பிரீமியம் ஸ்டோரி
பிட்ஸ் பிரேக்

ஜி.வி.பிரகாஷ்


“எவ்வளவு பிஸியாக இருந்தாலும், தினமும் ஒன்றரை மணி நேரம் ஜிம்முக்கு ஒதுக்கிவிடுவேன். டயட்டைப் பொறுத்தவரை, அரிசி உணவுகளைச் சாப்பிடுவதேயில்லை. காய்கறிகள்தான். நடிப்புதான் வாழ்க்கை என்றான பிறகு உடம்பைக் கவனிக்கலைனா எப்படி பாஸ்! ஜிம்முக்குப் போகாவிட்டால் அந்த நாளே முழுமை அடையிறதேயில்லை”

பிட்ஸ் பிரேக்

உடலினை உறுதி செய்! - சீமான்

காலையில், நாற்பத்தைந்து நிமிடங்கள் வேகமான நடைப்பயிற்சி... கொஞ்சதூரம் ஓட்டம்... பிறகு, தலை முதல் கால் வரையிலான தசைநார்களுக்கு வலுச்சேர்க்கும், ‘ஸ்ட்ரென்த் எக்ஸர்சைஸ்.’ எந்த ஊரில், எந்தச் சூழலில் இருந்தாலும் இது மூன்றையும் தவிர்ப்பதேயில்லை சீமான். உடற்பயிற்சி முடிந்ததும்  எனர்ஜி டிரிங்க். அறுகம்புல்  சாறு, சுரைக்காய்ச் சாறு, கறிவேப்பிலைச் சாறு, இளநீர் இவற்றில் ஏதாவது ஒன்று இருக்க வேண்டும். உடற்பயிற்சி செய்யும்போது பத்து நிமிடத்திற்கு ஒருமுறை ஒரு மடக்கு மட்டும் தண்ணீர் குடிப்பார் சீமான்.

பிட்ஸ் பிரேக்

மஞ்சிமா மோகன்

“தினமும் காலையில் டீக்குப் பதிலா அருகம்புல் சாறு குடிக்கிறேன். சைவ உணவுகளை மட்டும்தான் சாப்பிடுறேன். அதிலும் குறிப்பா அரிசி வகை உணவுகளைத் தவிர்த்துட்டு, சப்பாத்தி, காய்கறி, கீரை வகைகள் ஆகியவற்றைச் சாப்பிடுவேன்.  மாலை நேரங்களில் யோகா. இரவு இரண்டு சப்பாத்தி, ஒரு டம்ளர் பால் தவிர வேறெதுவும் சாப்பிட மாட்டேன். இது எல்லாத்துக்கும் மேல ஒரு நாள்ல நமக்குனு சில மணிநேரங்களை ஒதுக்கணும். அதுல நமக்கு என்ன செய்யப் பிடிக்குமோ, அதை மட்டும் செய்யணும். இதுவும் ஒருவகை தெரபிதான். உங்களுக்கு டான்ஸ் பிடிச்சிருந்தா டான்ஸ் ஆடலாம், பாடலாம், சமைக்கலாம்...என்ன வேணும்னாலும் செய்யலாம். இந்த ஸ்ட்ரெஸ் பஸ்டரை ட்ரை பண்ணிப் பாருங்களேன்!”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு