Published:Updated:

“நடிப்பு படிப்பு இரண்டிலும் நான் பெஸ்ட்!”

“நடிப்பு படிப்பு இரண்டிலும் நான் பெஸ்ட்!”
பிரீமியம் ஸ்டோரி
News
“நடிப்பு படிப்பு இரண்டிலும் நான் பெஸ்ட்!”

பேட்டி-1

‘இமைக்கா நொடிகள்’ படத்தில், நயன்தாராவின் மகளாக அனைவரின் மனதிலும் பஞ்சுமிட்டாயாக இனித்தவர், மானஸ்வி. க்யூட் ரியாக்‌ஷனில் நம்மை வரவேற்று அவரது வீட்டுக்குள் அழைத்துச் சென்றார். நகைச்சுவை நடிகரான ‘கொட்டாச்சி’ மகள்தான் இந்தக் குட்டி தேவதை. அம்மா அஞ்சலி டப்பிங் ஆர்ட்டிஸ்ட். இருவரின் திறமைகளும் மானஸ்வியிடம் கலந்துள்ளன. இந்தச் சுட்டி வயதிலேயே டப்பிங், விளம்பரப் படங்கள் என அசத்தும் மானஸ்வி, ‘இமைக்கா நொடிகள்’ மூலம் வெள்ளித்திரையிலும் அசத்தியுள்ளார்.

“நடிப்பு படிப்பு இரண்டிலும் நான் பெஸ்ட்!”

‘‘அப்பாதான் எனக்கு நிறைய டயலாக்கைச் சொல்லிக்கொடுப்பாங்க. அப்பா சொல்றதைக் கவனிச்சு அப்படியே பேசியும் நடிச்சும் காட்டுவேன். அவ்ளோதான்... ஃபினிஷ். நான் நடிச்ச வீடியோ ஒண்ணை

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
“நடிப்பு படிப்பு இரண்டிலும் நான் பெஸ்ட்!”

ஃபேஸ்புக்ல அப்பா அப்லோடு பண்ணாரா, அதைப் பார்த்துட்டு, புரொடக்‌ஷன் மேனேஜர் கணேஷ் அங்கிள் கூப்பிட்டாரு. உங்களுக்கு கணேஷ் அங்கிளைத் தெரியுமா? என்று கேட்டவர், தொடர்ந்து... நானும் அப்பாவும் போனோம். அங்கே போனதும் கணேஷ் அங்கிளோடு ஃப்ரெண்டு ஆகிட்டேன். அவங்க சொன்ன டயலாக்கைப் பேசிக் காட்டினேன். தட்ஸ் ஆல்... படத்துக்கு செலக்ட் பண்ணிட்டாங்க’’ என வார்த்தைக்கு வார்த்தை முகத்திலும் கைகளிலும் எக்ஸ்பிரஷன் மாறுகிறது மானஸ்வியிடம்.

‘இமைக்கா நொடிகள்’ படத்தின் இயக்குநர் அஜய் ஞானமுத்துவை, ப்ரோ என்றுதான் அழைக்கிறார்.

‘‘ஆமா! அவரை சார், அங்கிள், அண்ணான்னு கூப்பிறதைவிட, ‘ப்ரோ’னு கூப்பிடறதுதான் எனக்குப் பிடிச்சிருந்துச்சு. அப்படியே கூப்பிட ஆரம்பிச்சுட்டேன். அவர் நடிச்சுக் காட்டற மாதிரி நானும் நடிச்சிருவேன். நயன்தாரா அம்மாவும் நானும் ரொம்ப க்ளோஸ். எங்களுக்கு ஷாட் இல்லாதப்போ, ரெண்டு பேரும் டிராயிங் கேம் விளையாடுவோம். அவங்க என்னை ‘ஷாலு’னு செல்லமாக் கூப்பிடுவாங்க.’’ என்றபடி அப்பாவைக் கட்டிக்கொள்கிறார் மானஸ்வி.

“நடிப்பு படிப்பு இரண்டிலும் நான் பெஸ்ட்!”

மகளைத் தழுவியபடி பேசும் கொட்டாச்சி, ‘`சின்ன வயசிலிருந்தே பாப்பாவுக்கு நடிப்பு மேலே ஆர்வம். நான் நடிச்சுக் காட்டறதையே வித்தியாசமா அவள் ஸ்டைலில் செய்வா. அவள் பேசுவதை வீடியோ எடுத்து ஃபேஸ்புக்ல போட்டேன். அதைப் பார்த்து வாய்ப்புகள் வந்துச்சு. டான்ஸ், பாட்டு, நடிப்புன்னு எல்லாத்திலும் பாப்பா பர்ஃபெக்ட். இவ அம்மா பேரும் அஞ்சலி. ‘இமைக்கா நொடிகள்’ படத்தில் நயன்தாரா மேம் பெயரும் அஞ்சலி. அதனால், அவங்களோடு பாப்பா ரொம்ப குளோஸ் ஆகிட்டா. செட்டுல துறுதுறுன்னு ஏதாவது பண்ணிட்டே இருப்பா.’’ என்கிறார்.

மானஸ்வி அம்மா அஞ்சலி, ‘`விளம்பரப் படங்களில் மானஸ்வி நடிச்சிருக்காங்க. நானும் பாப்பாவும் சேர்ந்து நிறைய மியூசிக்கலி பண்ணிருக்கோம். சின்ன விஷயத்தைச் சொன்னாலும், உடனே அதைப் பிடிச்சுப்பா. அவள் திறமையை எல்லோருக்கும் வெளிப்படுத்தணும்’’ என்றபடி மகளை முத்தமிடுகிறார்.

“நடிப்பு படிப்பு இரண்டிலும் நான் பெஸ்ட்!”

‘‘ஸ்கூல்ல கொஞ்சமா சேட்டை பண்ணுவேன். ஆனால், மிஸ் கொடுக்கும் ஹோம் வொர்க்கையும் கரெக்ட்டா பண்ணிடுவேன். ஷூட்டிங்கின்போது  சரியா ஸ்கூலுக்குப் போகலைன்னாலும் வீட்டிலேயே படிச்சுருவேன்.’’ என்று சிரிக்கிறார் ‘க்யூட் பேபி’ மானஸ்வி.

- வெ.வித்யா காயத்ரி

அட்டை, படங்கள்: ஜெ.வேங்கடராஜ்