Published:Updated:

சித்திரம் பேசுதடி 2 - சினிமா விமர்சனம்

சித்திரம் பேசுதடி 2 - சினிமா விமர்சனம்
பிரீமியம் ஸ்டோரி
சித்திரம் பேசுதடி 2 - சினிமா விமர்சனம்

சித்திரம் பேசுதடி 2 - சினிமா விமர்சனம்

சித்திரம் பேசுதடி 2 - சினிமா விமர்சனம்

சித்திரம் பேசுதடி 2 - சினிமா விமர்சனம்

Published:Updated:
சித்திரம் பேசுதடி 2 - சினிமா விமர்சனம்
பிரீமியம் ஸ்டோரி
சித்திரம் பேசுதடி 2 - சினிமா விமர்சனம்

ந்து புள்ளிகளை இணைத்துக் காலம் போடும் கிறுக்கல் கோலம். அதன் ஆதியும் அந்தமும் இடையிலுள்ள இணைப்புகளுமே `சித்திரம் பேசுதடி 2.’

சித்திரம் பேசுதடி 2 - சினிமா விமர்சனம்

சில படங்கள் ஒன்லைனில் ஆச்சர்யம் கூட்டி விஷுவலாக வீரியம் குறையும் இல்லையா, அப்படியான ஒரு படமாக வந்திருக்கிறது சித்திரம் பேசுதடி 2. ஒரு ஹைப்பர் லிங்க் சினிமாவில் இத்தனை கதாபாத்திரங்களா என வியக்கவைக்கும் ராஜன் மாதவ், கதாபாத்திரங்களின் நடிப்பிலும் கொஞ்சம் கவனம் செலுத்தியிருக்கலாமே என வருத்தப்பட வைக்கிறார். விதார்த், ராதிகா ஆப்தே, காயத்ரி என சிலர் மட்டுமே சரியான மீட்டரில் நடித்திருக்கிறார்கள். அசோக் எல்லாம் `நடித்திருக்கிறார்.’ எதையோ மென்றுகொண்டே இருப்பதையே ஒரு மேனரிசமாக படம் முழுக்க அவர் செய்துகொண்டிருப்பதைப் பார்த்தால் நமக்கு வாய் வலிக்கிறது.

ஒட்டுமொத்த விகடனுக்கும் ஒரே ஷார்ட்கட்!

சித்திரம் பேசுதடி 2 - சினிமா விமர்சனம்



ஹைப்பர் லிங்க் படங்களில் லாஜிக் ஓட்டைகளும் திரைக்கதையில் நிறைய தற்செயல் நிகழ்வுகளும் இருக்கும்தான்! அதற்காக, இவ்வளவு பெரிய சென்னையில் யாருக்கு எங்கே என்ன நடந்தாலும் ஒரே மருத்துவமனைக்கே வந்து அட்மிஷன் போடுவதையெல்லாம் எப்படி எடுத்துக்கொள்வதெனப் புரியவில்லை. முதற்பாதியில் மூளைக்கு ஓவர் டைம் வேலை வைக்கும் திரைக்கதை, இரண்டாம் பாதியிலோ கணிக்கக் கூடியதாய் மாறிவிடுகிறது.  ‘அடுத்து இதுதானே, சீக்கிரம் முடிச்சுவிடுங்கப்பா’ என்ற மனநிலைக்கு வந்துவிடுகிறோம். கதாபாத்திரங்களின்  திடீர் மன மாற்றங்களுக்கான காரணங்களையும் அழுத்தமாக அடுக்கியிருக்கலாம்.

இயக்குநர் போட்ட கோலத்துக்கு, சரியான வண்ணம் தீட்டத் தவறியிருக்கிறது தொழில்நுட்பக் குழு. பரபரக்கும் காட்சிகளின் வேகத்தை அதிகப்படுத்திக் கொடுக்க வேண்டிய சாஜன் மாதவின் இசை, துவண்டு நிற்கிறது. பத்மேஷின் ஒளிப்பதிவும் பெரிதாய் ஈர்க்கவில்லை. படத்தொகுப்பாளர் வெங்கட்ரமணன் கொஞ்சம் கைகொடுக்க முயன்றிருக்கிறார். ஆனால், அந்த முயற்சியும் பல இடங்களில் வெற்றிபெறவில்லை.

படமாக்கலில் கூடுதல் கவனம் செலுத்தியிருந்தால், நிச்சயம் உரக்கப் பேசியிருக்கும் இந்தச் சித்திரம்!

- விகடன் விமர்சனக் குழு 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism