Published:Updated:

பிட்ஸ் பிரேக்

பிட்ஸ் பிரேக்
பிரீமியம் ஸ்டோரி
News
பிட்ஸ் பிரேக்

பிட்ஸ் பிரேக்

பிட்ஸ் பிரேக்

ந்தியா அதிர்கிறது... மூன்றே நாட்களில் ஒரு கோடி பார்வையாளர்களைப் பெற்று இதற்கு முன்னர் இருந்த எல்லா ரெக்கார்டுகளையும் உடைத்திருக்கிறது ரஜினியின் `கபாலி' டீஸர். வெளியான முதல் நாள் ஃபேஸ்புக், ட்விட்டரில் #Kabaliteaser என்ற ஹேஷ்டேக் உலக அளவில் ட்ரெண்டானது. அதற்கு அடுத்த இடத்தில் இன்னொரு ஹேஷ்டேக்கும் உலக அளவில் ட்ரெண்டானது. அது டீஸரில் ரஜினிகாந்த் சொல்லும் `மகிழ்ச்சி’. #magizhchi 

பிட்ஸ் பிரேக்
பிட்ஸ் பிரேக்

ல்யுத்த வீரரும் ஹாலிவுட் நடிகருமான ராக், சமீபத்தில் `ராக் கிளாக்' என்ற செல்போன் ஆப் ஒன்றை வெளியிட்டார். சாதாரண அலாரம் ஆப்தான் இது. ஆனால், இதில் ஸ்பெஷலாக `ராக் டைம்' என செட் செய்துவிட்டுத் தூங்கினால் காலை 4:15 மணிக்கு ராக்கே உங்களை எழுப்பிவிடுவார். ராக்கின் தன்னம்பிக்கை வாசகங்கள் அவர் குரலிலேயே உங்களைத் தட்டி எழுப்பும். நீங்கள் எழும் வரை விடமாட்டார். இந்தச் செயலியில் ‘ஸ்னூஸ்’ பட்டனே கிடையாது. ‘காலையில் இழுத்துப் போத்திக்கொண்டு தூங்குவதை நான் வெறுக்கிறேன். அதற்குதான் இந்தச் செயலி’ என்கிறார் ராக்.

பிட்ஸ் பிரேக்

`போபியா' பட ட்ரெய்லர் மிரட்டியிருக்கிறது. `கபாலி' ஹீரோயின் ராதிகா ஆப்தேவின் அசத்தல் இது. ஆள் அரவமற்ற வீட்டில், தனிமையில் ஏற்படும் பாதுகாப்பற்ற பயத்தை நெருப்பாக நடித்து நெகிழ வைத்திருக்கிறார் ராதிகா. இந்த வருடத்தின் ஆகச் சிறந்த திரில்லர் படமாக இது இருக்கும் என்கிறது பாலிவுட் வட்டாரம்.

பிட்ஸ் பிரேக்

`ஏஸ் அகெய்ன்ஸ்ட் ஆட்ஸ்’  என சானியா மிர்ஸாவின் வாழ்க்கை வரலாறு புத்தகமாக வெளியாகிறது. `என் வாழ்க்கைக் கதை, இந்தியாவின் அடுத்த தலைமுறை வீராங்கனைகளை தன்னம்பிக்கையுடன் உருவாக்கினால் மகிழ்ச்சி’ என்கிறார் சானியா.

பிட்ஸ் பிரேக்

`ஏய் தில் ஹை முஷ்கில்' படம் மூலம் மீண்டும் வருகிறார் கரண் ஜோகர். மூன்று வருடங்கள் ஜாலியாகச் சுற்றித்திரிந்தவர்,  ஒரு மெகா கூட்டணியோடு திரும்பி வந்திருக்கிறார்.
ரன்பீர் கபூர், ஐஸ்வர்யா ராய், அனுஷ்கா ஷர்மா... என மெர்சல் டீம். படம், தீபாவளி ரிலீஸ்.

பிட்ஸ் பிரேக்
பிட்ஸ் பிரேக்

ஃபுளோரிடாவில் உள்ள ஒரு பொம்மைக் கடைக்குப் போனார் ஜெனிஃபர். அங்கு வெள்ளை நிற பொம்மைகளும், பெண் குழந்தைகளுக்கான பொம்மைகளும்தான் இருந்தன. `ஆண் குழந்தைகளுக்கான மற்றும் கறுப்பினக் குழந்தைகளுக்கான பொம்மைகள் ஏன் இல்லை?' என யோசித்தார். உடனே, `மெலநிட்ஸ்' என்ற பெயரில் `பிரவுன் பாய்ஹுட்' என்ற கான்செப்டில் பொம்மைகளை வடிவமைக்க ஆரம்பித்துவிட்டார். கிறிஸ்துமஸுக்குள் ஆன்லைன் விற்பனையும் தயாராகிவிடும். `பொம்மைனா, அதைப் பார்க்கும் குழந்தைகள் அதில் அவங்களையே பார்க்கணும். அதுக்காகத்தான் என்னுடைய இந்த முயற்சி’ என்கிறார் ஜெனிஃபர்.

பிட்ஸ் பிரேக்

`டங்கல்' படம் கிட்டத்தட்ட முடிந்துவிட்டது. அந்தப் படத்துக்காக மாமிச மலைபோல ஏற்றிய உடலை இப்போது ஸ்லிம் ட்ரிம்மாக மாற்றி, அடுத்த படத்துக்குத் தயாராகிவிட்டார் அமீர் கான். தலைப்பு, `சீக்ரெட் சூப்பர்ஸ்டார்'. இதில் அமீர் `இசையமைப்பாளர்' கதாபாத்திரத்தில் நடிக்கிறார். ஆனால், படத்தின் ஹீரோ அவர் கிடையாது. யார் என்பது இப்போதைக்கு சஸ்பென்ஸ்.