Published:Updated:

வைரலாகும் 'ஜிமிக்கி கம்மல்' பாடலின் ’கல்பனா அக்கா’ வெர்ஷன்..!

கு.ஆனந்தராஜ்
வைரலாகும் 'ஜிமிக்கி கம்மல்' பாடலின் ’கல்பனா அக்கா’ வெர்ஷன்..!
வைரலாகும் 'ஜிமிக்கி கம்மல்' பாடலின் ’கல்பனா அக்கா’ வெர்ஷன்..!


 

மோகன்லால் நடிப்பில் சமீபத்தில் வெளியான, 'வெளிப்பாடிண்டே புஸ்தகம்' என்ற திரைப்படத்தில் இடம்பெற்ற, 'ஜிமிக்கி கம்மல்' பாடல், திரைப்படம் வெளியாவதற்கு முன்னரே வெளியாகிப் பிரபலமானது. இந்நிலையில், கடந்த வாரம் ஓணம் தினத்தன்று எர்ணாகுளத்திலுள்ள ஒரு கல்லூரி மாணவிகள், 'ஜிமிக்கி கம்மல்' பாடலுக்கு நடனமாடியிருந்தனர். அந்த நடனம் வீடியோவாக வெளியாகி, கேரளா மற்றும் தமிழகத்தில் பெரிய ஹிட் அடித்து, தற்போதுவரை வைரலாகிவருகிறது. மேலும், 'ஜிமிக்கி கம்மல்' பாடலுக்கு பல தரப்பினரும் நடனமாடி, தொடர்ந்து இணையதளத்தில் பதிவேற்றம்செய்துவருவதால், அந்தப் பாடல் பெரும்பாலானோரை முணுமுணுக்கச் செய்துள்ளது.

இந்நிலையில், தமிழ்ப் பாடல்களை புது ஸ்லாங்கில் பாடிப் பிரபலமான 'கல்பனா அக்கா' எனச் சொல்லப்படும் கல்பனாவும், 'ஜிமிக்கி கம்மல்' பாடலுக்கு அவருடைய வெர்ஷனை வெளியிட்டுள்ளார். அந்த வீடியோவும் தற்போது வைரலாகிவருகிறது.  'கடும் முதுகுவலி உள்ளவர்கள், ’ஜிமிக்கி கம்மல்’ பாடலுக்கு நடனம் ஆடினால் எப்படி இருக்கும்?' என்று ஒரு சேரிலேயே உட்கார்ந்துகொண்டு பெரிய ஜிமிக்கி கம்மலை அணிந்துகொண்டு, பாடலுக்கு வாயசைத்துக்கொண்டிருக்கிறார்.