Published:Updated:

சென்டிமென்ட் தனுஷ்... ஆட்டோ டிரைவர் சாய் பல்லவி...

ஒட்டுமொத்த விகடனுக்கும் ஒரே ஷார்ட்கட்

Use App
சென்டிமென்ட் தனுஷ்... ஆட்டோ டிரைவர் சாய் பல்லவி...
சென்டிமென்ட் தனுஷ்... ஆட்டோ டிரைவர் சாய் பல்லவி...

மாரி 2 - சர்ப்ரைஸ்

பிரீமியம் ஸ்டோரி

``வாழ்க்கையின் மீதான மதிப்பே தெரியாமல், வாழ்ந்தாலும் இறந்தாலும் பெரிய வித்தியாசம் இல்லைன்னு சுத்திக்கிட்டு இருந்த மாரிக்கு, ஒரு கட்டத்தில் அவர் வாழ்க்கையில் நடக்கிற சில சம்பவங்களாலும்; வந்து போற சில நபர்களாலும் வாழ்க்கையின் மீதான மதிப்பு அதிகரிக்கிறது. தான் வாழணும் என்பதைவிட எப்படி வாழணும்னு ஒரு முடிவை எடுக்கிறதுதான் `மாரி-2’ன் மூலக்கரு...’’ கூலாகப் பேச ஆரம்பித்தார், இயக்குநர் பாலாஜி மோகன்.

சென்டிமென்ட் தனுஷ்... ஆட்டோ டிரைவர் சாய் பல்லவி...

‘`தனுஷ் சார் மாரியைப் பற்றிப் பேசும் போதெல்லாம், ‘வெளியில இருந்து பார்க்கிறவங்களுக்கு மாரி கேரக்டரில் நடிக்கிறது ரொம்ப ஈசின்னு தோணும். ஆனா, மாரியா நடிக்கிறதுதான் ரொம்பக் கஷ்டம். மாரியோட எனர்ஜியைத் தொடர்ந்து கொடுக்கிறதுல சிரமங்கள் இருக்கு’ன்னு சொல்லுவார். சிரமங்கள் இருந்தாலும் கேரக்டர்க்குள்ள வந்துட்டார்னா ரொம்ப ஜாலியா இருப்பார். `மாரி’யோட ரெண்டாவது பாகம் எடுக்கலாம்னு நாங்க முடிவு பண்ணினதுக்கு அதுதான் முதல் காரணம்.

தனுஷ் சார் `மாரி - 2’க்கு ஓகே சொன்னதும், முழு ஸ்கிரிப்ட் எழுத ஆரம்பிச்சேன். ஸ்கிரிப்ட் நல்லா வந்தால் மட்டும்தான் இந்தப் படத்தைப் பண்ணணும்னு உறுதியா இருந்தேன். ஏதோ எடுக்கணும்னு முடிவு பண்ணிட்டு எழுத ஆரம்பிக்கலை. அதே மாதிரி ஸ்கிரிப்ட்டும் திருப்தியா இருந்துச்சு. இது `மாரி’ படத்தின் தொடர்ச்சியா இருக்காது. மாரி கதாபாத்திரத்தின் தொடர்ச்சியாகத்தான் இருக்கும். ஏன்னா, மாரி கதாபாத்திரத்திற்கு நிறைய ரசிகர்கள் இருக்காங்க. அதனால, முதல் பாகத்தில் இருந்த புறா ரேஸைத் தவிர மத்த ஃபன், கெத்துன்னு எல்லாமே இதில் இருக்கும். அதைத்தாண்டி, ஒரு கமர்ஷியல் படத்தில் இதுதான் இருக்கும்னு நினைச்சுப் படம் பார்க்க வரவங்களுக்கு சர்ப்ரைஸா நிறைய விஷயங்கள் படத்தில் இருக்கும்.’’ 

சென்டிமென்ட் தனுஷ்... ஆட்டோ டிரைவர் சாய் பல்லவி...

`மாரி - 2’, மாரி கதாபாத்திரத்தின் தொடர்ச்சின்னு சொல்றீங்க. அது படத்தில் எந்தளவுக்குப் பொருந்தி வந்திருக்கு, முக்கியமா காஜல் அகர்வாலோட ரோல்?”

`` `மாரி’ பட க்ளைமாக்ஸில், `எனக்கு இதெல்லாம் செட்டாகாது’ன்னு சொல்லிட்டு ஹீரோயினை விட்டுட்டு ஹீரோ போயிடுவார். அதனால் காஜல் அகர்வால் போர்ஷன், முதல் பாகத்திலேயே முடிஞ்சிருச்சு. அதனால் இந்தப் படத்தில் அந்தக் கேரக்டரைக் கொண்டுவர்றதுக்கான அவசியம் இல்லை. மத்தபடி முதல் பாகத்தில் மாரியோடு ட்ராவல் பண்ணின சனிக்கிழமை, அடிதாங்கின்னு சில கதாபாத்திரங்கள் இதிலும் வரும்; சில கதாபாத்திரங்களின் பெயர்களைச் சில காட்சிகளில் மென்ஷன் பண்ணியிருக்கோம். `மாரி’ படத்தைப் பார்த்தவங்களுக்கு இந்தத் தொடர்ச்சி கனெக்ட் ஆகும்; அந்தப் படத்தைப் பார்க்காமல் இதைப் பார்க்கிறவங்களுக்கும் படம் புரியும்.’’

சென்டிமென்ட் தனுஷ்... ஆட்டோ டிரைவர் சாய் பல்லவி...



“சாய்பல்லவிக்கு என்ன ரோல்..?”

``சாய்பல்லவி இதில் ஆட்டோ டிரைவரா நடிச்சிருக்காங்க. சாய்பல்லவிக்கு ஜாலி, எமோஷனல்னு ரெண்டிலுமே ட்ராவல் பண்ணக்கூடிய ரோல். இந்த ரோலை அசால்ட்டா பண்ணக்கூடிய ஆளாகவும் இருக்கணும், அதிகம் பார்க்காத முகமாகவும் இருக்கணும்னு யோசிச்சு, சாய் பல்லவியைத் தேர்ந்தெடுத்தோம். தனுஷ் சார், ரோபோ சங்கர், வினோத் கேங்கில் சாய் பல்லவியும் சேர்ந்து அடிக்கிற லூட்டியெல்லாம் வேற லெவல்ல இருக்கும்.

சாய்பல்லவியை வெச்சுக்கிட்டு அவங்களை டான்ஸ் பண்ணவிடாம இருக்க முடியுமா? ரெண்டு சாங்ல சும்மா பிரிச்சுட்டாங்க. அதிலும் பிரபுதேவா சார் கோரியோகிராப் பண்ணுன பாட்டுல தனுஷ் சார், சாய் பல்லவி ரெண்டு பேருமே செமையா ஆடியிருக்காங்க.’’

“பிரபுதேவாவும் தனுஷும் முதன்முதலா சேர்ந்து வொர்க் பண்ணியிருக்காங்க. அந்தப் பாடலை ஷூட் பண்ணிய அனுபவம் எப்படி இருந்தது..?”

``அந்தப் பாடலை ஷூட் பண்ணின மூன்று நாளும் ஒரு ரசிகனின் மனநிலையில்தான் நான் இருந்தேன். யுவன்சங்கர் ராஜா சார் சாங் முடிஞ்சதும், அதைக் கேட்கும்போது, ‘இந்தப் பாட்டுக்கு பிரபுதேவா சார் ஆடுனா, இல்ல கோரியோ பண்ணுனா செமையா இருக்குமே’னு யோசிச்சேன். தனுஷ் சாரிடமும், `இந்தப் பாட்டுக்கு அவரையே கோரியோ பண்ணச் சொல்லிக் கேட்கலாமா’ன்னு சொன்னதும், `அவர் இப்போ கோரியோகிராபி அதிகமா பண்றது இல்லையே... சரி, கேட்டுப் பார்ப்போம்’னு தனுஷ் சாரே போன் பண்ணிக் கேட்டார். `நீங்களே கேட்டுட்டீங்க... சரி பண்ணலாம்’னு பாட்டைக் கேட்காமலேயே ஓகே சொல்லிட்டார். அப்பறம் அவருக்குப் பாட்டை அனுப்பி வெச்சோம்; ரொம்ப உற்சாகமாகிட்டார். 

சென்டிமென்ட் தனுஷ்... ஆட்டோ டிரைவர் சாய் பல்லவி...

தனுஷ் சாருக்கும், சாய்பல்லவிக்கும் ஷூட்டிங் முன்னாடியே ஒரு வாரம் ரிகர்சல் கொடுத்து, ஷாட்ல அந்த நேர்த்தியை வரவெச்சு, அந்தப் பாட்டு முடியுற வரைக்கும் அவர் அவ்வளவு ஈடுபாட்டோட வேலை பார்த்தார்.’’

“கிருஷ்ணா, வரலட்சுமி, டொவினோ தாமஸ்னு `மாரி’ முதல் பாகத்தைவிட இந்தப் படத்தில் காஸ்ட்டிங் பெருசா இருக்கு. எல்லாருக்கும் சமமான முக்கியத்துவம் இருக்குமா..?”


“கிருஷ்ணாவுக்கு தனுஷோட ஜிகிரி தோஸ்து ரோல். படம் முழுக்க தனுஷோடு இருப்பார்.  செகண்ட் ஹீரோன்னே சொல்லலாம். அந்த அளவுக்கு இதில் அவருக்கு முக்கியத்துவம் இருக்கு.  வரலட்சுமி ஹீரோயினா மட்டும் நடிக்காம, `சண்டக்கோழி’, `சர்கார்’னு கேரக்டர் நல்லா இருக்கிற படங்களிலும் அதிகமா நடிக்கிறாங்க. அவங்களுக்கு அப்படி ஒரு ரோல்தான் இதிலேயும். வரலட்சுமி தனுஷ் சாருக்கு ஜோடி இல்லைனாலும், கிட்டத்தட்ட கதாநாயகி லெவல்தான்.

சென்டிமென்ட் தனுஷ்... ஆட்டோ டிரைவர் சாய் பல்லவி...

டொவினோ தாமஸ் வில்லனா நடிக்கிறார். `மாரி’ படத்துக்கு வந்த விமர்சனங்களில் பெரும்பாலும், வில்லன் ரோலை இன்னும் பலமா காட்டியிருக்கலாம்னுதான் சொன்னாங்க. அதனால் `மாரி - 2’ எழுதும் போதே வில்லன் ரோலில் இருந்துதான் எழுத ஆரம்பிச்சேன்.   படமும் வில்லன் கேரக்டரில் இருந்துதான்  ஆரம்பிக்கும். தன்னுடைய கத்தியாலும் புத்தியாலும் மாரி கேரக்டருக்கே நடுக்கம் கொடுக்கிற வெயிட்டான ரோல்.’’

சென்டிமென்ட் தனுஷ்... ஆட்டோ டிரைவர் சாய் பல்லவி...



“மாரிக்கு மாஸ் சேர்த்ததே அனிருத்தோட மியூசிக்தான்; மாரி அனிருத்தை மிஸ் பண்ணினாரா..?”

``யுவன் சார் இருப்பதால் அனிருத்தை மாரி மட்டும் இல்லை; நாங்களும் மிஸ் பண்ணலை. பாடல்களைக் கேட்டா நீங்களும் அனிருத்தை மிஸ் பண்ண மாட்டீங்க. படத்தில் மொத்தம் மூன்று பாட்டுதான். தேவையில்லாத இடங்களில் பாடல்களைத் தவிர்க்கலாம்னு முடிவு பண்ணிட்டோம். ரெண்டு தரலோக்கல் சாங், ஒரு மெலடி சாங். `மாரி’ மாதிரி ஒரு கமர்ஷியல் படத்தில் இப்படி ஒரு மெலடி சாங்கான்னு எல்லாரும் ஆச்சரியப்படுற மாதிரி ஒரு சாங் கொடுத்திருக்கார் யுவன் சார். `யாரடி நீ மோகினி’ படத்துக்கு அப்புறம் 10 வருஷம் கழிச்சு யுவன் - தனுஷ் காம்போ இந்தப் படத்தில் இணைஞ்சிருக்காங்க. தனுஷ் சாரோட கரியர் ஆரம்பிச்ச காலத்தில் `துள்ளுவதோ இளமை’, `காதல் கொண்டேன்’, `புதுப்பேட்டை’னு ரெண்டு பேரும் சேர்ந்து வொர்க் பண்ணின அந்த மேஜிக் இதுலேயும் இருக்கும்.’’

சென்டிமென்ட் தனுஷ்... ஆட்டோ டிரைவர் சாய் பல்லவி...

“தமிழ் சினிமாவில் கதைத் திருட்டுப் பிரச்னையைத் தீர்க்க வழியே இல்லையா?”

``இதுதான் வழின்னு அவ்வளவு ஈசியா சொல்லிட முடியாது. ஏன்னா, தமிழ் சினிமாவில் பெரிய பெரிய ஜாம்பவான்கள் எல்லாம் இருக்காங்க; அவங்க பொறுப்புகளிலும் இருக்காங்க. அவ்வளவு பேர் இருந்துமே அதை கண்ட்ரோல் பண்ண முடியலை. இந்தப் பிரச்னையை இல்லாமல் பண்றதுக்கு என்ன பண்ணணும்னு எல்லாரும் கூடிப் பேசணும். ஏன்னா, இதில் சரி பண்ண முடியாத சில பிரச்னைகளும் இருக்கு. ஒருத்தர் ஒரு கதையைப் பதிவு பண்ணியதுக்கு அப்புறம் இன்னொருத்தர் அதே மாதிரி ஒரு கதையைச் சில வருஷங்கள் கழிச்சுப் பதிவு செய்யும்போது, இதே மாதிரி ஒரு கதை ஏற்கெனவே பதிவு செய்யப்பட்டிருக்குன்னு கண்டுபிடிக்கிற வசதி வேணும். அது இல்லாததால்தான் ஒரு படம் ரிலீஸாகும்போதோ, ரிலீஸ் ஆனதுக்கு அப்புறமோ இது தன்னோட கதைன்னு அந்த எழுத்தாளருக்குத் தெரிய வருது. கடைசிநேரத்தில் அது தெரிய வரும்போது இரண்டு சைடுலேயும் பிரச்னைகள் பெருசா வரும். இதை ஆரம்பத்திலேயே கண்டுபிடிச்சுட்டா பெரிய பிரச்னைகள் வருவதைத் தடுக்கலாம்கிறது என்னோட ஐடியா.’’

`வாயை மூடி பேசவும்’, `ப.பாண்டி’, `வேலையில்லா பட்டதாரி 2’னு சில படங்களில் நீங்க நடிச்சிருந்தீங்க. ஹீரோ ஆசை இருக்கா..?’’


``நடிக்கணும்னு ஆசை இருக்கு; ஆனா, ஹீரோவாகத்தான் நடிக்கணும்னு இல்லை. நான் ரொம்ப சைலன்ட் டைப்; நான் நானா இருக்கும் போது அந்த சைலன்ட்டை என்னால் உடைக்க முடியலை. அதுவே நடிக்கும்போது நான் எனக்குள்ள இருந்து வெளியில வர மாதிரி ஒரு ஃபீல் கிடைக்கும்; அது எனக்கு ரொம்பப் பிடிக்கும். ஹீரோவா நடிக்கிறதுக்குச் சில கதைகளும் வந்துச்சு; ஆனால், அது எதுவுமே டைரக்‌ஷனைக் கொஞ்சம் தள்ளி வெச்சுட்டு நடிக்கலாம்னு தோண வைக்கலை. அப்படித் தோண வைக்கிற படங்கள் வந்தா கண்டிப்பா நடிப்பேன்.’’

 மா.பாண்டியராஜன் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு