Published:Updated:

தேவ் - சினிமா விமர்சனம்

தேவ் - சினிமா விமர்சனம்
பிரீமியம் ஸ்டோரி
தேவ் - சினிமா விமர்சனம்

தேவ் - சினிமா விமர்சனம்

தேவ் - சினிமா விமர்சனம்

தேவ் - சினிமா விமர்சனம்

Published:Updated:
தேவ் - சினிமா விமர்சனம்
பிரீமியம் ஸ்டோரி
தேவ் - சினிமா விமர்சனம்

சாகசங்களைத் தேடிப் பயணிக்கும் இளைஞனின் வாழ்வில் குறுக்கிடும் காதல் பயணமே ‘தேவ்.’

தேவ் - சினிமா விமர்சனம்

ப்ரீலான்ஸ் போட்டோகிராபர் கார்த்தி, நண்பர்கள் அம்ருதா, ஆர்ஜே விக்னேஷ்காந்த் இருவரையும் கூட்டிக்கொண்டு உலகெங்கும் பயணிக்கிறார். இலக்கற்ற வாழ்க்கை வாழும் கார்த்திக்கு ரகுல்பிரீத் சிங் மீது காதல் மலர, அவரைத் தேடிப் பயணித்துக் காதலில் விழவைக்கிறார். பிறகென்ன, வழக்கமான காதலும் காதல் சார்ந்த பிரச்னைகளுமாகவே ‘தேவ்’ பயணமாகிறது. 

ஒட்டுமொத்த விகடனுக்கும் ஒரே ஷார்ட்கட்!

தேவ் - சினிமா விமர்சனம்

அழகான கதையில் கச்சிதமாகத் தன்னைப் பொருத்திக்கொண்டு நிற்கிறார், கார்த்தி. துறுதுறு இளைஞனாக, காதலைக் கொண்டாடும் குறும்புக்காரனாக முழுப்படத்தையும் தாங்கி நிற்கிறார். ஹீரோயின் ரகுலுக்கும் சரிபாதி முக்கியத்துவம். பணமே குறிக்கோளெனப் பயணிக்கும் அல்ட்ரா மாடர்ன் பெண். காதல் காட்சிகளிலும் அத்தனை அழகாக நடித்திருக்கிறார்.

அம்ருதா, ஆர்ஜே விக்னேஷ் இருவரும் கார்த்தியின் இருகரங்கள். விக்னேஷின் காமெடிகள் ஒரு சில இடங்களில் சிரிக்க வைக்கிறது. பிரகாஷ்ராஜ், ரம்யாகிருஷ்ணன் இருவருக்கும் பெரிதாகக் காட்சிகள் இல்லை.

தேவ் - சினிமா விமர்சனம்



என்னாச்சு ஹாரிஸ் ஜெயராஜ்?! பாடல்களில் உயிரில்லை. பின்னணி இசையும் எங்கயோ கேட்டமாதிரி இல்லை... இங்கேதான் கேட்டோம் என நினைவில் வைத்துச் சொல்லும் அளவில் இருக்கிறது. தாறுமாறாகப் பயணிக்கும் திரைக்கதையை இழுத்துப் பிடித்து எடிட் செய்திருக்கிறார், ரூபன். வேல்ராஜின் ஒளிப்பதிவு ஆறுதல். உக்ரைன், இமயமலை, சென்னையின் இரவுகள் என... அட்வெஞ்சரை அள்ளி வந்திருக்கிறது.

அழகான கதையைக் கையிலெடுத்திருக்கும் அறிமுக இயக்குநர் ரஜத் ரவிஷங்கர், திரைக்கதைக்குக் கொஞ்சமும் மெனக்கெடவில்லை. சாகசப் பயணி, காதல் பிரச்னைகள், பேமிலி சென்டிமென்ட், நண்பர்கள் அட்ராசிட்டி என அனைத்தையும் திணித்திருப்பதால், எதை முன்னிலைப்படுத்துவது எனப் புரியாமல் விழித்திருக்கிறது திரைக்கதை. லாஜிக் ஓட்டைகளும் எக்கச்சக்கம்! ஏராளமான காஸ்ட்லி பைக்குகள், பிரமாண்டமான பங்களா, உயர்ரக கார்கள் என... எல்லாம் வைத்திருக்கும் கார்த்தி, ‘வாழ்க்கைன்னா சாகசம் பண்ணணும்; பணத்தை நோக்கி ஓடக்கூடாது’ என்று வசனம் பேசுவது முரண்.

பயணம், காதல், உறவுச் சிக்கல்கள், நட்பு அனைத்தையும் நுனிப்புல்லாக மேய்ந்திருக்கிறான், தேவ்.

- விகடன் விமர்சனக் குழு  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism