Published:Updated:

அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்

அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்
பிரீமியம் ஸ்டோரி
அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்

என் குடும்பம் என் இதயம்படங்கள் : அம்ரிதா சமந்த்

அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்

என் குடும்பம் என் இதயம்படங்கள் : அம்ரிதா சமந்த்

Published:Updated:
அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்
பிரீமியம் ஸ்டோரி
அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்

ஹீரோவாக நடித்தாலும் வில்லனாக நடித்தாலும் தன் கடின உழைப்பின் மூலம் தான் நடிக்கும் படங்களில் மாஸ் காட்டுபவர் நடிகர் அருண் விஜய். ‘`சினிமா விஷயத்தில் நூறு சதவிகிதம் உழைப்பைப்  போடுவார். வீட்டில் கம்ப்ளீட் ஃபேமிலி மேன். ஒவ்வொரு நாளும் அவர் மீதான என் காதலை மனுஷன் அதிகரிக்க வெச்சுட்டே இருக்கார்’’ என்று சந்தோஷத்துடன் தன் கணவரைப் பார்க்கிறார் ஆர்த்தி, நடிகர் அருண் விஜய்யின் மனைவி. அவர்களின் அன்புக் கதை இதோ..!

அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்

“எங்களுடையது பக்கா அரேன்ஜ்டு மேரேஜ். படிப்பு முடிந்ததும் எங்க வீட்டில் எனக்கு மாப்பிள்ளை பார்க்க ஆரம்பிச்ச நேரத்தில், அருணுக்கும் அவங்க வீட்டில் பெண் பார்த்திட்டிருந்தாங்க. உறவினர் ஒருவர் மூலமா அருண் வீட்டிலிருந்து எங்க வீட்டில் பேசினாங்க. எங்களோடது எந்த சினிமா பின்னணியும் இல்லாத குடும்பம் என்கிறதால, நான் கொஞ்சம் தயங்கிட்டு, அப்புறம் சம்மதம் சொல்லிட்டேன். அன்னிக்கு மட்டும் நான் `ஓகே’ சொல்லலைன்னா இப்படி ஒரு நல்ல ஃப்ரெண்டை இழந்திருப்பேன்” என்று வெட்கப்பட்டு ஆர்த்தி சிரிக்க, பெண் பார்க்கும் படலம் பற்றிப் பேச ஆரம்பித்தார் அருண்.

“எனக்கு மனைவியாக வரப்போறவங்களை எங்கம்மாதான் முடிவு பண்ணணும் என்பதில் உறுதியா இருந்தேன். அம்மா, ஆர்த்தியின் போட்டோ காட்டினதும் `ஓகே’ சொல்லிட்டு, ‘ஒருமுறை நான் நேர்ல பார்த்துப் பேசணும்’னு கேட்டேன். ‘பொண்ணு வீட்டுக்குப் போவோம்’னு அம்மா சொன்னாங்க’’ என்கிறவரை நிறுத்தி, ஆர்த்தி தொடர்கிறார்.

“பொண்ணு பார்க்க முடிவானதும், ‘நாம சினிமாவில் இருக்கோம். பொண்ணு வீட்டுக்குப் போனா, நிச்சயம் அந்தத் தெருவில் இருக்கிறவங்க எல்லோருக்கும் அது ஒரு செய்தியாகிடும். ஒருவேளை இந்தக் கல்யாணம் நடக்காமல் போனால், அவங்க வாழ்க்கையில் தேவையில்லாத சங்கடங்கள் வரும். அதனால ஒரு ஹோட்டல்ல வெச்சு பார்க்கலாம்’னு அருண் சொன்னாராம். இதை என் அப்பா என்கிட்ட சொன்னப்போ, நடிகர் என்ற பிம்பம் பின்னுக்குப் போய், ஒரு நல்ல மனிதரை மீட் பண்ணப் போறோம் என்ற மனநிலையோடு ஹோட்டலுக்குப் போனேன்’’ என்று ஆர்த்தி சொல்ல, ‘`அங்கே ஒரே காமெடி...’’ எனச் சிரித்துக்கொண்டே மீண்டும் பேச ஆரம்பிக்கிறார் அருண்...

ஒட்டுமொத்த விகடனுக்கும் ஒரே ஷார்ட்கட்!

அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்



“நான் ஆர்த்திகிட்ட நாலு வார்த்தை பேசி, புரிஞ்சுக்கலாம்னுதான் கிளம்பிப் போனேன். ஆனா, ஹோட்டலுக்கு எங்க குடும்பத்திலிருந்து பத்து பேரும் இவங்க குடும்பத்திலிருந்து பத்து பேரும் வந்திருந்தாங்க. ஹோட்டலே கலகலக்க, ரெண்டு வீட்டுக்காரங்களும் பேசிட்டிருந்தாங்க. நானும் ஆர்த்தியும் திருதிருன்னு முழிச்சுட்டிருந்தோம். நான் பொறுமை இழந்து எங்கம்மாகிட்ட முனங்க, அம்மா எங்க ரெண்டு பேருக்கும் தனியா ஒரு டேபிள் ஏற்பாடு செய்து கொடுத்தாங்க. ஆர்த்திகிட்ட பேசின கொஞ்ச நேரத்திலேயே, எனக்கும் என் குடும்பத்துக்கும் அவங்க சரியா இருப்பாங்கனு ஒரு நிறைவு வந்துடுச்சு’’ என அருண், ஆர்த்தியைப் பார்த்துப் புருவத்தை உயர்த்த, வெட்கத்தை மறைத்துக்கொண்டு பேச ஆரம்பிக்கிறார் ஆர்த்தி.

“நல்லபடியா எங்க கல்யாணம் முடிந்தது. ஆனா, நான் சினிமா குடும்ப வாழ்க்கைக்குப் பழக்கப்பட நிறைய தடுமாறினேன். அருண் குடும்பத்தில் அவரின் சகோதரிகள், அப்பா என எல்லோரும் உடை, மேக்கப் விஷயத்தில் அசத்தலா இருப்பாங்க. எனக்கு இதெல்லாம் புதுசா இருந்தது. கொஞ்சம் கஷ்டமாவும் இருந்தது. அந்தச் சூழலில் அருண்தான் எனக்கு அம்மாவாக இருந்து, ஒவ்வொரு விஷயத்தையும் கற்றுக்கொடுத்தார். வீட்டில் இருப்பவர்களிடம் பேசுவதில் தொடங்கி வெளியிடங்களில் ஒரு ஸ்டாரின் மனைவியாக நடந்துகொள்வது வரை சின்னச் சின்ன விஷயங்களையும் சொல்லிக்கொடுப்பார். குறிப்பா, என்னுடைய மனநிலையிலிருந்து எனக்காக யோசிப்பார். எனக்காக அவர் நிறைய விஷயங்களில் தன்னை மாத்திக்கிட்டார். ஒரு பொண்ணுக்கு இதைவிட சந்தோஷம் என்ன இருக்கு?

அருணுக்கு வீட்டுச் சாப்பாடுதான் பிடிக்கும். அதனால சென்னையில் எங்கு ஷூட்டிங் நடந்தாலும் வீட்டிலிருந்துதான் சாப்பாடு கொடுத்து விடுவோம். அருண் கடினமான உழைப்பாளி. கதையைத் தேர்வு செய்வதிலிருந்து நடிப்பதுவரை ஒவ்வொன்றுக்கும் நிறைய மெனக்கெடுவார். யாராவது சினிமாவைப் பற்றி ஏதாவது தப்பா சொன்னா சட்டுனு கோபம் வந்துரும். அந்தளவுக்கு சினிமாவை லவ் பண்றார். வாய்ப்பு குறையும் நேரத்தில்கூட, ‘என் திறமைக்கு ஏற்ற ஒரு கதை வரும்’னு தன்னம்பிக்கையுடன் இருப்பார்.

சினிமாவை அவர் தொழிலாக ஒருநாளும் பார்த்ததில்லை. அது அவருக்கு வாழ்க்கை. அதனால்தான் ஒவ்வொரு படத்துக்கும் இவ்வளவு கேப். `நடிப்பை ரசித்துச் செய்யணும்; வில்லனாக நடித்தாலும், ஹீரோவாக நடித்தாலும் அந்த கேரக்டரில் வாழணும்’னு அடிக்கடி சொல்வார். படம் கமிட் ஆனதும் அதுக்குத் தகுந்த மாதிரி உடலளவிலும் மனதளவிலும் டிரெய்ன் ஆக ஆரம்பிச்சுடுவார். அதனால்தான் அவருடைய கேரக்டர்கள் பேசப்படுது. நிறைய பேர், `ஹரி சார் படத்தில் அருண் நடிக்கலாமே'னு கேட்பாங்க. ஆனா, ரெண்டு பேருக்குமே தொழில் வேறு, உறவு வேறு என்ற சரியான புரிந்துணர்வு இருக்கு’’ என்கிறவர், குழந்தைகள் பற்றிப் பேசுகிறார்.

அப்பாவும் மகனும் மணிக்கணக்கில் சினிமா பற்றிப் பேசுவாங்க! - ஆர்த்தி அருண் விஜய்

‘`எங்க பொண்ணு பூர்வி, சின்ன வயசிலிருந்தே அருணுடைய ஷூட்டிங் பார்த்து வளர்ந்தவ. எங்க பையன் ஆர்ணவ், எங்க வீட்டின் அடுத்த தலைமுறை ஹீரோ. அப்பா மாதிரியே ஆர்ணவ்வுக்கும் சினிமா மேல பயங்கர கிரேஸ். இப்போ குழந்தை நட்சத்திர வாய்ப்பு வருது. கொஞ்ச நாள் ஆகட்டும்னு நாங்கதான் தவிர்க்குறோம். சினிமா காதலர்களான அப்பாவும் மகனும் ஒன்று சேர்ந்துட்டா, படங்களைப் பற்றி மணிக்கணக்கில் டிஸ்கஸ் பண்ணிப்பாங்க. ‘ஜெயம்’ ரவியுடைய மகன் ஆரவ்வும் எங்க பையனும் க்ளோஸ் ஃப்ரெண்ட்ஸ். சொன்னா நம்ப மாட்டீங்க... இவங்க ரெண்டு பேரும் போனில் சினிமாவைப் பற்றி, சினிமாவில் வரும் சீன்கள், பேக்கிரவுண்ட் பற்றியெல்லாம் பெரியவங்க மாதிரி டிஸ்கஸ் பண்ணிப்பாங்க. கேட்க ரொம்ப க்யூட்டா இருக்கும். சினிமாவுக்கு அடுத்த தலைமுறை ரெடி ஆகிட்டாங்கனு சந்தோஷமாகவும் இருக்கும்’’ - ஆர்த்தி முகத்தில் பூரிப்பு.

“எங்களுடைய இந்த சந்தோஷமான கூட்டுக்கு ஆர்த்திதான் காரணம். குடும்பப் பொறுப்பை முழுவதும் கையில் எடுத்துக்கிட்டாங்க. என் அம்மா, அப்பா, சகோதரிகள்னு எல்லோருக்கும் எல்லாவற்றையும் பார்த்துப் பார்த்துச் செய்வாங்க. இந்த பத்து வருஷத் திருமண வாழ்க்கையில், அவங்க எனக்கு எந்த ஸ்ட்ரெஸ்ஸும் கொடுத்ததில்லை. எங்க குடும்பத்தில் எல்லோருக்குமே ஆர்த்தி பெஸ்ட் ஃப்ரெண்ட். அதனால்தான் என்னுடைய வெற்றியில் என்னால் கவனம் செலுத்த முடியுது. ஆர்த்திதான் என் வெற்றியின் ஆணிவேர்’’ எனத் தன் மனைவியைப் பார்த்து அருண் கண்களைச் சுருக்கிச் சிரிக்க, தன்னடக்கத்துடன் அந்த அன்பை ஏற்றுக்கொள்கிறார் ஆர்த்தி.

சு.சூர்யா கோமதி 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism