உலகம் பலவிதம்
ஃபோட்டோ கமென்ட்
சினிமா
Published:Updated:

அக்கட தேசத்து அழகிகள்!

அக்கட தேசத்து அழகிகள்!
பிரீமியம் ஸ்டோரி
News
அக்கட தேசத்து அழகிகள்!

அக்கட தேசத்து அழகிகள்!

அக்கட தேசத்து அழகிகள்!

மல்லுவுட் வினுதா லால்

பெரும்பாலான மலையாள தேவதைகளைப் போலவே குழந்தை நட்சத்திரமாக சினிமாவில் நுழைந்த ஜிலேபி. மேஜர் ஆனதும் மாடலாக கலைப்பயணத்தைத் தொடங்கினார். `பிரமுகன்' என்ற மலையாளப் படத்தில் வாய்ப்பு கிடைக்க, அதில் முடிந்த அளவிற்கு ஸ்கோர் செய்து கவனம் ஈர்த்தார். பின்னர் அடித்தது லக்கி பிரைஸ். `பரங்கிமலா' படத்தில் நடிக்க வாய்ப்பு கிடைக்க, கெட்டியாய்ப் பிடித்துக்கொண்டு சிக்ஸர் அடித்தார். நடிப்போடு அம்மணியின் முண்டு காஸ்ட்யூமும் பரவலாய்ப் பேசப்பட்டது. அதன்பின் வரிசையாய் `உல்லாச கமிட்டி', `பையா பையா', `சாரதி' என ஏராள வாய்ப்புகள் கிடைக்க, பெர்ஃபார்மன்ஸில் மிரட்டுகிறார் இந்தப் பூனைக்கண் அழகி. மியாவ்!

அக்கட தேசத்து அழகிகள்!

டோலிவுட் சனம் ஷெட்டி

பெங்களூரில் பிறந்து சென்னையில் வளர்ந்த ஜில்ஜில் கோன் ஐஸ்! லண்டனில் சாஃப்ட்வேர் இன்ஜினீயரிங் படித்த கையோடு சினிமா உலகில் கால் வைத்தார். அறிமுகமானது `அம்புலி' என்ற தமிழ் சினிமாவில். பின் கொஞ்ச நாளைக்கு மலையாள வாசம். அப்புறம் மகேஷ்பாபுவின் `ஸ்ரீமந்துடு' படத்தில் கெஸ்ட் ரோல். அதில் பொண்ணு பளிச்சென இருக்க, கால்ஷீட்டை நிரப்பிவிட்டார்கள் மனவாடுகள். `பிரேமிகுடு', `இந்திதா அன்னமய்யா' என இப்போது இரண்டு படங்களில் மேடம் செம பிஸி. மீண்டும் தமிழுக்கு எப்போ?

அக்கட தேசத்து அழகிகள்!

சாண்டல்வுட் திஷா

இந்தக் கன்னடத்து கப்பக்கிழங்கு அறிமுகமானதே சாண்டல்வுட் சூப்பர்ஸ்டார் புனித் ராஜ்குமார் படத்தில்தான். `ஹுடுகாரு' படத்தில் கெஸ்ட் ரோலில் நடித்தவர் அடுத்து `போலீஸ் ஸ்டோரி 3' படத்தில் சின்ன ரோலில் நடித்தார். அதன்பின் `ஆசிர்வாதா', `ஸ்லம்', `மல்லி', `தண்டு', `நம் லவ் ஸ்டோரி' என வாய்ப்புகள் குவிய, கன்னட ரசிகர்களுக்கு இவரின் தரிசனம் தொடர்ந்து கிடைத்தது. இந்த அசுரவேகத்தால் ஊர்க்கண் பட்டுவிட்டது போல, இப்போது கால்ஷீட் காலியாகக் கிடக்கிறது. தமிழுக்கு வந்துடுங்க தங்கச்சிலையே!

- நித்திஷ்