Published:Updated:

தனுஷின் `ரௌடி பேபி'யைப் பாராட்டி கன்னட ரசிகர்களிடம் சிக்கிய திவ்யா ஸ்பந்தனா!

தார்மிக் லீ
தனுஷின் `ரௌடி பேபி'யைப் பாராட்டி கன்னட ரசிகர்களிடம் சிக்கிய திவ்யா ஸ்பந்தனா!
தனுஷின் `ரௌடி பேபி'யைப் பாராட்டி கன்னட ரசிகர்களிடம் சிக்கிய திவ்யா ஸ்பந்தனா!

கன்னடம் மற்றும் தமிழ் நடிகையான திவ்யா ஸ்பந்தனா `ரௌடி பேபி’ பாடலின் லிங்கை ஷேர் செய்து, யுவனையும் தனுஷையும் பாராட்டி ட்வீட் ஒன்றைப் பதிவிட்டிருந்தார். இதைத் தொடர்ந்து கன்னட சினிமா ரசிகர்கள் இவரைத் திட்டி ரிப்ளை செய்து வருகின்றனர். 

தனுஷ், சாய் பல்லவி நடிப்பில் கடந்த ஆண்டு வெளியான படம், `மாரி 2.’ இந்தப் படத்தில் இடம்பெற்ற `ரௌடி பேபி’ பாடல் தெறி ஹிட் அடித்து தற்போது யூடியூபில் 110 மில்லியன் பார்வைகளைக் கடந்துள்ளது. இதைப் பாராட்டும் வகையில் நடிகை திவ்யா ஸ்பந்தனா தனது ட்விட்டர் பக்கத்தில் ட்வீட் ஒன்றைப் பதிவு செய்திருந்தார். `குத்து’, `கிரி’, `வாரணம் ஆயிரம்’ போன்ற படங்களில் நடித்த இவர், தனுஷோடு சேர்ந்து `பொல்லாதவன்’ படத்திலும் நடித்திருகிறார்.


இந்தக் காரணத்தால் யுவன் ஷங்கர் ராஜாவையும் தனுஷையும் பாராட்டி ட்வீட் பதிவிட்டிருந்தார். சமீபத்தில் யாஷ் நடித்த `கே.ஜி.எஃப்’ படம் கன்னடத்தில் சக்கைபோடு போட்டு வசூலை அள்ளியது. `தமிழ்ப் பாடலைப் பாராட்டத் தெரிந்த உங்களுக்கு, ஏன் `கே.ஜி.எஃப்’ படத்தைப் பாராட்ட மனம் வரவில்லை’ என்பதுபோல் திட்டி வருகின்றனர் கன்னட சினிமா ரசிகர்கள்.

காங்கிரஸின் உறுப்பினரான இவர், தற்போது கட்சியின் சமூக வலைதலங்கள் மற்றும் டிஜிட்டலின் தலைவராகவும் செயல்பட்டுக்கொண்டிருக்கிறார். இதை வைத்து, `இனிமேல் தமிழர்களையே வாக்களிக்கச் சொல்லுங்கள், ஓட்டு கேட்டு எங்களிடம் வர வேண்டும்’ என்றும் கலாய்த்து வருகின்றனர். கடந்த 20-ம் தேதி பதிவிட்டிருந்த இவரது ட்வீட்டை இன்னும் ரீ-ட்வீட் செய்து விமர்சித்துக்கொண்டிருக்கின்றனர்.