Published:Updated:

அதிசயக் குழந்தையின் அதிரடி!

அதிசயக் குழந்தையின் அதிரடி!
பிரீமியம் ஸ்டோரி
அதிசயக் குழந்தையின் அதிரடி!

சினிமாகார்த்தி

அதிசயக் குழந்தையின் அதிரடி!

சினிமாகார்த்தி

Published:Updated:
அதிசயக் குழந்தையின் அதிரடி!
பிரீமியம் ஸ்டோரி
அதிசயக் குழந்தையின் அதிரடி!

லகில் எங்கெல்லாம் அநியாயம் தலைவிரித்து ஆடுகிறதோ, அங்கெல்லாம் அவதரித்து மனிதர்களை காப்பாற்றுவதுதான் சூப்பர் ஹீரோக்களின் வேலை. ஆனால், சூப்பர் ஹீரோக்கள் என்றாலே ஓர் உயிரைக் காப்பாற்ற பலகோடிக்கணக்கான சேதாரங்களை ஏற்படுத்துவார்கள் என்பதும் உண்மைதான். ஸ்பைடர் மேன், பேட்மேன், சூப்பர்மேன் என யாரும் இதற்கு விதிவிலக்கில்லை. அதை மையப்படுத்தி எடுக்கப்பட்டிருக்கும் அனிமேஷன் திரைப்படம்தான் இன்கிரெடிபிள்ஸ் 2.

இன்கிரெடிபிள்ஸ் முதல் பாகம் பார்க்காதவர்களுக்கு ஒரு சின்ன ஃபிளாஷ் பேக்.

அதிசயக் குழந்தையின் அதிரடி!

முதல் பாகம் : சூப்பர் ஹீரோக்கள் மக்களைக் காப்பாற்றுகிறேன் பேர்வழி எனக் கட்டடங்கள், சாலைகளை உடைத்து விடுவதால், அதிக இழப்பு ஏற்படுகிறது. “நீங்கள் ஆணியே பிடுங்க வேண்டாம்’’ என மக்களும், அரசும் சூப்பர்ஹீரோக்களை வெறுத்து ஒதுக்குகிறார்கள். யாருக்கும் தெரியாமல், மிஸ்டர் இன்கிரெடிபிளும் ஃப்ரோஜோனும் (தண்ணீரை ஐஸ்கட்டியாக மாற்றும் திறன் கொண்டவர்) சிலரைக் காப்பாற்றுகிறார்கள். மிஸ்டர் இன்கிரெடிபிளோடு மனைவி எலாஸ்டி கேர்ள் (உடலை எலாஸ்டிக் போல் எப்படி வேண்டுமானாலும் மாற்றும் சக்தி கொண்டவர்),  மகன் டேஷ் (அதிவேகமாக ஓடும் சக்தி), மகள் வயலட் (மாயமாக மறையும் சக்தி) என எல்லாமே சூப்பர்ஹீரோக்கள். இறுதியில் இல்லீகலாக இருக்கும் சூப்பர்ஹீரோக்கள் எப்படி லீகல் ஆகிறார்கள் என்பதை காமெடி கொஞ்சம், ஆ க் ஷ  ன் அதிகமாக வைத்து எடுத்திருப்பார்கள். 2004-ம் ஆண்டு இந்தப் படம் வெளியான போது ரசிகர்கள் மத்தியில் மிகுந்த வரவேற்பைப் பெற்றது.

முதல் பாகத்துக்கும், இரண்டாம் பாகத்துக்கும் கதை ஒன்றுதான்.

ஒட்டுமொத்த விகடனுக்கும் ஒரே ஷார்ட்கட்!

அதிசயக் குழந்தையின் அதிரடி!

14 ஆண்டுகளுக்கு முன்,  முதல் இன்கிரெடிபிள்ஸ் படம் எங்கு முடிந்ததோ, அதே இடத்தில் ஆரம்பிக்கிறது இன்கிரெடிபிள்ஸ் 2. ஊரில் இருக்கும் வங்கிகளை கொள்ளை அடிக்கிறான் அண்டர்மைனர். அவனை மிஸ்டர் இன்கிரெடிபிள் குடும்பத்துடன் எதிர்க்கிறார்கள். எவ்வளவோ முயன்றும் மக்களை மட்டும்தான் சூப்பர்ஹீரோக்களால் காப்பாற்ற முடிகிறது. அண்டர்மைனரைப் பிடிக்க முடியவில்லை. இவர்களால் சேதாரம் அதிகம் என உணரும் அரசு, மீண்டும் சூப்பர் ஹீரோக்களை இல்லீகல் ஆக்குகிறார்கள்.

அதிசயக் குழந்தையின் அதிரடி!

DEVTECH என்னும் நிறுவனத்திடமிருந்து சூப்பர் ஹீரோக்களுக்கு அழைப்பு வருகிறது. அவர்கள் எலாஸ்டி கேர்ளை மட்டும் முதலில் தேர்வு செய்கிறார்கள். வில்லன்களை எலாஸ்டி கேர்ள் கவனிக்க, வீட்டு வேலைகளை மிஸ்டர் இன்கிரெடிபிள் கவனித்துக் கொள்கிறார். ஆனால், இது மிஸ்டர் இன்கிரெடிபிளுக்கு போர் அடிக்கிறது. ஸ்கிரீன்ஸ்லேவர் என்னும் வில்லன் மக்களை கொடுமைப்படுத்துகிறான். உண்மையான வில்லனைக் கண்டுபிடிக்கும் முயற்சியில் சூப்பர்ஹீரோக்கள் சிக்கிக்கொள்ள, இறுதியில் யார் அவர்களைக் காப்பாற்றுகிறார்கள் என்பதே இன்கிரெடிபிள்ஸ் இரண்டாம் பாகத்தின் கதை.

அதிசயக் குழந்தையின் அதிரடி!

மிஸ்டர் இன்கிரெடிபிளின் மூன்றாவது குழந்தையான ஜேக்-ஜேக் தான் படத்தின் நிஜ ஹீரோ. இந்தப் பாகத்தில் அந்தச் சுட்டிக் குழந்தை செய்யும் சாகசம் எல்லாமே ‘வாவ்’ சொல்ல வைக்கிறது. சூப்பர் ஹீரோ என்றால் ஒன்று, இரண்டு சக்தி இருக்கலாம். ஆனால், சுட்டி ஜேக்-ஜேக்குக்கு மொத்தம் 17 சக்திகள். பெரிதாவது, அசுரனாக மாறுவது, தீப்பிழம்பாக மாறுவது, வெவ்வேறு இடங்களுக்குச் செல்ல, வேறு வேறு பரிமாணங்களுக்குச் செல்வது, தன்னைப்போலவே க்ளோனிங் மூலம் ஜேக்-ஜேக்குகளை உருவாக்குவது என அட்டகாசம் செய்கிறான் அதிசயக் குழந்தை ஜேக்-ஜேக். அவ்வப்போது மிமிக்ரி போல் உளறவும் செய்வான். (அனைத்துச் சக்திகளையும் நீங்களே தியேட்டர்ல போய்ப் பார்த்து எண்ணிப்பாருங்க ஃப்ரெண்ட்ஸ்).

முதல் பாகத்தைப் போலவே இதிலும் காமெடி காட்சிகள், வசனங்கள், சண்டைகள் என எல்லாமே அதகளம். அண்டர்மைனர் இன்னும் அழிக்கப்படாததால், எப்படியும் மூன்றாவது பாகம் வரும். அதற்கு இன்னும் 14 ஆண்டுகள் செய்துவிடாதீர்கள் இன்கிரெடிபிள்ஸ் டீம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism