Published:Updated:

சினிமா வளர்கிறது; வாசிப்பு தேய்கிறது!

ஒட்டுமொத்த விகடனுக்கும் ஒரே ஷார்ட்கட்

Use App
சினிமா வளர்கிறது; வாசிப்பு தேய்கிறது!
சினிமா வளர்கிறது; வாசிப்பு தேய்கிறது!

சினிமா வளர்கிறது; வாசிப்பு தேய்கிறது!

பிரீமியம் ஸ்டோரி

து இலக்கியவாதிகள் சினிமாவுக்கு வரும் சீஸன். அந்த வரிசையில் ‘கிடாரி’, ‘அசுரவதம்’ என்ற இரண்டே படங்களின் மூலம் கவனிக்கத்தக்க வில்லனாகியிருக்கிறார் கவிஞர் வசுமித்ர. 

சினிமா வளர்கிறது; வாசிப்பு தேய்கிறது!

இப்போது வரும் சினிமாக்களில் ஹீரோக்களுக்கு நிகராக வில்லன்களின் பாத்திரங்களும் உருவாக்கப்படுகிறதே?

“உண்மைதான். கதாநாயகன் என்ற இமேஜ் உடைந்து, கதை நாயகர்கள் உருவாகும்போது வில்லன்களுக்கான வெளி அதிகமாகிறது என்று சொல்லலாம். அதேபோல் சில பாத்திரங்கள் சில காட்சிகளே வந்தாலும் கதையையே அடியோடு புரட்டிப்போடும் சூழல் உருவாகியிருக்கிறது. அதேநேரத்தில் ஹீரோ, வில்லன் என்று பேசும்போதே ‘ஒற்றைத்தன்மை’ உருவாகிவிடுகிறது. அதுதான் கதைநாயகனை விருப்பத்திற்குரியவனாக எந்தளவுக்கு மாற்றுகிறதோ அந்தளவுக்கு வெறுக்கத்தக்க பாத்திரமாய் வில்லன் பாத்திரத்தையும் மாற்றிவிடுகிறது.”
 
``நீங்கள் ஓர் எழுத்தாளராக இருப்பதால், வசனகர்த்தாவாகவோ, திரைக்கதையாசிரியராகவோ, இயக்குநராகவோ ஆகும் எண்ணம் உள்ளதா?’’


“நிச்சயமாக. கைவசம் இரண்டு கதைகளும் உள்ளன.”

“சமகாலத் திரைப்படங்கள், சமகால இலக்கியம் இரண்டின் போக்கும் எப்படி இருக்கிறது?”

“சினிமா வளர்ந்திருக்கிறது. ஆனால் இலக்கிய வாசிப்பு குறைந்திருக்கிறது. பதிப்பகங்கள் 25, அல்லது 50 புத்தகங்கள் என்றளவில் அச்சிடும் நிலைக்கு வந்துவிட்டன. இது ஊடக யுகமாகக் காட்சியளிக்கிறது. விளைவு இலக்கியத்திலும் ஊடகத் தன்மையுள்ள விஷயங்கள் மேலெழுகிறது. வருந்தத்தக்க விஷயம்தான்.”

“எதிர்மறையான கதாபாத்திரங்கள், வன்முறைக் காட்சிகள் இவையெல்லாம் சமூகத்தில் ஒருவித எதிர்மறையான மனநிலையை உருவாக்கிவிடாதா?”

“நான் ஏற்றுக்கொள்ள மாட்டேன். யதார்த்த வாழ்வில் நடக்கும் கொடும் வன்முறைகளுக்கு ஈடாக இப்பொழுது ஒரு திரைப்படம்கூட எடுக்கமுடியாது. நேர்மறையான கதாபாத்திரங்களும், வன்முறையற்ற காட்சிகளும் சமூகத்தில் எந்த அலைகளையும் ஏற்படுத்தவில்லை என்பதையும் சுயவிமர்சனமாய்ச் சொல்ல வேண்டும். யதார்த்தத்தில் ஒரு வாழ்க்கையையும், கனவுலகில் ஒரு வாழ்க்கையையும் பழக நமக்குச் சினிமா சொல்லிக்கொடுக்கிறது. அது ஒரு வெகுஜன ஊடகம். அவ்வளவே.”

“ஒரு மார்க்சியக் கவிஞராக அடையாளப்படுத்திக் கொள்ளும் நீங்கள், சாதி சார்ந்த அடையாளங்கள் உள்ள படங்களிலும் நடிக்கிறீர்களே?”


“மார்க்சியக் கவிஞராக என்னை நான் எப்பொழுதும் அறிமுகப்படுத்திக் கொண்டதில்லை. எனது தத்துவம் மார்க்சியம். என் கவிதைகள் அரசியல் மற்றும் காதலைப் பேசியிருக்கின்றன. இரண்டே இரண்டு திரைப்படங்களில்தான் நடித்திருக்கிறேன். ‘நடிக்க வேண்டும்’ - அதுதான் திரைப்படத்தில் நான் ஏற்றுக் கொண்ட பாத்திரத்துக்குச் செய்யும் கடமை.

ஒரு சாதியை மையமாக வைத்து எடுத்த எந்தப் படமும் அந்தந்த சாதியாளர்களால் ஓடிவிடாது. சினிமா மூலம் சாதியை உயரத்தில் தூக்கி வைக்க முடியும் என்றால், அந்தந்த சாதிக்காரர்கள் தங்களது சாதி குறித்த விளம்பரப் படங்கள்தான் எடுக்க முடியும்.  கதையம்சத்தில் வெற்றிகரமான அம்சங்களை வைத்து அதில்  சாமர்த்தியமாகச் சாதிப் பெருமையை உள்ளே செருகினால் அம்பலப்படுத்த வேண்டும். அது விமர்சகர்களின் கடமை.

புரட்சியாளர் பாத்திரம் வந்தாலும் ஏற்று நடிப்பேன். ஒரு பாத்திரத்தைத் தேர்வு செய்வது இயக்குநரின் வெளி. அந்தச் சட்டகத்துக்கு நான் பொருந்துவேனா இல்லையா என்பதும் அவரது தேர்வு. அப்பாத்திரத்தில் நான் ‘நடிக்க’ மட்டுமே செய்வேன். வாழ அல்ல.”

சக்தி தமிழ்ச்செல்வன் - படம்: வீ.சக்தி அருணகிரி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு