Published:Updated:

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா
பிரீமியம் ஸ்டோரி
“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

Published:Updated:
“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா
பிரீமியம் ஸ்டோரி
“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

``உங்களோடு நடித்த கதாநாயகர்களைப் பற்றிச் சொல்ல முடியுமா?’’

“சினிமா உலகைப் பொறுத்த வரையில், நான் எம்.ஜி.ஆர் அவர்களுக்கு ரொம்பவும் கடமைப்பட்டிருக்கிறேன். எங்கள் முதல் சந்திப்பே சுவாரஸ்யமானது.

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

`வெண்ணிற ஆடை’யில் நடிக்கும்முன், சில கன்னடப் படங்களில் நடித்துக் கொண்டிருந்தேன். அப்போது, `ஆயிரத்தில் ஒருவன்’ படத்தை எடுக்கப் பந்தலு திட்டமிட்டிருந்தார். அதில் எம்.ஜி.ஆர் அவர்கள் தான் கதாநாயகன். பந்தலு தயாரித்துக் கொண்டிருந்த ஒரு கன்னடப் படத்தில் கதாநாயகியாக நடித்துக்கொண்டிருந்த என்னையே ஆயிரத்தில் ஒருவனிலும் நடிக்க வைக்க வேண்டும் என்பது பந்தலுவின் விருப்பம். மெதுவாக என்னைப் பற்றி எம்.ஜி.ஆர் அவர்களிடம் சொல்லிவிட்டார் பந்தலு. நான் நடித்த கன்னடப் படத்தைத் தான் பார்க்க விரும்புவதாக அவர் சொன்னாராம். அவர் பார்த்துச் சம்மதம் தெரிவித்த பிறகுதான் என்னை நடிக்க வைப்பது பற்றி முடிவு செய்யப்படும் என்று பேசிக் கொண்டார்கள். தியேட்டரில் அவர்களோடு நானும் உட்கார்ந்து, கன்னடப் படம் பார்த்தேன். படம் முடிந்தது. எம்.ஜி.ஆர் அவர்கள் எழுந்து, பந்தலுவின் பக்கம் திரும்பி, ‘சரி’ என்பது போலத் தலையை ஆட்டிவிட்டுப் போனார். என் வாழ்விலேயே அன்றுதான் பெரும் சந்தோஷம் அடைந்தேன்.

அவர் மற்றவர்களுக்குக் கொடுக்கும் மரியாதை குறையவே குறையாது. யாரிடமும் சமமாகப் பழகுவார். தன்னைப் பற்றியும் தன் பாத்திரத்தைப் பற்றியும் மட்டுமே சிந்தித்துக் கொண்டிருக்க மாட்டார். செட்டில் தன்னுடன் நடிக்கும் அத்தனை பேரையும் கவனித்துச் சொல்லிக் கொடுப்பார்.

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

அவர் குணத்திற்கு ஒரு சிறு உதாரணம்; ‘கண்ணன் என் காதலன்’ படப்பிடிப்பின் போது ஒருநாள் காலை அவருக்குப் படப்பிடிப்பு முடிந்தது. காரில் ஏறப் போனவர் ``மத்தியானம் என்ன எடுக்கப் போகிறீர்கள்?” என்று கேட்டார். “ஜெயலலிதா மாடிப் படியில் சக்கர நாற்காலியில் உருண்டு விழும் காட்சி...” என்றார் டைரக்டர். உடனே காரை விட்டு இறங்கி வந்துவிட்டார். ``அதை எடுக்கும் போது, நானும் கூட இருக்கிறேன். அது கொஞ்சம் ரிஸ்க்கானது....? அந்தப் பெண் விழுந்து விட்டால்?” என்று சொல்லிக் கொண்டே அன்று எங்களுக்கு உதவிசெய்ய வந்துவிட்டார்.

படத்தில் சக்கர நாற்காலியில் நான் உட்கார்ந்து கொண்டு தற்கொலை செய்து கொள்ளும் முயற்சியில் மாடிப்படி ஓரம் - விளிம்பு வரை வர வேண்டும். ஓர் அங்குலம் தவறினால் உருண்டு விடுவேன். எம்.ஜி.ஆர் அவர்கள், தானே அந்த நாற்காலியில் உட்கார்ந்துகொண்டு, பின்னால் கயிற்றைச் சரியாகக் கட்டச் சொல்லி, ஒரு முறைக்குப் பத்துமுறை ஒத்திகை பார்த்துவிட்டு, அதில் அபாயம் இல்லை என்று நிரூபணம் ஆன பிறகுதான் என்னை அந்தச் சக்கர நாற்காலியில் உட்கார்ந்து நடிக்கச் சொன்னார்.

அரசியல், கட்சி, சொந்தப்படம், சமூக சேவை.... இப்படி அவருக்குப் பல வேலைகள் இருந்த போதிலும், அன்று எனக்காக - ஒரு சக நடிகையின் பாதுகாப்புக்காக எங்களோடு இருந்து அந்தப் படப்பிடிப்பை நடத்திக் கொடுத்ததை நான் எப்படி மறப்பேன்! ‘கலகல’வென்று பேசுவார். அதில் நகைச்சுவை கலந்திருக்கும். நானும் பதிலுக்கு ‘லொட லொட’வென்று பேசி வைப்பேன். இதற்காக அவர் எனக்குச் சூட்டிய பெயர் ‘வாயாடி!’

முன்பு என் தாயார், சிவாஜி அவர்களோடு நடிக்கும்போது, சிறுமியாக இருந்த நான் படப்பிடிப்பிற்குக் கூடப் போவேன். செட்டில் ‘ஏய்! பாப்பா!’ என்று என் கன்னத்தில் கிள்ளி விளையாடுவார் சிவாஜி. அன்று வளராத ஒரு பாப்பாவாகத்தான் இருந்தேன். இன்றும் என்னை வளர்ந்த ஒரு பாப்பாவாகவே நினைக்கிறார் சிவாஜி.

‘கலாட்டா கல்யாணத்’தில் நான், அவரோடு முதன்முதலில் கதாநாயகியாக நடிக்கும்போது எனக்கு என்னவோ, ரொம்பப் பழகிய ஒருவரோடு நடிப்பது போலத்தான் இருந்தது. ஆனால் அவரோ, முதல்நாள் முதல் காட்சிகளில் நடிக்கும்போது இரண்டு மூன்று முறை சீரியஸாக நடிக்க வேண்டும் என்று முயற்சி செய்தார். ஏனோ முடியவில்லை. பிறகு தன்னையும் மீறிச் சிரித்து விட்டார்.

“ஏன் சிரிக்கிறீர்கள்?” என்று கேட்டேன். அதற்கு அவர் சொன்னார் “நானும் உன்னோடு இந்தக் காதல் காட்சியில் உணர்ச்சியோடு நடிக்க வேண்டும் என்றுதான் நினைக்கிறேன். ஆனால், எனக்கு ஒரு குழந்தையோடு காதல் காட்சியில் நடிப்பது போலத்தான் இருக்கிறது!” என்றார். எனக்கும் சிரிப்பு வந்துவிட்டது.

“பெரிய அரசியல்வாதியாக வேண்டும் என்று ஆசை!’’ - பெரும் கனவுகண்ட ஜெயலலிதா

தான் நடிக்கும்போது, கூட நடிக்கும் மற்ற நடிகர்களுக்குத் தானே நடித்து, தானே உணர்ச்சிகளை முகத்தில் காட்டி, சொல்லிக் கொடுப்பார். நடிப்பில் பல நல்ல யோசனைகளைச் சொல்வார்.

ஒருநாள் ‘எங்க ஊர் ராஜா’ படப்பிடிப்பு முடிந்ததும், குரலை மட்டும் பதிவு செய்தார்கள். அதில் அவர் தந்தையாகவும் மகனாகவும் நடித்தார் அல்லவா? தந்தை - மகன் இரண்டு பேர் குரலும் தேவைப்பட்டது. தனித்தனியாக எடுப்பார்கள் என்று நினைத்தேன். முதலில் மகனாகச் சாதாரணமாகப் பேசினார். ஒலிப்பதிவு இயந்திரம் ஓடிக்கொண்டே இருந்தது. ஒரே நொடிதான்! தன் குரலை மாற்றிக்கொண்டு, அதில் நடுக்கத்தைத் கொடுத்து, இருமலையும் சேர்த்து, அழுத்தம் திருத்தமாகத் தந்தையாகவும் பேசினார்.

ஒரே சமயத்தில் மகனாகவும் தந்தையாகவும் மாறிப் பேசியதைக்கண்டு நான் ஆச்சர்யமடைந்தேன்.  நடிப்பு அவர் உடலிலேயே ஊறிப்போயிருக்குமோ என்றுகூட வியந்தேன். செட்டில் குறிப்பிட்ட நேரத்தில் ‘டாண்’ என்று ரெடியாக நிற்பார். தாமதமாக வருவது, என்ற பேச்சே இவரிடம் கிடையாது. நடிக்கும்போது தன் தொழிலைத் தவிர வேறு எதையும் இழுத்துப்போட்டுக்கொள்ள மாட்டார்.

திரைப்படங்களில் நடிக்க வராமலிருந்தால் வேறு என்ன செய்திருப்பீர்கள்?

“எனக்கு ஆங்கில இலக்கிய படித்துப் பட்டம் வாங்க வேண்டும் என்று ஆசை. ஒருவேளை படித்துப் பட்டம் வாங்கி, ஆங்கில இலக்கியத்தைக் கரைத்துக் குடித்துக் கொண்டிருப்பேன்!

ஓவியக் கல்லூரியில் சேர்ந்து படம் போடக் கற்றுக்கொள்ள வேண்டும் என்றும் ஆசை. ஒருவேளை அப்படிப் போயிருந்தால், இன்று பல நல்ல ஓவியங்களைத் தீட்டித் தள்ளிக் கொண்டிருப்பேன்!

பால சரஸ்வதி - யாமினி கிருஷ்ணமூர்த்தி இவர்களைப்போல், ‘கிளாஸிகல்’ நடனத்தில் உலகப் புகழ்பெற வேண்டும் என்றும் ஆசைப்பட்டேன். அந்த முயற்சியில் இன்று ஈடுபட்டுக்கொண்டிருக்கிறேன்.

அரசியலில் தீவிரமாக இறங்கி, பெரிய அரசியல்வாதியாக வேண்டும் என்ற ஆசையும் இருந்தது. ஒருவேளை நான் சினிமாவிற்கு வராமலிருந்தால், இன்று தேர்தலுக்காக அல்லது உப தேர்தலுக்காக எங்காவது மேடையில் பேசி வெளுத்து வாங்கிக்கொண்டிருப்பேன்!

ஆனால் ஒன்று; ‘இப்படி சினிமாவிற்கு வந்து நடிப்போம்’ என்று நான் கனவிலும் நினைக்கவில்லை. எல்லாம் ‘தலைவிதி’ தான்! ஆனால் கொஞ்சம் அதிர்ஷ்டமான தலைவிதி!

ஓவியம்: கார்த்திகேயன் மேடி