Published:Updated:

“விஜய்சேதுபதி கொடுத்த சர்ப்ரைஸ் கிஃப்ட்!”

“விஜய்சேதுபதி கொடுத்த சர்ப்ரைஸ் கிஃப்ட்!”
பிரீமியம் ஸ்டோரி
“விஜய்சேதுபதி கொடுத்த சர்ப்ரைஸ் கிஃப்ட்!”

சனா, படங்கள்: ப.சரவணகுமார்

“விஜய்சேதுபதி கொடுத்த சர்ப்ரைஸ் கிஃப்ட்!”

சனா, படங்கள்: ப.சரவணகுமார்

Published:Updated:
“விஜய்சேதுபதி கொடுத்த சர்ப்ரைஸ் கிஃப்ட்!”
பிரீமியம் ஸ்டோரி
“விஜய்சேதுபதி கொடுத்த சர்ப்ரைஸ் கிஃப்ட்!”

“நிறைய பேர் வாழ்த்துகள் சொல்றாங்க.  செம ஹேப்பி!” உற்சாகமாகப் பேச ஆரம்பிக்கிறார்கள், திருமணம் முடிந்த மகிழ்ச்சியில் மிதக்கும் ரமேஷ் திலக்கும் நவலெட்சுமியும்.

‘`எட்டு வருடமா எனக்கு நவாவைத் தெரியும். ரெண்டுபேரும் ஒரே ஆபீஸ்லதான் வொர்க் பண்ணோம். நிறைய விஷயங்களை ஷேர் பண்ணிப்போம். ஒருநாள் அவங்க வீட்டு விசேஷத்துக்கு என் அக்கா பையன் போயிருந்தான். அவனைக் கூட்டிட்டு வர்றதுக்காக நான் நவா வீட்டுக்கு ராத்திரி மூணு மணிக்குப் போனேன். நிறைய விஷயங்களைப் பத்தி, வீட்டு வாசல்ல நின்னு பேசிக்கிட்டிருந்தோம். ‘நாம கல்யாணம் பண்ணிக்கலாமா?’னு  டக்குனு கேட்டுட்டேன்” என்று ரமேஷ் திலக் சொன்னதும் ஆமோதித்துப் புன்னகைத்தபடி நவலெட்சுமி தொடர்கிறார்.

“எஃப்.எம்மில் சேர்ந்தப்போ, என்னை ரமேஷ் நிறையவே ராகிங் பண்ணுவார். அவரைப் பார்த்தாலே பயப்படுவேன்’’ என்று நவலட்சுமி சொல்ல, “அப்புறம் என்னங்க, ‘ஸ்டன்ட் மாஸ்டர் ராம்போ ராஜ்குமார் பொண்ணு, வேலைக்குச் சேர்ந்திருக்காங்க’னு ஒரே பேச்சு.  வேலைக்குப் புதுசா ஜாயின் பண்றாங்கனு அன்னைக்கு மட்டும் கெத்தைக் காட்டினேன். அப்புறம் ஃப்ரெண்ட்ஸ் ஆகிட்டோம். காதலர்கள் ஆகி, இப்போ கணவன் - மனைவியும் ஆகிட்டோம்” என்கிறார் ரமேஷ் திலக்.

“விஜய்சேதுபதி கொடுத்த சர்ப்ரைஸ் கிஃப்ட்!”

“நாங்க ரெண்டு பேரும் லவ் பண்ற விஷயமே சினிமாவைப் பொறுத்தவரைக்கும் விஜய்சேதுபதி அண்ணாவுக்குதான் முதல்ல தெரியும். சூரியன் எஃப்.எம்மில் ‘ஆரஞ்சு மிட்டாய்’ புரொமோஷனுக்காக நானும், அண்ணாவும் போனப்போ நவாதான் எங்களை இன்டர்வியு எடுத்தா. அன்னைக்கு நைட் நானும் அண்ணாவும் பேசிட்டிருந்தப்போதான், ‘அண்ணா, நான் சொன்ன பொண்ணு நவாதான்’னு சொன்னேன். அண்ணாவுக்கு ரொம்ப சந்தோஷம். அண்ணாவுக்கு ஏற்கெனவே நவாவை நல்லாத் தெரியும். ‘உடனே கல்யாணம் பண்ணுடா’னு சொன்னார். ஒவ்வொரு புத்தாண்டின்போதும் ‘தம்பி, இந்த வருஷம் கல்யாணம் பண்ணிடு’னு மெசேஜ் போடுவார்.

எங்க கல்யாணத்துக்கு சேதுபதி அண்ணா வருவார்னு நான் எதிர்பார்க்கவேயில்லை. ஏன்னா, எங்க கல்யாணம் அன்னைக்கு அவருக்கு பாரீஸ்ல ‘ஜூங்கா’ படத்தோட ஷூட்டிங். ‘இமைக்கா நொடிகள்’ ஷூட்டிங்ல நானும் அண்ணாவும் நடிச்சிட்டிருந்தப்போ ஒரு கல்யாண சீன் ஷூட் பண்ணுனாங்க. நான், அண்ணா எல்லோரும் வேட்டி, சட்டை கட்டியிருந்தோம். அப்போ, விஜய்சேதுபதி அண்ணா, டக்குனு அங்கேயிருந்த ஒரு கல்யாண கிஃப்ட்டை என் கையிலே கொடுத்து, போட்டோ கிராபரை போட்டோ எடுக்கச் சொன்னார். ‘உன் கல்யாணத்துக்கு ஊர்ல இருக்கமாட்டேன்டா. அதனால, இப்பவே போட்டோ எடுத்துக்கலாம்’னு சொன்னார்.

“விஜய்சேதுபதி கொடுத்த சர்ப்ரைஸ் கிஃப்ட்!”

ஆனா, கல்யாணம் அன்னைக்குப் பார்த்தா, விஜய் சேதுபதி அண்ணா, அவங்க அம்மா, அண்ணி, பசங்கனு மொத்தக் குடும்பமே வருது. எனக்கு செம ஷாக்கிங். என்னைக் கட்டிப்பிடிச்சு, ‘உன் கல்யாணத்துக்கு வரலைனா எப்படிடா?’னு கேட்டார். அவர் வந்தது எங்களுக்கு சர்ப்ரைஸ் கிஃப்ட்தான்’’ ரமேஷ் திலக் முகத்தில் சந்தோஷ மின்னல்கள்.

“என் வாழ்க்கையிலே  ரமேஷ் கிடைச்சது என்னுடைய லக். இவர் பேரை என் போன்ல  ‘லக்’னுதான் சேவ் பண்ணிவெச்சிருக்கேன்” என்று நவலெட்சுமி சொல்ல, காதலுடன் கைகளைப் பற்றிக்கொள்கிறார் ரமேஷ் திலக்.