Published:Updated:

இன்பாக்ஸ்

இன்பாக்ஸ்
பிரீமியம் ஸ்டோரி
News
இன்பாக்ஸ்

இன்பாக்ஸ்

ரியான் ரெனால்ட்ஸ் நடிப்பில் தயாராகிக்கொண்டிருக்கும் ‘டெட் பூல்-2’ திரைப்படம் மே 18-ல் வெளியாகிறது. அங்குலம் அங்குலமாய் மற்றவர்களைப் பங்கம் பண்ணுகிற மரணகலாய் சூப்பர் ஹீரோ டெட்பூல். படம் இந்தியில் டப் செய்யப்பட்டு வெளியாகவிருக்கிறது. அதற்காக டப்பிங் பேச ரன்வீர் சிங்கை அணுகியிருக்கிறது படக்குழு. ரன்வீரோ ‘நான் ரொம்ப பிஸி’ என நழுவி விட்டார். உச்ச நடிகராக வளர்ந்துகொண்டிருக்கும் நேரத்தில் இதுமாதிரி வேலைகளில் தலையைக் கொடுத்துவிடக்கூடாது என்பதில் உறுதியாக இருக்கிறாராம் ரன்வீர். நோ சொல்லிப் பழகு!

இன்பாக்ஸ்

ன்னைப் பற்றி வரும் பாசிட்டிவ் செய்திகளைவிட நெகட்டிவ் செய்திகளைத்தான் ஆர்வத்துடன் கேட்டு ரசிப்பாராம் அஜீத். இதற்காகவென்றே ஓர் உதவியாளரைத் தனியாக நியமித்திருக்கிறார். அவருடைய வேலையே ஆன்லைன் முதல் பத்திரிகைகள் வரை அஜீத்தைப் பற்றி வரும் எதிர்மறைச் செய்திகளைச் சேகரித்து அவர் பார்வைக்கு அனுப்புவதுதான்! ‘நல்லதைச் சொல்ல ஆயிரம் பேர் இருப்பாங்க. இதுமாதிரியான நெகட்டிவ் கருத்துகளைக் கேட்டால்தான் நமக்கான சரியான திசையை நாம தீர்மானிச்சுக்க முடியும்!’ என்று டிரேடு மார்க் சிரிப்பை உதிர்ப்பாராம் அஜீத். சூப்பர் தல! 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இன்பாக்ஸ்
இன்பாக்ஸ்

பிரகாஷ்ராஜ், ‘ஆடுகளம்’ கிஷோர், விஜி சந்திரசேகர் வரிசையில் இயற்கை விவசாயியாக மாற இருக்கும் அடுத்த நட்சத்திரம் நயன்தாரா. தனது நீண்டநாள் கனவான இயற்கை முறை விவசாயத்துக்கான ஆயத்தப் பணிகளைச் செய்துவருகிறார், இதற்காக இத்துறையில் அனுபவமுள்ளவர்களைச் சந்தித்துவருகிறார். இவர் வேற மாதிரி!

இன்பாக்ஸ்

`ஓம் ஷாந்தி ஓம்’, `ஹேப்பி நியூ இயர்’ வெற்றிகளுக்குப் பிறகு இயக்குநர் ஃபராகான்- ஷாருக்கான் கூட்டணி மீண்டும் கைகோக்கிறது. இதில் கடுப்பில் இருப்பவர் ஃபாராவின் கணவர் ஷிரிஷ் குந்தர். ஷாருக் கையால் முன்பு ஒருமுறை பார்ட்டியில் குத்து வாங்கியிருக்கிறார் குந்தர். அதனால்தான் இந்த கடுப்ஸ். ஃபராகான் ஷாரூக்கும் குந்தரும் சந்திப்ப தற்கான வாய்ப்புகளைத் தவிர்த்துக் கொண்டிருக்கிறார். இருக்கு... என்டர்டெயின் மென்ட் இருக்கு!

இன்பாக்ஸ்

ஹாட்ரிக் கோல்கள் அடிப்பது கிறிஸ்டியானோ ரொனால்டோ வின் ஹாபி. சீசன் தொடக்கத்தில் சைலன்ட்டாக இருந்துவிட்டு, ஃபினிஷிங்கில் விஸ்வரூபம் எடுக்கும் CR7, சீசன் முடிவில் எக்கச்சக்க சாதனைகளைப் படைத்திருப்பார். சாம்பியன் அணிகளையே கதறவிடுவது இந்த ரியல் மாட்ரிட் ஜாம்பவானின் பியூட்டி. சமீபத்தில் கத்துக்குட்டி ஜிரோனா அணிக்கு எதிராக நான்கு கோல்கள் அடிக்க, `ஹாட்ரிக்கில் எங்க தல ஆஃப் செஞ்சுரி’ எனப் புகழ்பாடுகின்றனர் ரியல் மாட்ரிட் ரசிகர்கள். ரொனால்டோ இதே ஃபார்மில் நீடித்து, ஜூன் மாதம் ரஷ்யாவில் நடக்கவுள்ள உலகக் கோப்பையை வென்று தர வேண்டும் என்பது போர்ச்சுகல் ரசிகர்களின் வேண்டுதல். நடக்கும் பாஸ்!

இன்பாக்ஸ்

றைந்த ஆந்திர முதல்வர் ஒய்.எஸ்.ராஜசேகர ரெட்டியின் வாழ்க்கை திரைப்படமாகிறது. இதில் ஒய்.எஸ்.ஆராக நடிக்கவிருக்கிறார் மம்மூட்டி. ‘யாத்ரா’ என்று பெயரிடப்பட்டுள்ள இந்தப் படத்தில் நயன்தாராவும் இருக்கிறார். இரண்டு முறை ஆந்திர முதல்வராக இருந்து 2009-ல் ஹெலிகாப்டர் விபத்தில் உயிரிழந்தவர் ஒய்.எஸ்.ஆர். பரபரப்பான திரைக்கதை அமைத்திருக்கிறாராம் படத்தின் இயக்குநர் மஹி.எஸ்.ராகவ். அன்று அம்பேத்கர், இன்று ஒய்.எஸ்.ஆர்!

இன்பாக்ஸ்

‘96’, ‘சீதக்காதி’, ‘சூப்பர் டீலக்ஸ்’, ‘செக்கச் சிவந்த வானம்’ என அரை டஜன் படங்களில் ஓய்வே இல்லாமல் ஒரே நேரத்தில் நடித்துக்கொண்டிருக்கிறார் விஜய்சேதுபதி. அடுத்து யுவன் ஷங்கர் ராஜா தயாரிப்பில் ‘மாமனிதன்’ படத்திலும் நடிக்க ஒப்பந்தம் ஆகியிருப்பவர், எஸ்.பி. ஜனநாதன் இயக்கத்திலும் ஒரு படத்தில் நடிக்க விருக்கிறார்.  ஜூனில் படப்பிடிப்பு. இதற்குத்தானே ஆசைப்பட்டாய் பாலகுமாரா!

இன்பாக்ஸ்

மிழ், இந்தி, தெலுங்கு உள்ளிட்ட மொழிகளில் உச்ச நட்சத்திரங்களோடு நடித்தவர் ஷ்ரேயா சரண். கடந்த வாரத்தில் திடீரென்று ரஷ்யாவைச் சேர்ந்த டென்னிஸ் வீரர் ஆண்ட்ரி கோஷீவைத் திருமணம் செய்திருக்கிறார். ராஜஸ்தான் மாநிலம் உதய்பூரில் நடந்த மணவிழாவில் ஷ்ரேயாவிடம் ஹிந்தியில் தன் காதலை வெளிப்படுத்தி, சுற்றியிருந்தவர்களை ஆச்சர்யத்திலும் ஆனந்தத்திலும் ஆழ்த்தியிருக்கிறார் ஆன்ட்ரீ. மகிழ்ந்திரு மகிழ்ந்திரு!

இன்பாக்ஸ்

ணிரத்னம், ஷங்கர், ஏ.ஆர். முருகதாஸ் என டாப் இயக்குநர்களின் ஒளிப் பதிவாளராக இருப்பவர் ரவி.கே. சந்திரன். இவர் மகன் சந்தானகிருஷ்ணன் தற்போது தமிழில் தயாராகிவரும் ‘நோட்டா’ படத்தில் ஒளிப்பதிவாளராக அறிமுகம் ஆகிறார். மலையாளத்தில் 2015-ல் வெளியான ‘டூ கன்ட்ரீஸ்’, இந்தியில் வெளியாகவுள்ள ‘பாகி 2’ திரைப்படங்களுக்கும் இவர் ஒளிப்பதிவு செய்துள்ளார். வெளிச்சம் பாய்ச்சுங்கள்!

சென்ற வாரம் ஒரு காண்டாமிருகத்தின் மறைவுக்காக ஒட்டுமொத்த உலகமும் துக்கம் அனுசரித்தது. அழிந்துவரும் அரிய உயிரினமான ‘நார்த் வொயிட்’ வகை காண்டாமிருக இனத்தின் கடைசி ஆண் ‘ஸூடான்’. கென்யாவின் `ஒல் பெஜேயா’ காப்பகத்தில் வாழ்ந்து வந்த ‘ஸூடான்’ தன் 45வது வயதில் உயிரிழந்தது. தற்போது இந்த இனத்தில் எஞ்சியிருப்பது ஸூடானின் மகள்களான `நாயின்’ மற்றும் `ஃபட்டு’ மட்டும்தான். 45 வயது நிரம்பிய ஸூடானின் மரபணுக்களைப் பாதுகாத்து வரும் ஒல் பெஜேயா காப்பகம் செயற்கைக் கருத்தரிப்பு மூலம் மீண்டும் இந்த இனத்தைப் பெருக்க முயற்சிகள் மேற்கொண்டுவருகிறது. மீண்டெழு இனமே!