Published:Updated:

வீடியோ கேம் ராஜாக்கள்! - சீசன் - 2

வீடியோ கேம் ராஜாக்கள்! - சீசன் - 2
பிரீமியம் ஸ்டோரி
வீடியோ கேம் ராஜாக்கள்! - சீசன் - 2

சினிமா

வீடியோ கேம் ராஜாக்கள்! - சீசன் - 2

சினிமா

Published:Updated:
வீடியோ கேம் ராஜாக்கள்! - சீசன் - 2
பிரீமியம் ஸ்டோரி
வீடியோ கேம் ராஜாக்கள்! - சீசன் - 2

வ்வொரு முறை வீடியோ கேமில் நமக்குப் பிடித்த விளையாட்டை விளையாடி முடித்ததும், அந்த வீடியோ கேமில் வரும் கதாபாத்திரங்கள் என்ன ஆவார்கள் என யோசித்ததுண்டா ஃப்ரெண்ட்ஸ்? நாம் வீடியோ கேமை ஆஃப் செய்ததும், அவர்கள் என்ன செய்வார்கள்? வேகமாய் ஓடிக்கொண்டிருந்த வாகனங்கள் எல்லாம் என்ன ஆகும்? அதிலிருந்த நமது ஆதர்ச கதாபாத்திரங்கள் நிலை என்ன, என்றெல்லாம் சிந்தித்ததுண்டா? ரொம்ப கன்னத்துல விரல் வச்சுட்டு யோசிக்க வேண்டாம் குட்டீஸ். அதெல்லாம் ஒண்ணும் ஆகாது.

ஆனா, அப்படி இருந்தா எப்படி இருக்கும். அது தான் அனிமேஷன் படமான ரேல்ஃப் சீரிஸ்.  ஃபிக்ஸ் - இட் ஃபெலிக்ஸ் ஜூனியர் (Fix-It Felix Jr) விளையாட்டில் இருக்கும் ரேல்ஃப் தான் நம் ஹீரோ. அந்த மெகா சைஸ் பையன் கேமில் வில்லனாக இருந்தாலும், ரொம்ப நல்லவன். சுகர் ரஷ் என்னும் கார் ரேஸ்  விளையாட்டில் இருக்கும் வென்னலோப் தான் நாயகி. லிட்வாக் என்னும் வீடியோ கேம் கடையில் இருக்கும் இந்த வீடியோ கேம் ஸ்டேஷன்கள்தான் படத்தின் மொத்த பலமும். மக்கள் விளையாடி விட்டுச் சென்றதும், இவர்கள் அனைவரும் செய்யும் லூட்டிகள்தான் முதல் பாகத்தின் கதை. முதல் பாகமே தெறி ஹிட் அடிக்க, தற்போது 6 ஆண்டுகளுக்குப் பின்னர், இந்த நவம்பர் மாதம் வெளியாக இருக்கிறது Ralph Breaks the Internet ரேல்ஃப் பிரேக்ஸ் தி இன்டர்னெட் திரைப்படம்.

வீடியோ கேம் ராஜாக்கள்! - சீசன் - 2

இப்போது எல்லாவற்றிலும் இணையம் வந்துவிட்டது. இரண்டாண்டுகளுக்கு முன்னர் போகிமான் விளையாட்டுக்காக ஒவ்வோர் இடமாகத் தேடிப்போய் பொம்மை பிடித்த கேமர்ஸ்,  தற்போது  பப்ஜி  விளையாடிக்கொண்டு இருக்கிறார்கள். இது போன்ற விளையாட்டுகளில் முக்கியப் பங்கு வகிப்பது இணையம். எல்லாவற்றிலும் வந்த இணையம் லிட்வாக் கடைக்கும் மட்டும் வராமல் இருக்குமா.

ஒரு குறும்புக்காரச் சுட்டி சுகர் ரஷ் விளையாட்டின் வீல் கன்ட்ரோலரை உடைத்துவிடுகிறார். அந்த மெஷினை ஆஃப் செய்து விடுகிறார் அதன் உரிமையாளர். விளையாட்டு மெஷினுக்குள் இருக்கும் நபர்களை மீட்கிறான் ரேல்ஃப். பின், இணையத்தின் வழியாக ஒவ்வொரு விளையாட்டுக்குள்ளும் சென்று ஜாலி லூட்டி அடிக்கிறார்கள் ரேஃல்பும், வென்னலோப்பும். கூகுள், அமேசான், ஈபே என எல்லாவற்றையும் படத்தில் நக்கல் செய்திருக்கிறார்கள். அவ்வளவு ஏன் படத்தின் தலைப்பைக்கூட ட்ரோல் செய்திருக்கிறார்கள். இப்போதும் இணையத்தில் வரும் தொல்லை விளம்பரங் களையும் நறுக்கென கொட்டி வைத்திருக் கிறார்கள்.

ஒட்டுமொத்த விகடனுக்கும் ஒரே ஷார்ட்கட்!

வீடியோ கேம் ராஜாக்கள்! - சீசன் - 2

படத்தின் டிரெய்லர்களே அவ்வளவு சிரிப்பை வரவழைக்கிறது. மார்வெல், டிஸ்னி காமிக்ஸ் போன்ற பெரிய ஸ்டூடியோக்களின் சண்டையை, அனிமேஷன் படங்களுக்கும் கொண்டு வந்திருக்கிறார்கள். சிண்ட்ரெல்லா;  ஆப்பிரிக்க அழகி மோனா, ஃப்ரோசன் அழகிகள் அன்னா, எல்சா, தூங்குமூஞ்சி அழகி அரோரா, லிட்டில் மெர்மெய்ட் ஏரியல் என ஓர் அழகிகளின் பட்டாளமே இதில் வருகிறார்கள். இவர்களுடன் ரேல்ஃப் சீரிஸின் அழகி வென்னலோப்பும் இருக்கிறாள். இவர்களுடன் பிற இணைய விளையாட்டுகள், அதில் இருக்கும் கதாபாத்திரங்கள் என கலர்ஃபுல்லாக, அசத்தலாக வர இருக்கிறது வால்ட் டிஸ்னியின் ரேல்ஃப் பிரேக்ஸ் தி இன்டர்னெட் .

டாக்கிங் டாமில் வரும், பூனைக்கு வேலை கொடுத்துக்கொண்டே இருக்கும் சுட்டியாய் நீங்கள். உங்களையும் நக்கல் செய்து இருக்கிறார்கள். ஆனால், எல்லாமே ஜாலியாக இருக்கிறது.  இப்போதிருக்கும் இணையத்தை ஜாலிகேலி செய்திருப்பதால், குழந்தைகள் பெரியவர்கள் என எல்லாரின் மனதையும் சிரிக்க வைத்து, கொள்ளை கொள்ள இருக்கிறான் இந்த ரேல்ஃப்.

டோன்ட் மிஸ் இட்!

- கார்த்தி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism