Published:Updated:

“இளையராஜாவிடம் இருந்து கற்றுக்கொள்ள வேண்டிய பாடம்...”

“இளையராஜாவிடம் இருந்து கற்றுக்கொள்ள வேண்டிய பாடம்...”
பிரீமியம் ஸ்டோரி
“இளையராஜாவிடம் இருந்து கற்றுக்கொள்ள வேண்டிய பாடம்...”

“இளையராஜாவிடம் இருந்து கற்றுக்கொள்ள வேண்டிய பாடம்...”

“இளையராஜாவிடம் இருந்து கற்றுக்கொள்ள வேண்டிய பாடம்...”

“இளையராஜாவிடம் இருந்து கற்றுக்கொள்ள வேண்டிய பாடம்...”

Published:Updated:
“இளையராஜாவிடம் இருந்து கற்றுக்கொள்ள வேண்டிய பாடம்...”
பிரீமியம் ஸ்டோரி
“இளையராஜாவிடம் இருந்து கற்றுக்கொள்ள வேண்டிய பாடம்...”

சினிமாவில் திரைப் படங்களை இயக்குவதில் கால இடைவெளி அதிகம் எடுத்துக்கொண்டாலும், ‘மொழி’, ‘அபியும் நானும்’, ‘பயணம்’ என வித்தியாசமான படைப்புகளைத் தருபவர், இயக்குநர் ராதாமோகன். தற்போது ‘60 வயது மாநிறம்’ திரைப்படத்தை இயக்கியிருக்கிறார். 

“இளையராஜாவிடம் இருந்து கற்றுக்கொள்ள வேண்டிய பாடம்...”

“பொதுவாக  பஸ் ஸ்டாண்டில், ரயில்வே ஸ்டேஷனில் காணாமல் போனவர்களின் போட்டோவை ஜெராக்ஸ் எடுத்து ஒட்டிவைத்திருப்பார்கள். அதில், தேடப்படும் நபரின் பெயர், வயது, நிறம் குறித்த விபரங்கள் இருக்கும். அதன் பிரதிபலிப்பாக வைக்கப்பட்ட தலைப்புதான், ‘60 வயது மாநிறம்.’ தந்தைக்கும் மகனுக்குமான உறவில் தலைமுறை காரணமாக இடைவெளி ஏற்படுகிறது. அல்சைமர் என்ற ஞாபகமறதி வியாதி கொண்ட தந்தை காணாமல் போகிறார். அவரைத் தேடித் திரிகிறார், மகன். இதுதான் படத்தின் கதை.”

“நீங்கள் இயக்கிய படங்கள் அனைத்துமே உங்கள் கற்பனையில் உருவானவை, இப்போது ரீமேக் கதையை இயக்கியிருக்கிறீர்களே?” 

“கர்நாடகாவில் வெளிவந்த ஒரு படத்தின் ரைட்ஸ் வாங்கி வைத்திருந்த பிரகாஷ் ராஜ், அந்தப் படத்தைப் பார்க்கச் சொல்லி என்னிடம் வற்புறுத்திக்கொண்டே இருந்தார். அப்பாவுக்கும் மகனுக்குமான அன்பை அப்பட்டமாக வெளிப்படுத்தியிருந்த அந்தப் படத்தைப் பார்த்து நெகிழ்ந்து போனேன். மற்ற மொழிப் படங்களை ரீமேக் செய்யக்கூடாது என்ற எண்ணைத்தை மாற்றிக்கொண்டு, இப்படத்தை இயக்கும் வேலைகளில் இறங்கினேன்.”

“படத்தில் நடித்துள்ள நட்சத்திரங்கள் குறித்து...?”


“வித்தியாசமான விக்ரம் பிரபுவை இந்தப் படத்தில் பார்க்கலாம். ஒருமுறை என்னிடம் ‘நான் எதுமாதிரி சார் நடிக்கணும்?’ என்று கேட்ட விக்ரம் பிரபுவிடம், ‘உங்க அப்பாவிடம் எப்படிப் பேசுவீங்க, பழகுவீங்க... அதேமாதிரி பிரகாஷ் ராஜ்கூட இருங்க போதும்’னு சொன்னேன். 

“இளையராஜாவிடம் இருந்து கற்றுக்கொள்ள வேண்டிய பாடம்...”

சமூகத்தில் யாரும் வில்லனாக வாழ வரம் வாங்கி வருவதில்லை. ஒருவனை  அவன்  சார்ந்த சமூகமும், சூழ்நிலையும்தான்  ஹீரோவாகவும் வில்லனாகவும் மாற்றுது. அப்படி ஒரு கேரக்டரில் சமுத்திரக்கனி நடித்திருக் கிறார். ‘மேயாத மான்’ திரைப்படத்தைப் பார்த்தபோது  இந்துஜாவின் நடிப்பும் முகமும் எனக்குப் பிடித்துப்போனது. இந்தப் படத்தின் இளம் வயது ஹீரோவையும், 60 வயது முதியவரையும் சுமந்து செல்லும் கேரக்டருக்கு இந்துஜாதான் சரியாக இருப்பார் என நினைத்தேன். அது வீண்போகவில்லை.” 

“பிரகாஷ் ராஜுக்கும் உங்களுக்குமான நட்பு பெரிது... இந்தப் படத்தில் அவரது கேரக்டரை எப்படி வடிவமைத்திருக் கிறீர்கள்?”
 

“நீங்கள் சினிமாவில் பார்க்கும் பிரகாஷ் ராஜுக்கும், எங்களோடு பழகும் பிரகாஷுக்கும் 100 மடங்கு வித்தியாசம் இருக்கிறது. சினிமாவில் வில்லனாக மிரட்டும் பிரகாஷ், நிஜத்தில் பச்சைக் குழந்தை. ஹியூமர் சென்ஸ் அவருக்கு ரொம்பவே அதிகம். அதனால்தான் ‘மொழி’யில் அவரை ஹியுமராக நடிக்க வைத்தேன்.

“இளையராஜாவிடம் இருந்து கற்றுக்கொள்ள வேண்டிய பாடம்...”

இந்தப் படத்தில் அதற்கு முற்றிலும் மாறுபட்ட கேரக்டர். அல்சைமர் வியாதி கொண்ட கேரக்டரில் நடிக்கும் பிரகாஷுக்கு இந்தப் படத்தில் மூன்று விதமான தோற்றங்கள். அதனால், அவரிடம்  மொத்தமாக கால்ஷீட்  தேதிகளை வாங்கிக்கொண்டோம். ‘கோவிந்த ராஜன்’ என்ற 60 வயது முதியவர் கேரக்டருக்காக பிரகாஷ்ராஜ் செய்த ஹோம் ஒர்க், மெனக்கெடல் அதிகம். பெங்களூரில் அல்சைமர் வியாதி உள்ளவர்களுக்கென ‘நைட்டிங்கேல்’ என்ற  மருத்துவமனை இருக்கிறது. அங்கே நானும் பிரகாஷ் ராஜும் ஒரு வாரம் தங்கினோம். அங்கே சிகிச்சை பெற்றுவரும் நோயாளிகளின் பழக்க வழக்கங்களை நுணுக்கமாக உள்வாங்கிக் கொண்டோம். ஒரு காட்சியைப் படமாக்கும்போது பிரகாஷ் ராஜ்   பர்ஃபாமென்ஸில் ‘நைட்டிங்கேல்’ மருத்துவமனையில் நான் பார்த்த ஒரு நோயாளியின் பிரதிபலிப்பு இருந்ததைப் பார்த்து வியந்தே போனேன்.”
 
“இளையராஜாவின் இசை அனுபவம்... இந்தப் படத்தில் எப்படி இருக்கிறது?” 

“நான் ஆர்.வி.உதயகுமார் சாரிடம் உதவி இயக்குநராக இருந்தபோது இளையராஜா சாரின் இசைக் கோப்பைப் பக்கத்தில் இருந்து பார்த்து, வியந்திருக்கிறேன். அப்போது பார்த்த அதே சுறுசுறுப்பும் பரபரப்பும் இன்னும் மாறாமல் அவரிடம் அப்படியே இருக்கிறது. படத்தில் இடம்பெறும் ஒரு  பாடலுக்கான சூழலை விளக்கிச் சொல்லும்போது, அவரே ‘இறைவனைத் தேடும் உலகத்தில் மனிதனைத்தேடி அலையறாங்க...’ என்று பாடி கம்போஸ் செய்தபோது நெகிழ்ந்துவிட்டேன். அடுத்து பா.விஜய் எழுதிய பாடலின் சரணத்தில், ‘யாருமே இல்லை என்றுதான் யாருமே இல்லை... கருவிலே தோன்றும் உயிர்களெல்லாம் கடவுளின் பிள்ளையே...’ என்ற வரிகளை ராஜா சார் குரலில் கேட்டபோது கண் கலங்கிவிட்டேன். பழனிபாரதி, பா.விஜய், விவேகா எழுதியிருந்த மூன்று பாடலையும் இரண்டு மணி நேரத்தில் முடித்துவிட்டார். இப்படத்தின் பின்னணி இசைப் பணிகளை ஆறு நாள்களில் முடித்துக்கொடுத்தார், இளையராஜா சார். இப்போதுள்ள இசையமைப்பாளர்கள் இளையராஜாவிடம் கற்றுக்கொள்ள வேண்டிய பாடம் இதெல்லாம்!”

“ ‘மொழி’ படத்துக்குப் பிறகு ஜோதிகாவை ‘காற்றின் மொழி’யில் இயக்கியிருக்கிறீர்கள்... எப்படி இருக்கிறது அவருடனான ரீ-என்ட்ரி?” 

“ ‘மொழி’ திரைப்படம் வெளியாகி பதினொரு ஆண்டு முடிந்துவிட்டது. இப்போது மீண்டும் என் இயக்கத்தில் அவர் நடிக்கிறார். ஜோதிகாவின் ஸ்பெஷலே துறுதுறுவென உருளும் கண்களும், படபடவெனப் பேசும் வசனங்களும்தான். ‘மொழி’யில் வாய் பேசமுடியாத கேரக்டரில் சிறப்பான நடிப்பை வெளிப்படுத்தியவர், ‘காற்றின் மொழி’ படத்தில் பழைய ஜோதிகாவை தூக்கிச் சாப்பிட்டுவிட்டார். ‘மொழி’யில் நான் சொன்னதை நடித்தவர், இந்தப் படத்தில் நான் சொல்லும் காட்சிகளுக்கு மூன்று விதமாக நடித்துக் காட்டி, ‘எப்படி வேண்டும் உங்களுக்கு?’ எனத் திகைக்க வைத்துவிட்டார்.”

எம்.குணா