Published:Updated:

அண்ணனுக்கு ஜே - சினிமா விமர்சனம்

விகடன் விமர்சனக்குழு

ஒட்டுமொத்த விகடனுக்கும் ஒரே ஷார்ட்கட்

Use App
அண்ணனுக்கு ஜே - சினிமா விமர்சனம்
அண்ணனுக்கு ஜே - சினிமா விமர்சனம்

அண்ணனுக்கு ஜே - சினிமா விமர்சனம்

பிரீமியம் ஸ்டோரி

ரசியல் சதுரங்கத்தில்  அப்பாவின் மானம் காக்க கெத்து ஒன்றையே கொள்கையாகக் கொண்டு அரசியலில் குதிக்கும் ஒருவன்,  தப்பிப் பிழைத்தானா,  தவிடுபொடி ஆனானா என்பதே `அண்ணனுக்கு ஜே!’

அண்ணனுக்கு ஜே - சினிமா விமர்சனம்

கெத்து பார்ட்டி மட்ட சேகராக அட்டகத்தி தினேஷ். முதல் பாதியில் அட்டக் கத்தியாகவும் பிற்பாதியில் பட்டாக்கத்தியாகவும் மாற்றம் காட்டியிருக்கிறார்.  மஹிமாவுடையது சின்ன கதாபாத்திரம்தான். ஆனாலும் திரையில் வரும்போதெல்லாம் புத்துணர்வு. ராதாரவி, மயில்சாமி, ஹரி கிருஷ்ணன், சாய் தீனா என ஒவ்வொருவரும் நம் ஊர் அரசியல்வாதிகளைவிடச் சிறப்பாகவே நடித்திருக்கிறார்கள்.

அரோல் கொரேலியின் இசை, அண்ணனுக்குத் தம்பியாக உதவியிருக்கிறது. `சாதிக்கப் பிறந்த சாக்ரடீஸே’ பாடலில் நக்கல் தெறிக்கிறது. விஷ்ணு ரங்கசாமியின் ஒளிப்பதிவு படத்துக்குப் பக்கா பலம்.

நகைச்சுவையும் நையாண்டியுமாக வசனங்களில்தான் ஒட்டுமொத்தமாக ஓட்டுகளை அள்ளுகிறார் இயக்குநர் ராஜ்குமார்.

அண்ணனுக்கு ஜே - சினிமா விமர்சனம்



அடிமட்டத்தில் நடக்கும் அரசியலைக் களமாக எடுத்துக்கொண்டது சிறப்பு. அதை இன்னும் அடிமட்டம் வரை சென்று அலசி, கலாய்த்துக் காயப்போட்டிருந்தால் இன்னும் சிறப்பாக இருந்திருக்கும்.

என்னதான் அரசியல் நையாண்டிப் படமாக இருந்தாலும், நாயகனுக்கு எந்த அரசியல் அறிவும் இல்லாமல், அத்தனை எளிதாக அடுத்தடுத்து கட்சியில் வளர்வது, குரல் கொடுத்தாலே அரிவாளைப் போட்டுவிட்டு முரட்டு மனிதர்கள் தெறித்து ஓடுவது, சிறையில் இருக்கிற காலத்தில் வீரனாக மாறுவது எனப் படம் முழுக்க லாஜிக் இல்லா காட்சியமைப்புகள் அதன் அரசியல் விமர்சனங்களை வலுவிழக்கச் செய்துவிடுகின்றன. கதையில் ஏற்படும் `திடுக்’ திருப்பங்களும் காலாவதியானவை. அந்த நாய் கதாபாத்திரமும், இறுதியில் அது செய்யும் காரியமும்தான் அசலான, அசத்தலான நையாண்டி. அதைப்போல் இன்னும் நிறைய ஐடியாக்கள் பிடித்திருக்கலாம்!

களத்திலும் கதாபாத்திரத்திலும் இருந்த புதுமைகளை காட்சிப்படுத்தியதிலும் கொண்டுவந்திருந்தால் அண்ணனுக்கு `ஜே’ ஆரவாரமாக ஒலித்திருக்கும்.

- விகடன் விமர்சனக் குழு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு