பண்றாரு... இதைப் பண்ண மாட்டாரா?' என்றதும், எதிரில் அமர்ந்திருக்கும் ஏமாளி, டாலருக்கு ஆர்டர் கொடுத்திருப்பார்!