Published:Updated:

எல்லாவற்றையும் கவனித்தால் என்றாவது பயன்படும்! - தீப்தி

எல்லாவற்றையும் கவனித்தால் என்றாவது பயன்படும்! - தீப்தி
பிரீமியம் ஸ்டோரி
எல்லாவற்றையும் கவனித்தால் என்றாவது பயன்படும்! - தீப்தி

புதிய வார்ப்புகள்மா.பாண்டியராஜன்

எல்லாவற்றையும் கவனித்தால் என்றாவது பயன்படும்! - தீப்தி

புதிய வார்ப்புகள்மா.பாண்டியராஜன்

Published:Updated:
எல்லாவற்றையும் கவனித்தால் என்றாவது பயன்படும்! - தீப்தி
பிரீமியம் ஸ்டோரி
எல்லாவற்றையும் கவனித்தால் என்றாவது பயன்படும்! - தீப்தி

தமிழ் சினிமாவில் பல்வேறு துறைகளில் ஏராளமான பெண்களின் பங்கேற்பு இருந்தாலும், ஆர்ட் டைரக்‌ஷனில் ஜெயஸ்ரீ மட்டுமே தனித்துவத்துடன் முத்திரை பதித்திருக்கிறார். அவருக்கு அடுத்து யாரெல்லாம் களத்தில் இருக்கிறார்கள் என்று தேடியபோது ஜெயஸ்ரீயின் சிஷ்யை தீப்தி சர்ப்ரைஸ் என்ட்ரி கொடுக்கிறார்.

’’ஆர்க்கிடெக்சர் படிக்கிற நிறைய பேர் அதுக்கும் ஆர்ட் டைரக்‌ஷனுக்கும் சம்பந்தம் இல்லைனு நினைக்கிறாங்க. ஆனா, ஆர்ட் டைரக்‌ஷனில் ஆர்க்கிடெக்சரும் ஒரு பார்ட்தான். இது எனக்கு `ஐ’ படம் பார்க்கும் போதுதான் புரிஞ்சது. அந்தப் படம் பார்த்தவுடன் ஆர்ட் டைரக்‌ஷன் துறையில்  ஈடுபடணுங்கற ஆசையோடு ஆர்க்கிடெக்சர் முடிச்சுட்டு ஆர்ட் டைரக்டர் முத்துராஜ் சார்கிட்ட வாய்ப்பு கேட்டேன்.

`நீ இந்த வேலைக்கு வராதே’னு சார் போனிலேயே ஒரு மணி நேரம் பேசினார். முதலில் எங்க வீட்டுலேயும் வேணாம்னுதான் சொன்னாங்க. `இல்ல, எனக்கு இதுலதான் ஆர்வம் இருக்கு’னு சொல்லிட்டு முத்துராஜ் சாரை நேர்ல போய்ப் பார்த்தேன். என்னைப் பார்த்ததும், ‘என்னமா ஸ்கூல் படிக்கிற பொண்ணு மாதிரி இருக்க... உன்னால இங்க சமாளிக்க முடியாதுமா’னு சொன்னார். நான் பிடிவாதமாக இருந்ததாலும், என்னுடைய வொர்க்ஸ் அவருக்குப் பிடிச்சிருந்ததாலும்  உதவியாளரா சேர்த்துக்கிட்டார். `2.0’, `மெர்சல்’, `வேலைக்காரன்’னு மூணு படங்களுக்கான வேலைகளை ஒரே நேரத்தில் பார்த்துட்டிருந்தார் முத்துராஜ் சார். எனக்கு `மெர்சல்’ பட வேலைகளைப் பிரிச்சுக் கொடுத்தார். 1970-களில் மதுரை எப்படி இருந்ததுனு பார்க்கச் சொல்லி ஐந்து பட சி.டி-க்களை கொடுத்தார். இந்தத் துறையில் இதுதான் எனக்கு ரொம்ப பிடிச்ச விஷயம். 2018-ல் இருந்து 1970-களுக்கு போகலாம். `2.0’ மாதிரியான படங்களில் வேலை செய்யும் போது ரொம்ப அட்வான்ஸா 2030-களுக்கு போற ஃபீல் கிடைக்கும்.

எல்லாவற்றையும் கவனித்தால் என்றாவது பயன்படும்! - தீப்தி

செட்டில் எல்லாரும் என்னை `பாப்பா, பாப்பா'னுதான் கூப்பிடுவாங்க. `உன்னால எப்படி  இந்த வேலையைப்  பார்க்க முடியுது’னு கேட்பாங்க. ஷூட்டிங்கின்போது விஜய் அண்ணா  `சுத்தியிருக்கிற நெகட்டிவிட்டியை எப்போதும் பார்க்காதீங்க. உங்க வெற்றியை நோக்கி ஓடிட்டே இருங்க’னு சொல்லிட்டே இருப்பார். அட்லி அண்ணாவும் அப்படித்தான்.  சில நேரம் இந்தத் துறையை விட்டு போயிடலாம்னு எண்ணம் வரும்... அப்போ அட்லி அண்ணாவைப் பார்த்துட்டு வந்தா பல மடங்கு எனர்ஜி உண்டாகி, நெகட்டிவ் எண்ணமெல்லாம் ஓடிப் போயிடும்.

ஆர்ட் டைரக்‌ஷன் வேலையில் சில நேரம் வெயிட்டான பொருள்களைத் தூக்க வேண்டியிருக்கும்; மெட்டீரியல் களைத் தேடி அங்கும் இங்கும் அலைய வேண்டியிருக்கும். ஆனா, நாம ஒரு புது விஷயத்தை தெரிஞ்சுக்கப்போறோம்னு நினைக்கும்போது இதெல்லாம்  கஷ்டமாவே தெரியாது. ஆர்ட் டைரக்‌ஷனில் ஈடுபடணும்னு நினைக்கற பொண்ணுங்க, `இந்த வேலை அப்படியிருக்கும்... இப்படியிருக்கும்'னு மத்தவங்க காட்டுற பயத்துலேயே வராமல் போயிடுறாங்க. அதையெல்லாம் கண்டுக்காம வேலை செய்தால்தான் இங்கே நிலைத்து நிற்க முடியும்.

`அதெப்படி ஆர்க்கிடெக்சர் படிச்சுட்டு ஆர்ட் டைரக்‌ஷனில் வேலை பார்க்கறே?'னு நிறைய பேர் கேட்பாங்க. `ஆர்க்கிடெக்சர்ல எப்படி ஒரு வீட்டை வடிவமைத்துக் கட்டுறாமோ, அதே மாதிரிதான் சினிமாவுல செட் போடுறோம். அங்கே பெர்மனன்ட்; இங்கே டெம்ப்ரவரி... அவ்வளவுதான் வித்தியாசம். ஆனால், சினிமாவில்தான் கதாபாத்திரம் எப்படி இருக்கும், எந்தக் காலகட்டம், என்ன ட்ரெண்ட்... இப்படி நிறைய விஷயங்களை அறிந்துகொள்ளும் வாய்ப்பு கிடைக்கும்.

நாங்க போடுற செட், `செட்டு'னு தெரிஞ்சுடுச்சுன்னா, அது ஆர்ட் டைரக்டரின் தோல்விதானே? அதனாலே, எங்கே போனாலும் என்னைச் சுற்றி என்னென்ன இருக்குன்னு கவனிப்பேன். ஒரு தள்ளுவண்டிக் கடைனா அது எப்படி இருக்கு; அதைச் சுற்றி என்னென்ன பொருள்கள் இருக்குனு எல்லா விஷயங்களையும் நோட் பண்ணி வெச்சுப்பேன். என்னிக்காவது ஒரு நாள் ஆர்ட் டைரக்‌ஷன் பண்றதுக்கு அது பயன்படும்.

முன்னாடி சினிமாத் துறை எப்படி இருந்ததுனு தெரியலை. இப்போ, வெளியில் இருக்கிறவங்க நினைக்கிற அளவுக்குப் பயங்கரமானதா இல்லை. கடந்த சில நாள்களா நான் நைட் ஷூட் போயிட்டு இருக்கேன். அங்கே நிறைய ஆண்கள்தான் வேலை பார்த்துட்டு இருக்காங்க. எனக்கு எந்தப் பிரச்னையும் வந்தது இல்லை. வீட்டு வாசல் வரை கார் வந்து என்னைப் பாதுகாப்பா இறக்கி விட்டுட்டு போகுது.

இப்போ ஜெயஸ்ரீ மேடத்தின் படங்கள் தவிர, சில விளம்பரங்கள், வீடியோ பாடல்களுக்கும் ஆர்ட் டைரக்‌ஷன் பண்ணிட்டு இருக்கேன். தனியா ஒரு படம் பண்றதுக்கு இன்னும் கொஞ்ச நாள் ஆகட்டும்னு, இன்னும் நிறைய நிறைய கவனிக்கிறேன்... கற்றுக்கொள்கிறேன்’’ என்று பேரார்வத் துடன் பேசுகிறார் தீப்தி.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism