Published:Updated:

60 வயது மாநிறம் - சினிமா விமர்சனம்

விகடன் விமர்சனக்குழு

ஒட்டுமொத்த விகடனுக்கும் ஒரே ஷார்ட்கட்

Use App
60 வயது மாநிறம் - சினிமா விமர்சனம்
60 வயது மாநிறம் - சினிமா விமர்சனம்

60 வயது மாநிறம் - சினிமா விமர்சனம்

பிரீமியம் ஸ்டோரி

`நினைவைத் தொலைத்த’ தந்தையைத் தொலைத்துவிட்டுத் தேடும் மகனின் தேடலும் தேடல் நிமித்தமுமே ‘60 வயது மாநிறம்!’

60 வயது மாநிறம் - சினிமா விமர்சனம்

ஓய்வுபெற்ற கணிதப்பேராசிரியரான  பிரகாஷ்ராஜுக்கு `அல்சைமர்’ நோய். தனது வேலை நிமித்தம் அவரைப் பிரத்யேகக் காப்பகத்தில் சேர்த்துவிடுகிறார் மகன் விக்ரம் பிரபு. மகனின் கவனக்குறைவால் காணாமற்போகும் பிரகாஷ் ராஜ், அடியாள் சமுத்திரக்கனியிடம் சிக்கிக்கொள்கிறார். `தொலைத்த’ தந்தையை விக்ரம் பிரபு கண்டுபிடித்தாரா,  பிரகாஷ்ராஜுக்கு என்ன நிகழ்ந்தது என்பதை சுவாரஸ்யம் கலந்து சொல்கிறது படம்.

60 வயது மாநிறம் - சினிமா விமர்சனம்



பிரகாஷ்ராஜ்தான் கதை நாயகனான, 60 வயது மாநிறக்காரர். தன் உடல்மொழியால் தந்தை கதாபாத்திரத்தைக் கண்முன் நடமாடவிடுகிறார். ஒரேநேரத்தில் சோகமும் சந்தோஷமும் கண்களில் வழியப் பேசும் அந்த வீடியோ காட்சி மட்டுமே போதும் செல்லம்!

விக்ரம் பிரபுவுக்கு இந்தப் பாத்திரம் புதுசு.  அடிதடி நாயகனாய்ப் பார்த்துப் பழகிய அவரை அழுது பார்ப்பது புதுசாய் இருக்கிறது. மொட்டைமாடியில் இந்துஜாவிடம் குடித்துவிட்டுப் புலம்புமிடம் அவர் பேர் சொல்லும் இடம்.

இந்துஜா அந்த டாக்டர் பாத்திரத்தை இயல்பாய், அழகாய் நிரப்புகிறார். மேக்-அப் மட்டும் கொஞ்சம் உறுத்தல். சமுத்திரக்கனியும் படத்தில் இருக்கிறார். பொட்டல் காட்டில் கொஞ்சம் நிழல்போல குமரவேல் மட்டும் சிரிக்க வைக்கிறார். `கலக்கப்போவது யாரு’ சரத் நல்ல அறிமுகம்.

உணர்வுகளுக்கும் உறவுகளின் உன்னதத்துக்கும் தன் படங்களில் முக்கியத்துவம் கொடுக்கும் இயக்குநர் ராதா மோகனின் `மற்றொரு’ சினிமா இது. ‘லோன் வாங்கி வாங்கியே மிடில் க்ளாஸ் இப்ப லோயர் மிடில் க்ளாஸாகிட்டேன்!’, ‘ நீங்க காணாமப்போனவரைத் தேடுறீங்க... நான் தொலைச்சவரைத் தேடுறேன்’ என, படத்தில் ஆங்காங்கே விஜியின் வசனங்கள் ஈர்க்கின்றன. 

60 வயது மாநிறம் - சினிமா விமர்சனம்

ஒளிப்பதிவும் படத்தொகுப்பும் உறுத்தாமல் இயல்பாக இருக்கின்றன.  இசை இளையராஜாவாம்!

ஒரிஜினல் கன்னடப்படமான ‘கோதி பன்னா சாதாரண மைகட்டு’வில் இருந்த இயல்பு இதில் இல்லை. கறுப்பு-வெள்ளை நாய்க் கதை, பிரகாஷ் ராஜின் காதல் கதை,   ராம்-மரியா-ஜானி மூன்றுபேருக்குமான பிணைப்பு என, சில காட்சிகள் மட்டும் நெகிழ்ச்சி.

அன்பை இன்னும் சுவாரஸ்யமாகச் சொல்லியிருந்தால் பிரகாஷ் ராஜோடு படத்தில் நாமும் தொலைந்திருப்போம்.

- விகடன் விமர்சனக் குழு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு