Published:Updated:

இன்பாக்ஸ்

இன்பாக்ஸ்
பிரீமியம் ஸ்டோரி
இன்பாக்ஸ்

இன்பாக்ஸ்

இன்பாக்ஸ்

இன்பாக்ஸ்

Published:Updated:
இன்பாக்ஸ்
பிரீமியம் ஸ்டோரி
இன்பாக்ஸ்

* டிவிக்கு வருகிறார் எமி ஜாக்ஸன். ‘சூப்பர்கேர்ள்’ என்னும் ஹாலிவுட் டிவி ஷோவில் நடிக்கிறார். வேற்று கிரகப் பெண்ணான எமி, பூமியில் ஆபத்துக்குள்ளாகும் பெண்களைக் காப்பாற்றுவதற்காக சூப்பர் கேர்ள் அவதாரம் எடுக்கிறார் என்பதே கதை. முழுக்க முழுக்க கனடாவில் இந்த டிவி தொடர் படம்பிடிக்கப்பட்டுள்ளது! நம்ம கேர்ள்!

இன்பாக்ஸ்

* சங்கமித்ராவில் ஸ்ருதிஹாசனுக்கு பதிலாக நாயகியாக நடிக்க விருக்கிறார் திஷா பட்டானி.  சாக்லேட்

இன்பாக்ஸ்

விளம்பரம் மூலம் மாடலிங்கில் என்ட்ரி போட்டவர், அடுத்து தோனி பயோபிக்கில் பாலிவுட்டிலும் தடம்பதித்தார். இப்போது சங்கமித்ராவாக கோலிவுட்டுக்கும் வருகிறார் திஷா. புதுப்புயல்!

* என்.டி.ராமாராவின் வாழ்க்கையைப் படமாக எடுத்துக்கொண்டிருக்கிறார் ராம்கோபால்வர்மா. படத்தின் பெயர் ‘லட்ச்மீஸ் என்டிஆர்’.  படத்தை அடுத்த ஆண்டு இறுதியில் வெளியிடத் திட்டமிட்டிருக்கிறார் ஆர்ஜிவி. படத்துக்கு என்டிஆரின் மகன் பாலகிருஷ்ணா பக்கத்திலிருந்து பயங்கர எதிர்ப்பாம். இருந்தாலும் படத்தை முடிக்காமல் விடமாட்டேன் எனச் சூளுரைத்து இயக்கிக்கொண்டிருக்கிறார் ராம்கோபால்வர்மா. சமீபத்தில் படத்தின் ஃபர்ஸ்ட்லுக்கை இன்ஸ்டாகிராம் பக்கத்தில் வெளியிட்டு தெலுங்குதேசத்தைத் தெறிக்கவிட்டிருக்கிறார். சர்ச்சை மன்னன்!

இன்பாக்ஸ்

* ‘காயங்குளம் கொச்சுண்ணி’ என்கிற மலையாளப்படத்தில் நிவின் பாலி நடித்துக்கொண்டிருக்கிறார். சமீபத்தில் மலையாளத்தில் வெளியான படங்களிலேயே இது மிகப்பெரிய படமாக இருக்கும் என்கிறார்கள். இந்தப்படத்தில் ஒரு ஸ்பெஷலான விஷயம், முக்கியமான கேரக்டரில் `மக்கள் செல்வன்’ விஜய் சேதுபதியும் நடிக்கவிருக்கிறார். மாஸ் பாஸ்!

* இந்தியாவுக்கு முதல் உலகக்கோப்பையைப் பெற்றுத்தந்த கபில்தேவின் வாழ்க்கை வரலாறு படமாகிறது. கபில்தேவாக நடிப்பவர் ரன்வீர்சிங். ‘83’ எனப் பெயரிடப்பட்டிருக்கும் இந்தப் படத்தை கபீர்கான் இயக்குகிறார். ``கிரிக்கெட்டைத் தாண்டி கபில்தேவ் என்னும் தனி மனிதன் எப்படிப்பட்டவன் என்பதை இந்தப் படம் சொல்லும்’’ என்கிறார் ரன்வீர்! இன்ஸ்பைரிங் ஹீரோ

* தல அஜித் தன் பழைய வீட்டை முற்றிலும் இடித்துவிட்டு முழுக்க முழுக்க டெக்னாலஜியின் துணையோடு புதிதாகக் கட்டியிருக்கிறார். வீட்டுக் கதவுகளில் இருந்து கிச்சன் வரை கிட்டத்தட்ட எல்லாவற்றையுமே ரிமோட் மூலம் இயக்கும் வகையில் மாற்றியிருக்கிறார்கள். 4 கிரவுண்ட் இடத்தில் அனோஷ்கா பரதநாட்டியம் பயில தனி இடம், மகன் ஆத்விக் மினியேச்சர் கார்களோடு விளையாட தனி இடம், மனைவி ஷாலினிக்கு வீட்டுக்குள்ளேயே பேட்மிட்டன் கோர்ட் என வீட்டை டெக்பேலஸாகவே மாற்றியிருக்கிறார்! அப்டேட் அஜித்!

இன்பாக்ஸ்

* உலகின் மிக அழகான ஜனாதிபதிகள் பட்டியலில் முதலிடத்தில் இருக்கிறார் குரோஷியா அதிபர் கோலிண்டா கிராபர். 49 வயதான கோலிண்டா இரண்டு ஆண்டுகளுக்கு முன்பு குரோஷியாவின் அதிபராக வெற்றிபெற்றுப் பொறுப்பேற்றுக்கொண்டார். உலகின் தற்போதைய பெண் அதிபர்களில் கேட்வாக், பீச்வாக் எனக் கலந்துகட்டி அடிப்பதால் தொடர்ந்து உலகின் லைம்லைட்டில் இருக்கிறார் கிராபர். ஓரினச்சேர்க்கைத் திருமணங்கள், கருக்கலைப்பு என, மதத்தின் பெயரால் கட்டுப்பட்டுத்தப்பட்டு வந்த அத்தனை சட்டங்களையும் உடைத்து குரோஷியாவில் பல புரட்சிகளைச் செய்துவருகிறார் கிராபர்! புரட்சித்தலைவி!

‘பத்மினி’ படத்தில் ராணி பத்மினியாக நடித்திருக்கிறார் தீபிகா. படத்துக்குப் பாலிவுட்டில் பயங்கர எதிர்பார்ப்பு. ``நீண்டநாள் கழித்து ஹீரோயினை மையமாகக்கொண்ட படத்துக்கு இவ்வளவு எதிர்பார்ப்பு இருப்பது எனக்கே ஆச்சர்யமாக இருக்கிறது’’ என்கிறார் தீபிகா! தீபிகா இஸ் பேக்!

இன்பாக்ஸ்

* சமீபத்தில் மம்மூட்டியின் ரசிகர்கள், `அங்கமாலி டயரீஸ்’ நடிகை அன்னாராஜனை அழவிட்டிருக்கிறார்கள். டிவி நிகழ்ச்சி ஒன்றில் `மம்மூட்டியும் துல்கரும் ஒரே படத்தில் நடித்தால் யாருக்கு ஜோடியாக நடிப்பீர்கள்?’ என்று கேட்கப்பட, அதற்கு `துல்கர்தான் என் சாய்ஸ், மம்முக்கா எனக்கு அப்பாவாக நடித்தால் ஓகே’ என்று ஓப்பனாகச் சொன்னார் அன்னா. மம்முக்கா ரசிகர்கள் கொதித்துப்போய் இணையத்தில் அன்னாராஜனைத் திட்டித்தீர்க்க, ‘`என்னை மன்னிச்சிடுங்க. நான் விளையாட்டுக்குச் சொன்னேன்’’ என்று சோகமாக வீடியோபோட்டு மன்னிப்பு கேட்டார். வீடியோவைப் பார்த்த மம்மூட்டி மனங்கலங்கி உடனே அன்னாவை அழைத்து ஆறுதல் சொல்லியிருக்கிறார்! ரசிகர்கள்னாலே ரகளைதான்!

நியூட்டன் படத்தை ஆஸ்கருக்கு அனுப்பியதில் பிரியங்கா சோப்ரா ரொம்பவே அப்செட். அவர் மராத்தியில் தயாரித்த ‘வென்டிலேட்டர்’ படம் பல தேசியவிருதுகளை சமீபத்தில் வென்றது. அந்தப்படம்தான் இந்தமுறை ஆஸ்கருக்குப் போகும் என அவர் எதிர்பார்த்திருந்தார். ஆனால், நியூட்டன் செலக்ட் ஆனதால் இப்போது சோகமாகத் திரிகிறாராம். ‘` `வென்டிலேட்டர்’ செலக்ட் ஆகியிருந்தா ஹாலிவுட் நண்பர்கள் படத்தை எப்படியாவது டாப் ஃபைவுக்கு அனுப்பியிருப்பாங்க...’’ என்று புலம்புகிறது பிரியங்கா தரப்பு. பெட்டர்லைக் நெக்ஸ்ட்டைம்!

* இது கால்பந்து வீரர்களுக்கான அப்ரைஸல் நேரம். மெஸ்ஸி, நெய்மார், எம்பாப்பே ஆகியோர் செம ஊதிய உயர்வுடன் செட்டிலாகிவிட, கடுப்பில் இருக்கிறார் கிறிஸ்டியானோ ரொனால்டோ. மெஸ்ஸி, நெய்மார் போல எனக்கும் வருடத்துக்கு 200 கோடி ரூபாய்க்குக் குறையாத சம்பளம் வேண்டும் எனக் கொடிபிடித்திருக்கிறார் ரொனால்டோ. ``ரியல் மேட்ரிட் அணியின் மிகச்சிறந்த ப்ளேயர் நான்தான், ஃபிபாவிலும் பெஸ்ட் வீரராகத் தேர்ந்தெடுக்கப்பட்டிருக்கிறேன். என்னை சரியாக மதிக்கவில்லையென்றால் என்னுடைய ரியாக்‌ஷன்ஸ் வேறு வகையில் இருக்கும்’’ என மெல்லிய எச்சரிக்கை கொடுத்திருக்கிறார். சிங்கத்தை சீண்டிட்டாய்ங்க பாஸ்!

இன்பாக்ஸ்

* கார்டி பி தான் ராப் உலகின் புதிய சென்சேஷன். எல்லா லிஸ்ட்களிலும் டாப் அடிக்கும் பெண் ராப்பர்! சமீபத்தில் யுஎஸ் சார்ட்டிலும் முதலிடம் பிடித்திருக்கிறார். இவருடைய ராப் பாடல்களில்தான் இப்போது உலகமே சொக்கிப்போய்க் கிடக்கிறது. இவருக்கும் இவருடைய சக பாடகியான நிக்கிமினாஜூக்கும் லடாய் என்று ஊரே கிசுகிசுக்க, சமீபத்தில் கார்டி பி-யின் சாதனைகளை மனமாரப் பாராட்டி கெத்து காட்டியிருக்கிறார் நிக்கி! மகளிர் மட்டும்!

இன்பாக்ஸ்

* டிவி தொகுப்பாளினி ஜாக்குலினும் சினிமாவுக்குப் போகிறார். `கோலமாவு கோகிலா அல்லது கோகோ’ என்கிற படத்தில் நடிக்கவிருக்கிறார் ஜாக்குலின். நயன்தாரா நாயகியாக நடிக்கவிருக்கும் இந்தப்படத்தில் நயனுக்குத் தங்கை ஜாக்குலின். நீ கலக்கு கண்ணம்மா!