Published:Updated:

96 - சினிமா விமர்சனம்

96 - சினிமா விமர்சனம்
News
96 - சினிமா விமர்சனம்

நிலம் தாண்டிப் பயணிக்கும் புகைப்படக்கலைஞன் விஜய்சேதுபதி தன் முதல் காதலி த்ரிஷாவைச் சந்திக்கிறார்.

முதல் காதல்... மண்ணைத் தொடாத மழைத்துளிபோல் அவ்வளவு பரிசுத்தமானது.  அந்த மழைத்துளியை உங்கள் இதயத்திலிருந்து கண்களுக்குக் கொண்டுவரும் படம் ‘96.’

96 - சினிமா விமர்சனம்

நிலம்  தாண்டிப்  பயணிக்கும் புகைப்படக்கலைஞன் விஜய்சேதுபதி தன் முதல் காதலி த்ரிஷாவைச் சந்திக்கிறார். அதற்குப்பின் நிகழ்வதெல்லாம் கவிதையில் ஊறவைத்த கணங்கள்; கண்ணீரும் புன்னகையும் கலந்த பகிர்தல்கள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

படத்தின் இயக்குநர் பிரேம்குமார். பெயரிலேயே காதல் இருப்பதால், ஒவ்வொரு ஃபிரேமையும் காதலால் நிறைத்து, கனக்கவைத்திருக்கிறார். 

96 - சினிமா விமர்சனம்

த்ரிஷாவைச் சந்தித்த பிறகு விஜய்சேதுபதி ஆள்வது முழுக்க ‘ராம’ராஜ்ஜியம்.  அதிலும் அந்த ஓட்டல் அறையில் தரையில் அமர்ந்தபடி ராம் சொல்லும் கதைக்கு உங்கள் கண்கள் நனையவில்லை என்றால், அவை கண்கள் இல்லை.; அல்லது உங்களுக்குள் காதலே இல்லை!

த்ரிஷா... மொத்தப் படத்திலும் இரண்டே இரண்டு உடைகள்தான். அவற்றை இரண்டு சிறகுகளாக மாற்றி தேவதையாய் ஜொலிக்கிறார். “இன்னுமாடா நீ வெர்ஜின்?” என்று குறும்பு கொப்பளிக்கக் கேட்கும்போதும், ஹோட்டல் குளியலறையில் உடைந்து சிதறி அழுது நொறுங்கும்போதும் ஜானகியாய்க் கூடு பாய்ந்திருக்கிறார்.

பகவதிப்பெருமாள், தேவதர்ஷினி, முருகதாஸ், ஆதித்யா பாஸ்கர், கௌரி கிருஷ்ணன், ஜனகராஜ் என அத்தனை பாத்திரங்களும் அற்புதங்கள்.

96 - சினிமா விமர்சனம்



நம்மைக் கரைப்பது காதலா, இசையா என்று தெரியாத அளவுக்கு வயலின்களைக் காதலில் நனைத்து நனைத்து இழைய விட்டிருக்கிறார் இசையமைப்பாளர் கோவிந்த் வசந்தா. பின்னணி இசையைத் தாண்டி முன்னணியில் நிற்பது இளையராஜாவின் பாடல்கள். இனிப்பாய் இனிக்குதே ராசா!

கவிதைப்புத்தகங்களுக்கு அட்டைப்படம் அமைக்கலாம்போல் ஒவ்வொரு ஃப்ரேமையும்  ஒளிப்பதிவால் உருவாக்கி யிருக்கிறார்கள்  மகேந்திரன் ஜெயராஜு -  சண்முகசுந்தரம்.

“நான் உன்னை இறக்கி விட்ட இடத்திலேதான் இருக்கேன்” என்று விஜய்சேதுபதி சொல்லும் காட்சி, விமான நிலையத்துக்குள் கார் வழுக்கிச் செல்லும்போது கியரின் மீது இருவரின் கைகளும் இணையும் காட்சி, பழைய பள்ளிச்சீருடையுடன் ஜானகி விட்டுச்சென்ற சுடிதாரும் இணையும் காட்சி என்று கவிதைகள் ஏராளம் படத்தில்.

புகைப்படங்களுக்காகத் தொடர்ந்து பயணிக்கும் ராம், எந்தப் பெண்ணின் வாசனையும் படாமலே வாழ்ந்திருப்பானா, இப்படியா தன் முதல் காதலைச் சிப்பிக்குள் முத்துப்போல் பொத்திப் பொத்திப் பாதுகாப்பான் என்ற சந்தேகங்கள் எழலாம். ஆனால் அப்படித்தான் இருக்கிறான் ராம்; அவன் மனதில் அப்படியேதான் இருக்கிறாள் ஜானகி.

திரையில் விரிவது ராம் - ஜானகி கதை யாக இருக்கலாம். ஆனால் பார்த்துக்கொண்டி ருக்கும்போதே உங்கள் கண்களில் நீர் திரையிட, நீங்கள் பார்த்துக்கொண்டிருப்பீர்கள் உங்கள் ராமையோ ஜானகியையோ.

- விகடன் விமர்சனக் குழு