Published:Updated:

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்
பிரீமியம் ஸ்டோரி
“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

Published:Updated:
“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்
பிரீமியம் ஸ்டோரி
“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

‘மொராக்கோ ரேஸ் விபத்தில் நூலிழையில் தப்பித்தார்!’ என்று செய்திகள் பரபரத்துக்கிடந்த நாளின் நள்ளிரவில், ‘அஜீத் காலிங்’ என்று ஒளிர்ந்தது மொபைல்! ‘’ரேஸ் ரேஸ்னு பறந்துட்டே இருப்பதால், அனோஷ்காவையும் ஷாலினியையும் ரொம்பவே மிஸ் பண்றேன். இதோ, அடுத்து இத்தாலி போகணும். நடுவில் ரெண்டு நாள் கேப் கிடைச்சது. உடனே, கிளம்பி சென்னைக்கு வந்தேன். இந்த வருஷம் என் பிறந்தநாளின் போதுகூட அவங்க ரெண்டு பேரும் என் பக்கத்தில் இல்லை!’’ என அஜீத் அன்று பேசியது அத்தனையும் அவர் மனதுக்கு நெருக்கமான, விருப்பமான விஷயங்கள் மட்டுமே!

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

‘`என்னாச்சு, மொராக்கோ ரேஸில்?’’

‘’இந்த வருஷம் ஃபார்முலா-2 சீஸன் ரொம்பவே நல்லா ஆரம்பிச்சது. அன்னிக்கு ரேஸ்ல திடீர்னு எனக்கு ரொம்ப முன்னாடி போயிட்டு இருந்த கார் ஒண்ணு எகிறிப் பறந்து இன்னொரு கார்மேல மோதிருச்சு. பெட்ரோல் பத்திட்டு எரிய ஆரம்பிச்சு, இன்னொரு காரும் அதில் மோத... பயங்கர விபத்து. நான் கொஞ்சம் பின்னாடி இருந்ததால், ஸ்பீட் கன்ட்ரோல் பண்ணி எதிலும் மோதாம பாஸ் பண்ணிட்டேன். 100 அடி முன்னாடி என் கார் இருந்திருந்தா... மை காட்!’’

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

‘`ஆனா, இதுவரை நீங்க கலந்துக்கிட்ட எல்லா ரேஸிலும் கிட்டத்தட்ட கடைசி இடம்தான் பிடிக்கிறீங்க... என்ன காரணம்?’’

‘`இப்ப எனக்கு 39 வயசு. ஃபார்முலா-2 ரேஸ் ஓட்டுபவர்களில் எனக்குத்தான் வயசு ஜாஸ்தி. அவங்க எல்லாருமே ஆறு வயசுல இருந்தே பக்கா பயிற்சி எடுத்து 20 வயசுக்குள் சர்வதேசப் போட்டிகளில் கலந்துக்குறாங்க. ஆனா, நான் ஆறு வருஷம் பிரேக் விட்டுட்டு இப்போதான் திரும்ப வந்திருக்கேன். உடனே, ரிசல்ட் கிடைக்கும்னு சொன்னா, என்னையே நான் ஏமாத்திக்கிறேன்னுதான் அர்த்தம். படிப்படியாதான் முன்னேறணும். மெதுவா நடந்தாலும் எப்பவும் பின்நோக்கி மட்டும் நடக்க மாட்டேன்!’’

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

‘`நீங்க நடிக்கிற படங்கள் சரியா ஓடலைன்னுதான் ரேஸ் பக்கம் திரும்பிட்டீங்கன்னு இங்கே பேசிக்கிறது தெரியுமா?’’

‘`கொஞ்சம் உண்மை சொல்லவா பாஸ்? நான் இதுவரை நடிச்ச அத்தனை படங்களிலும் என்னோட 100 சதவிகித உழைப்பைக் கொடுத்துத்தான் நடிச்சிருக்கேன். ஆனா, அதில் பல படங்கள் ஹிட் ஆகலைன்னு நினைக்கும்போது மனசுக்கு ரொம்பக் கஷ்டமா இருக்கு. தொடர்ந்து மட்டமான, குப்பையான படங்களா நடிச்சு என் ரசிகர்களை நான் ஏமாத்த விரும்பலை. அதுவும் இப்போ தியேட்டருக்கு வந்து சினிமா பார்க்கிறது பெரிய செலவு பிடிக்கிற விஷயம். அவ்வளவு காசு செலவழிச்சு தியேட்டருக்கு வர்ற ரசிகர்கள் யாரும் நிச்சயம் குப்பையான படங்கள் பார்க்க விரும்பமாட்டாங்க. என்னைப் பொறுத்தவரை, மட்டமான படங்களில் நடிக்கிறதுக்குப் பதிலா, சும்மா வீட்ல உட்காரலாம். என்னால் தொடர்ந்து வருஷத்துக்கு 200 நாள் கால்ஷீட் கொடுத்து கோடி கோடியாச் சம்பாதிக்க முடியும். ஆனால், எனக்கு அதில் ஆர்வம் இல்லை. இந்த அஜீத் மனசுக்குப் பிடிச்சதை மட்டும்தான் செய்வான். மனுஷனுக்குச் சந்தோஷம்தான் சார் முக்கியம்!’’

“அஜித் மட்டும் அரசியலில் இல்லாமல் இருக்க முடியுமா?” - வெற்றி, தோல்விகளைச் சொல்லும் அஜித்

‘` ‘அஜீத் அரசியலுக்கு வரப்போறார்’னு ஒரு பேச்சு இருக்கே... அஜீத்குமார் அரசியல்வாதி ஆவாரா?’’

‘`இப்போ நான் அரசியல்வாதி இல்லைன்னு யார் சொன்னது? இப்பவும் எப்பவும் அரசியல் என்னைச் சுத்தி இருந்துட்டேதான் இருக்கு. சினிமா இண்டஸ்ட்ரி முழுக்கவே பாலிடிக்ஸ்தான். கருணையே இல்லாத அந்த இண்டஸ்ட்ரியில் ஒருத்தன் சர்வைவ் பண்ணணும்னா, அவனுக்கு நிச்சயம் அரசியல் தெரிஞ்சிருக்கணும். சினிமாவில் எந்த காட்ஃபாதரும் இல்லாம 18 வருஷம் சமாளிச்சு நிக்க, சாதிக்க, நானும் எப்பவோ அரசியல்ல இறங்கிட்டேன்.

ஸ்கூல், காலேஜ், ஆபீஸ்னு எல்லா இடங்களிலும் அரசியல் இருக்கு. அரசியல் இல்லாத ஒரு இடம்கூட இந்த உலகத்தில் இல்லை. அரசியல் இல்லாத மனுஷன் யாரும் இந்த உலகத்தில் கிடையாது. அஜீத் மட்டும் அரசியலில் இல்லாமல் இருக்க முடியுமா என்ன?’’ - குறும்பாகச் சிரிக்கிறார் அஜீத்!

ஓவியம்: கார்த்திகேயன் மேடி