Published:Updated:

`இனி அவர்களுடன் சேர்ந்து பணிபுரிய மாட்டோம்' - கைகோக்கும் பாலிவுட் பெண் இயக்குநர்கள்!

`இனி அவர்களுடன் சேர்ந்து பணிபுரிய மாட்டோம்' - கைகோக்கும் பாலிவுட் பெண் இயக்குநர்கள்!
`இனி அவர்களுடன் சேர்ந்து பணிபுரிய மாட்டோம்' - கைகோக்கும் பாலிவுட் பெண் இயக்குநர்கள்!

''பாலியல் குற்றச்சாட்டில் சிக்கிய நடிகர்களுடன் இணைந்து இனி பணிபுரிய மாட்டோம்'' என இந்தி பெண் இயக்குநர்கள் தெரிவித்துள்ளனர்.

`இனி அவர்களுடன் சேர்ந்து பணிபுரிய மாட்டோம்' - கைகோக்கும் பாலிவுட் பெண் இயக்குநர்கள்!

#MeToo இயக்கம் மூலம் தினந்தோறும் பாலியல் குற்றச்சாட்டுகள் வெளிவந்த வண்ணம் உள்ளன. திரையுலகம் உட்பட பல்வேறு துறைகளில் உள்ள முக்கியப் பிரமுகர்கள் மீதும் பாலியல் குற்றச்சாட்டுகள் சுமத்தப்பட்டுவருகின்றன. இந்தியாவை உலுக்கிவரும் இந்தப் பாலியல் குற்றச்சாட்டுகளை விசாரிக்க மத்திய அரசு தனி குழு ஒன்றை நியமிக்க உள்ளது. இது ஒருபுறம் இருக்க, 'பாலியல் குற்றச்சாட்டுக்கு ஆளாகி குற்றம் நிரூபிக்கப்பட்ட நடிகர்களுடன் இனி இணைந்து பணிபுரிய மாட்டோம்' என இந்தி பெண் இயக்குநர்கள் அறிவித்துள்ளனர். பிரபல பாலிவுட் பெண் இயக்குநர்களான கொங்கனா சென் சர்மா, நந்திதாதாஸ், மேக்னா குல்சார், கவுரி ஷிண்டே, சோயா அக்தார் ஆகியோர் கூட்டாகச் சேர்ந்து இந்த அறிவிப்பை வெளியிட்டுள்ளனர்

``பெண்கள் மற்றும் இயக்குநர்கள் என்ற முறையில் ஒன்று சேர்ந்து #MeToo எங்கள் ஆதரவைத் தெரிவிக்கிறோம். பாலியல் தாக்குதலுக்கு உள்ளான பெண்கள், அதை வெளிப்படையாகச் சொல்ல தொடங்கியிருப்பது நிச்சயம் வரவேற்கத்தக்க புரட்சியாகும். பாதிக்கப்பட்ட பெண்களுக்கு ஆதரவாகத் துணை நிற்போம். பெண்களுக்கு பணியிடங்களில் நேரும் கொடுமைகளுக்கு எதிராகவும், பாதுகாப்பு, சம உரிமை குறித்தும் இனி நாங்கள் பிரசாரம் செய்வோம். அதே நேரம், பாலியல் குற்றச்சாட்டுக்கு ஆளாகி குற்றம் நிரூபிக்கப்பட்டவர்களுடன் இனி பணிபுரியப்போவது கிடையாது" என அவர்கள் கூட்டாக அறிவித்துள்ளனர். இவர்களின் நடவடிக்கைக்கு வலைதளங்களில் பாராட்டுகள் குவிந்துவருகிறது.