மிஸ்டர் மியாவ்

நா ன்கு வருட இடைவெளிக்குப் பிறகு, ‘கூடே’ என்ற படத்தில் நடித்திருக்கிறார் நஸ்ரியா. ‘பெங்களூர் டேஸ்’ படத்தை இயக்கிய அஞ்சலி மேனனின் படம் இது. தொடர்ந்து படங்களில் நடிக்க விரும்பும் நஸ்ரியா, இதற்காகக் கதைகளைக் கேட்டு வருகிறார்.

. ‘அ ருவி’ நாயகி அதிதி பாலன், முதன்முறையாக, ரத்த தானம் செய்த போட்டோவை இன்ஸ்டாகிராம் பக்கத்தில் பதிவிட்டுள்ளார். அதற்கு ஏராளமான லைக்குகள் குவிந்துள்ளன.

. கே ரளாவில் நடந்த பாலியல் குற்றச் சம்பவங்களை மையமாக வைத்து ஷகிலா நடிப்பில் உருவாகியிருக்கும் ‘சீலாவதி’ படத்திற்கு, தணிக்கைக் குழு தடை விதித்துள்ளது. ‘‘படத்தைப் பார்க்காமலேயே தடை செய்துள்ளனர். படத்திற்கு மக்கள் ஆதரவு கிடைக்கும்” என்கிறார் ஷகிலா நம்பிக்கையுடன்.

. இ சையமைப்பாளர் ஏ.ஆர்.ரஹ்மானின் வாழ்க்கை வரலாறு நூல், ‘நோட்ஸ் ஆஃப் எ ட்ரீம்’ என்ற பெயரில் ஆகஸ்ட் மாதம் வெளியாகிறது. 24 வயதாகும் கிருஷ்ண திலோக் என்பவர் எழுதியுள்ள இந்த நூலுக்கு ‘ஸ்லம்டாக் மில்லியனர்’ படத்தின் இயக்குநர் டேனி பாய்ல் முகவுரை எழுதியிருக்கிறார்.

. த மிழ், தெலுங்கு, மலையாளம் என மூன்று மொழிகளிலும் நடித்துவரும் மடோனா செபாஸ்டின், சுதீப் ஜோடியாக ‘கொடிகோபா 3’ என்ற கன்னடப் படத்தில் நடிக்க ஒப்பந்தமாகியுள்ளார். ‘‘தென்னிந்திய மொழிகள் அனைத்திலும் நடித்துவிட்டேன் என்பதில் மகிழ்ச்சி’’ என்கிறார் மடோனா.

. கெள தம் மேனன் தயாரிப்பில் அதர்வா - ஐஸ்வர்யா ராஜேஷ் நடிப்பில் வெளியாகியிருக்கும் ‘போதை கோதை’ ஆல்பம் யூ ட்யூபில் ட்ரெண்டிங்கில் உள்ளது. அதில், அவர்களின் ரொமான்ஸ் காட்சிகளுக்கு இளைஞர்களிடையே செம ரெஸ்பான்ஸ்!

. ர குல் ப்ரீத் சிங் தன் உடல் எடையைக் குறைத்து, ஸ்லிம் தோற்றத்துடன் ஒரு பிரபல பத்திரிகையின் அட்டைப் படத்துக்கு போஸ் கொடுத்துள்ளார். அந்தப் புகைப்படத்தை அவரின் ரசிகர்கள் ஷேர் செய்து வைரலாக்கி வருகின்றனர்.

. வி ஜய்சேதுபதி - அஞ்சலி நடித்துவரும் படத்தில், விஜய்சேதுபதியின் மகன் சூர்யாவையும் நடிக்க வைக்க முயற்சிசெய்து வந்தார் அப்படத்தின் இயக்குநர் அருண்குமார். ஒருவழியாக, அவருக்கு வெற்றி கிடைத்திருக்கிறது.

பி ரபாஸ் - ஸ்ரதா கபூர் நடிக்கும் ‘சாஹோ’ படத்தின் படப்பிடிப்பு அபுதாபியில் அதிகமான பொருள்செலவில் அரசின் சிறப்பு அனுமதியுடன் நடந்துவருகிறது. கார் சேஸிங் உள்ளிட்ட சண்டைக் காட்சிகளுக்கு மட்டும் பல கோடிகள் செலவழித்துள்ளார்கள்.

‘வி க்ரம் வேதா’ படத்தைத் தொடர்ந்து மாதவன் - ஷ்ரத்தா ஸ்ரீநாத் ஜோடி மீண்டும் இணைந்துள்ளது. அறிமுக இயக்குநர் இயக்கும் இந்தப் படத்துக்கு ‘மாறா’ எனப் பெயரிட்டுள்ளனர்.