Published:Updated:

டிக்: டிக்: டிக் - சினிமா விமர்சனம்

டிக்: டிக்: டிக் - சினிமா விமர்சனம்
பிரீமியம் ஸ்டோரி
News
டிக்: டிக்: டிக் - சினிமா விமர்சனம்

டிக்: டிக்: டிக் - சினிமா விமர்சனம்

விண்கல் விழுவதால் இந்தியாவுக்கு ஏற்படும் அழிவைத் தடுக்க வேண்டுமென்றால், விண்வெளியில் மிதக்கும் அந்நிய நாட்டின் ஆராய்ச்சி நிலையத்திலிருந்து அணு ஆயுதம் ஒன்றைத் திருடவேண்டும். ஆயுதத்தைத் திருடினார்களா, விண்கல் விழுந்ததா, இல்லையா என்பதுதான், ‘டிக் டிக் டிக்.’ 

‘இந்தியாவின் முதல் ஜோம்பி படம்’ கொடுத்த இயக்குநர் சக்தி செளந்தர்ராஜன், இந்த முறை ‘இந்தியாவின் முதல் விண்வெளி படம்’ என்ற அறிவிப்புடன் களமிறங்கி யிருக்கிறார். வாழ்த்துகள். ஆனால், அதற்கான முழுத்தகுதியும் படத்தில் இருக்கிறதா?

டிக்: டிக்: டிக் - சினிமா விமர்சனம்

ஜெயம் ரவி - ஆரவ், இருவரும் நிஜ அப்பா மகன் என்பதால், கேரக்டருக்குக் கச்சிதமாகப் பொருந்துகிறார்கள். ஆனால், ஜெயம் ரவி கேரக்டரின் பின்னணியில் அழுத்தம் இல்லாததால், அவர் நன்றாக நடித்திருந்தாலும்கூட, மனதில் பதிய மறுக்கிறார். நடிப்பும் கிளாமருமாக, தனக்குக் கொடுக்கப்பட்ட கேரக்டரைக் கச்சிதமாகச் செய்திருக்கிறார் நிவேதா பெத்துராஜ். ஆங்காங்கே கலகலப்பூட்டுகிறது ரமேஷ் திலக் - அர்ஜுனன் ஜோடி. ஜெயப்பிரகாஷுக்கும் வின்சென்ட் அசோகனுக்கும் பெரிய ஸ்கோப் இல்லை. இன்டர்நேஷனல் வில்லனாக வரும் ஆரோன் அஸீஸுக்கு அநியாய பில்டப் கொடுத்து, கடைசியில் டம்மி ஆக்கியிருக்கிறார்கள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
டிக்: டிக்: டிக் - சினிமா விமர்சனம்


படத்தின் சி.ஜி டீமும் ஒளிப்பதிவாளர் வெங்கடேஷ் மற்றும் கலை இயக்குநர் மூர்த்தியும் முக்கியமான மூன்று தூண்கள். படத்தை இன்னும் கொஞ்சம் சுவாரஸ்யமாக்க எடிட்டர் பிரதீப் ராகவ் இன்னும் கொஞ்சம் மெனக்கெட்டிருக்கலாம்.  இமானுக்கு இது நூறாவது படம். ‘குறும்பா’, ‘உன் செவிகளில்’   பாடல்கள் கவர்ந்தாலும் பின்னணி இசை கவனம் ஈர்க்கவில்லை.

புது முயற்சி எனப் பாராட்டவிடாமல் தடுக்கும் முக்கியமான விஷயம், லாஜிக் ஓட்டைகள். கிரிக்கெட் போட்டி முடிவை ரிச்சி ஸ்ட்ரீட்டில் இருந்து மாற்றுவது, தி.நகர் நடேசன் பூங்காவில் போல ஸ்பேஸ் ஷிப்பில் கேஷூவலாகத் திரிவது, ஹேக்கிங் கருவி, குவார்ட்டர் பாட்டில் என்று எல்லாவற்றையும் யார் கண்ணிலும் படாமல் எங்கேயும் எடுத்துச்செல்வது, உச்சகட்டமாக விண்வெளியில் இருக்கும் ஆய்வு நிறுவனத்தையே ஹேக்கிங் செய்வதெல்லாம் ரொம்ப ரொம்ப ரொம்ப டூமச். மருந்துக்குக்கூட இஸ்ரோ விண்வெளி ஆய்வு அதிகாரிகளையும் காட்டாதது, ஏன் எதற்கென்றே தெரியாத கொலை முயற்சி என்று ஏராளமான குழப்பங்கள் விண்வெளியில் மிதக்கின்றன.

இந்த லாஜிக் குறைபாடுகளால் ‘டிக் டிக் டிக்’ போதுமான ‘திக் திக்’கை உருவாக்கவில்லை.

- விகடன் விமர்சனக் குழு