Published:Updated:

ஒவ்வொரு பெண்ணும் உங்கள் சொத்து!

உருகிய ஐஸ்!பிரேமா நாராயணன்,  படங்கள்: ஜெ.வேங்கடராஜ், எஸ்.பாலாஜி

ஒவ்வொரு பெண்ணும் உங்கள் சொத்து!

உருகிய ஐஸ்!பிரேமா நாராயணன்,  படங்கள்: ஜெ.வேங்கடராஜ், எஸ்.பாலாஜி

Published:Updated:

'மகளிர் நலம், நாட்டின் வளம்’

ஒவ்வொரு பெண்ணும் உங்கள் சொத்து!

- இதுதான், அண்மையில் சென்னையில் நடந்து முடிந்த 58-வது அனைத்து இந்திய மகளிர் மற்றும் மகப்பேறு மருத்துவ நிபுணர்கள் மாநாட்டின் (AICOG -2015, All India Congress of Obstetrics & Gynaecology) தாரக மந்திரம்! ஐந்து நாட்கள் நடைபெற்ற மாநாட்டில், மருத்துவ சங்கங்கள் பலவற்றையும் சேர்ந்த ஆயிரக்கணக்கான மருத்துவர்கள் பங்கேற்றனர். உலக சுகாதார நிறுவனத்தின் செயல் இயக்குநர் டாக்டர் ஜேக்கப் குமரேசன் துவக்கி வைத்த இந்நிகழ்வில் சிறப்பு விருந்தினராக பங்கேற்றார் நடிகர் கமல்ஹாசன்.

ஒட்டுமொத்த விகடனுக்கும் ஒரே ஷார்ட்கட்!

ஒவ்வொரு பெண்ணும் உங்கள் சொத்து!
ஒவ்வொரு பெண்ணும் உங்கள் சொத்து!

மாநாட்டின் மக்கள் தொடர்பு அலுவலரான மகளிர் மருத்துவர் வேணி, நிகழ்வு பற்றி நம்மிடம் பேசியபோது, ''ஒரு பெண்ணின் ஆரோக்கியம், அவள் சார்ந்த குடும்பத்துக்கு மிகவும் முக்கியம். ஆனால், நம் ஊர்ப் பெண்கள், தங்கள் நலனில் எப்போதுமே பெரிதாகக் கவனம் செலுத்துவதில்லை. இதை வலியுறுத்தும் வகையில்தான் இந்த மாநாடு! பேறுகாலத்தில் ஏற்படும் இறப்பு விகிதத்தைக் குறைப்பது, பெண் குழந்தைகளுக்கு உடல்நலக் கல்வி போன்றவை முக்கியமாகப் பேசப்பட்ட விஷயங்கள். இளம் மருத்துவர்கள் (மகளிர் மருத்துவம்), பல்வேறு நோய்களைப் பற்றி அறிந்துகொள்ளவும், இந்த மருத்துவத்தில் முன்னோடிகளையும், மூத்த மருத்துவர்களையும் நேரே சந்தித்து உரையாடவும் இது ஒரு நல்ல வாய்ப்பாக அமைந்தது'' என்றார்.

இந்தியாவில் தொடர்ந்து கொண்டிருக்கும் பேறுகால மரணங்களை மனதில் கொண்டவராக பேசிய சிறப்பு விருந்தினர் நடிகை ஐஸ்வர்யா ராய், "ஒரு பெண்ணுக்கு உண்டான எந்த அத்தியாவசிய தேவையையும் இந்த சமூகமும் சரி, குடும்பமும் சரி... நிறைவேற்றுவதே இல்லை. குழந்தை பிறக்கும் வரை ஒரு பெண்ணை கவனிப்பவர்கள், குழந்தை பிறந்தவுடன் மறந்துவிடுகிறார்கள். கர்ப்ப காலங்களில் உடலளவிலும் சரி, மனதளவிலும் சரி... பெண்ணுக்கு தேவையான எதுவுமே சரியாகக் கிடைப்பதில்லை. உங்கள் வீட்டிலுள்ள ஒவ்வொரு பெண்ணையும் உங்கள் சொத்தாக நினைத்துப் பார்த்துக்கொள்ளுங்கள்'' என்று உருகினார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism