Published:Updated:

இரும்புத்திரை - சினிமா விமர்சனம்

இரும்புத்திரை - சினிமா விமர்சனம்
பிரீமியம் ஸ்டோரி
இரும்புத்திரை - சினிமா விமர்சனம்

இரும்புத்திரை - சினிமா விமர்சனம்

இரும்புத்திரை - சினிமா விமர்சனம்

இரும்புத்திரை - சினிமா விமர்சனம்

Published:Updated:
இரும்புத்திரை - சினிமா விமர்சனம்
பிரீமியம் ஸ்டோரி
இரும்புத்திரை - சினிமா விமர்சனம்

டேட்டா யுகத்தின் டிஜிட்டல் க்ரைம்களை வெள்ளித்திரையில் வெளிச்சம்போட்டுக் காட்டும் படம்.

ஆதார் லீக்ஸில் தொடங்கி கேம்ப்ரிட்ஜ் அனாலிடிகா வரை நம்மைச் சுற்றி நிகழும் அத்துமீறல்களை அழகாகக் கோத்துத் திரைக்கதை அமைத்து கவனம் ஈர்க்கிறார் அறிமுக இயக்குநர் பி.எஸ்.மித்ரன்.

இரும்புத்திரை - சினிமா விமர்சனம்

ராணுவப் பயிற்சிப்பள்ளியில் ஆசிரியர், கோபக்கார விஷால். தங்கை திருமணத்தை நடத்த வாங்கிய கடனை அவருக்கே தெரியாமல் ஹேக்கிங் கும்பல் ஆட்டையைப் போட, தேடுதல் வேட்டையில் இறங்குகிறார். திருடனைத் தேடித் திரியும் விஷாலுக்குக் கிடைப்பவை அத்தனையும் அதிர்ச்சித் தகவல்கள். இந்த ஒட்டுமொத்த இன்டலிஜென்ட் குற்றங்களுக்குப் பின்னால் இருப்பது ஒரு புத்திசாலிக் குரல்... அதைக் கண்டுபிடித்து அழித்து உலகைக்காப்பதே மீதிக்கதை!

ஆறடி ஆர்மி மேஜர் கதிரவனாக விஷால் செம ஃபிட். அக்கவுண்டில் பணம் காணாமல் போகும்போது அதிர்ச்சி முகம், அப்பாவிடம் அலட்சிய முகம், சமந்தாவிடம் வழிசல் முகம் என்று பல பரிமாணங்கள் காட்டுகிறார். அதிலும் அந்த சப்வே சண்டைக்காட்சி செம கெத்து!

ஒட்டுமொத்த விகடனுக்கும் ஒரே ஷார்ட்கட்!

ஒரு சின்னப் புன்னகையுடன் ஹீரோயின் கடமை செய்திருக்கிறார் சமந்தா. நடையும் நரம்பும் தளர்ந்த கிராமப்புற வெகுளித் தந்தையை அப்படியே கண்முன் நிறுத்துகிறார் டெல்லி கணேஷ். ‘உங்களை அடிச்சுடுவேன்னு பயமா இருக்குப்பா’ என விஷால் கத்தும் காட்சியில் மனிதர் கொடுக்கும் எக்ஸ்பிரஷன்கள்...  வாவ்! 

இரும்புத்திரை - சினிமா விமர்சனம்



படத்தின் டெரர் சர்ப்ரைஸ் ஒயிட் டெவில் - அர்ஜுன். இன்டர்வெல்லில் தான் அவருக்கு முதல் காட்சியே. ஆனால் படத்தின் முதல் காட்சியிலிருந்து க்ளைமாக்ஸ் வரை ஒட்டுமொத்த திரைக்கதையையும் கட்டுப்படுத்துகிற அச்சமூட்டும் ஆயிரம் கண்ணுடையான்.  

படத்தில் இடம்பெறுபவை இரண்டே பாடல்கள்தான். ஆனால், பின்னணி இசையில் பின்னியிருக்கிறார் யுவன் ஷங்கர் ராஜா. ஜார்ஜ் வில்லியம்ஸின் கேமரா கோணங்கள் த்ரில்லருக்கான திக் திக் உணர்வை கடத்துகின்றன. பக்கா டீட்டெய்லிங் படத்தை போரடிக்காமல் பார்க்கத் துணை நிற்பது எடிட்டர் ரூபெனின் சின்ஸியர் கத்திரி.

ரொம்பத்தான் பயமுறுத்து கிறார்களோ, ஒரே ஒரு தனிநபர் இத்தனை அட்ராசிட்டிகளை அரங்கேற்ற முடியுமா, காவல்துறை அதிகாரி முதல் தகவல் தொழில்நுட்பத் துறை அமைச்சர் வரை கண்ணில் விரலை விட்டு ஆட்டினாலும் எதுவுமே செய்யாமல் இருப்பார்களா, ‘ஒயிட்-டெவில்’ கேரக்டரைசேஷன் முழுமையாக இல்லையே என்றெல்லாம் படம் பார்த்து முடித்ததும் ஏராளமான கேள்விகள் எழுகின்றன.

ஆனால் தனிநபர் அந்தரங்கம் களவாடப்படும் தகவல் யுகத்தில் வாழ்கிறோம் என்ற உண்மையை அழுத்தமாய்ச் சொன்ன விதத்தில் ’இரும்புத்திரை’ ஓர் அழுத்தமான அலெர்ட் மெசேஜ்.

- விகடன் விமர்சனக் குழு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism