Published:Updated:

மெர்க்குரி - சினிமா விமர்சனம்

மெர்க்குரி - சினிமா விமர்சனம்
பிரீமியம் ஸ்டோரி
மெர்க்குரி - சினிமா விமர்சனம்

மெர்க்குரி - சினிமா விமர்சனம்

மெர்க்குரி - சினிமா விமர்சனம்

மெர்க்குரி - சினிமா விமர்சனம்

Published:Updated:
மெர்க்குரி - சினிமா விமர்சனம்
பிரீமியம் ஸ்டோரி
மெர்க்குரி - சினிமா விமர்சனம்

‘பேசும் படத்’துக்குப் பிறகு வந்திருக்கும் பேசாப் படம்.

செவித்திறன், பேசும் திறன் அற்ற ஐந்து இளைஞர்கள், ஒரு விபத்து, அதன்பின் தொடரும் அலறலும் கதறலுமே ‘மெர்க்குரி’.

முகத்திலும் நகங்களிலும் வடிந்தோடும் ரத்தம், அதைவிட அடர் நிறத்தில் ஒரு ஸ்வெட்டர், கந்தலாகிப்போன வேட்டியென மிரட்டலான நடிப்பால் கதிகலங்கவைக்கிறார் பிரபுதேவா.

மெர்க்குரி - சினிமா விமர்சனம்

மாட்டிக்கொள்ளும் இளைஞர்களாக இந்துஜா, சனந்த், தீபக் பரமேஷ்வர், ஷஷான்க் புருஷோத்தமன் மற்றும் அனீஷ் பத்மநாபன் தங்களுக்கான பாத்திரங்களில் சிறப்பாக நடித்துக்கொடுத்திருக்கிறார்கள். ஆனால் வாய் பேசாத கதாபாத்திரங்கள் என்பதால் சில இடங்களில் உடல்மொழி ‘ஓவர் ஆக்டிங்கோ?’ என்று தோன்றவைக்கிறது.

பனிமூட்டத்தில் காதலர்களின் நிழல் நடனமாடும் காட்சி, திகில் காட்சிகளில் மிரட்டும் கோணங்கள் என்று திருவின் ஒளிப்பதிவு படத்தின் ப்ளஸ். வசனங்களே இல்லாத படத்துக்கு இசைதான் வசனம் என்று உணர்ந்து, பிரமாதமான பின்னணி இசையைத் தந்திருக்கிறார் சந்தோஷ் நாராயணன். விவேக் ஹர்ஷனின் படத்தொகுப்பு, விறுவிறுப்பைக் கூட்ட உதவியிருக்கிறது.

ஒட்டுமொத்த விகடனுக்கும் ஒரே ஷார்ட்கட்!

மெர்க்குரி - சினிமா விமர்சனம்

கண் பார்வையற்றவர் இறந்து போனால் அவரது ஆவிக்கும் பார்வை இருக்காதா, ஓரிடத்தில் புதைக்கப்பட்ட சடலம் மெர்க்குரி தொழிற்சாலைக்குள் வருவது எப்படி, இறுதியில் இந்துஜாவின் உடலுக்குள் புகுவதற்கு முடிவெடுக்கும் ஆவி முதலிரண்டு இளைஞர்களின் உடலுக்குள் புகுவதற்கு முடிவெடுத்திருந்தால் பழிவாங்குவதில் தடுமாற்றம் இருந்திருக்காதே என்று மௌனப்படத்துக்குள்  ஆயிரம் கேள்விகள் எழுகின்றன.

மெர்க்குரி - சினிமா விமர்சனம்

கார்ப்பரேட் பேராசை, சுற்றுச்சூழல் சீர்கேடு ஆகியவை படத்தின் இறுதியில் காட்டப்படும் ஸ்லைடுகளில் இருக்கும் அளவுக்குப் படத்தின் கதையோட்டத்தில் இருந்திருந்தால் இன்னும் மெச்சப்பட்டிருக்கும் ‘மெர்க்குரி’!

- விகடன் விமர்சனக் குழு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism