Published:Updated:

“நயனுக்கும் எனக்கும் செம கெமிஸ்ட்ரி!”

“நயனுக்கும் எனக்கும் செம கெமிஸ்ட்ரி!”
பிரீமியம் ஸ்டோரி
“நயனுக்கும் எனக்கும் செம கெமிஸ்ட்ரி!”

“நயனுக்கும் எனக்கும் செம கெமிஸ்ட்ரி!”

“நயனுக்கும் எனக்கும் செம கெமிஸ்ட்ரி!”

“நயனுக்கும் எனக்கும் செம கெமிஸ்ட்ரி!”

Published:Updated:
“நயனுக்கும் எனக்கும் செம கெமிஸ்ட்ரி!”
பிரீமியம் ஸ்டோரி
“நயனுக்கும் எனக்கும் செம கெமிஸ்ட்ரி!”

‘` `நயன்தாராவின் டப்பிங் ஆர்டிஸ்ட்’ என்பது என்னோட முதன்மையான அடையாளம் ஆகிடுச்சு. ‘உங்ககிட்ட பேசுறப்போ நயன்தாராகிட்ட பேசுற மாதிரியே இருக்கு’னு பலர் சொல்லியிருக்காங்க. கலைக்கான பாராட்டு அதுதான்’’ - புத்துணர்வோடு பேசுகிறார் தீபா வெங்கட். ஆர்.ஜே., சினிமா, சீரியல், பண்பலை என கிட்டத்தட்ட 20 வருடங்களுக்கும் மேலாக மீடியாவில் தடம்பதித்துவரும் தீபா, தன் டப்பிங் அனுபவங்களைப் பகிர்ந்துகொண்டார்.

“நயனுக்கும் எனக்கும் செம கெமிஸ்ட்ரி!”

“சின்ன வயசில் இந்தி கார்ட்டூன் சேனலுக்கு டப்பிங் பேசினேன். அப்படிப் பேசும்போது அந்த வசனங்களை செம எக்ஸ்பிரஷன்ஸுடன்தான் பேசுவேன். அந்த ஆர்வம் இப்போவரை தொடர்ந்துட்டிருக்கு. என் அம்மா, அப்பா, கணவர், குழந்தைங்கள்னு எல்லாரும் உற்சாகப்படுத்துறதால, இந்தப் பயணம் ரொம்ப சுமுகமா, சந்தோஷத்தோட போய்க்கிட்டிருக்கு.

“நயனுக்கும் எனக்கும் செம கெமிஸ்ட்ரி!”

கஜோல், சினேகா, சிம்ரன், அனுஷ்கானு பல ஹீரோயின்களுக்கும் குரல் கொடுத்திருக்கேன். ஆனா, நயன்தாரா மேடத்துக்கும் என் குரலுக்கும்தான் செம கெமிஸ்ட்ரி. பொதுவா, அவங்களோட பாடி லேங்குவேஜ் போல்டாதான் இருக்கும். அதுக்குத் தகுந்த மாதிரி டப்பிங் பேசுவேன். ‘கோலமாவு கோகிலா’ படத்தில் நயன்தாரா மேம், தானே டப்பிங் பேசியிருப்பாங்க. கவனிச்சுப் பார்த்தா, எங்க ரெண்டு பேரோட குரலும் கிட்டத்தட்ட ஒண்ணாதான் இருக்கும். அதுதான் எங்க காம்பினேஷன் வெற்றிக்குக் காரணம்னு நினைக்கிறேன்.  

‘கேப்டன் மார்வெல்’ படத்தின் தமிழ் வெர்ஷனுக்கு டப்பிங் பேசினேன். இந்த மாதிரி ஹாலிவுட் படங்களுக்கு டப்பிங் கொடுக்கும்போது லிப் சின்க் ஆவது ரொம்பக் கஷ்டம். அதுவே புது அனுபவமாகவும் இருக்கும். ‘மயக்கம் என்ன’ படத்தில் ரிச்சா கங்கோபாத்யாவுக்கு நான்தான் டப்பிங் பேசினேன். படத்தில், அவங்க கர்ப்பம் கலைந்து அழுகிற காட்சியில் டப்பிங் பேசும்போது நான் ஐந்து மாத கர்ப்பிணி. நார்வே தமிழ் ஃபிலிம் பெஸ்டிவல்ல எனக்கு ‘பெஸ்ட் டப்பிங் ஆர்டிஸ்ட்’ விருது வாங்கிக் கொடுத்த படம் அது. இந்த மாதிரி பல சவாலான அனுபவங்கள் உண்டு.

“நயனுக்கும் எனக்கும் செம கெமிஸ்ட்ரி!”

டப்பிங் பேசும்போது பல நுணுக்கங்களையும் கவனிச்சுப் பேசணும். கேரக்டரின் உணர்வுகளை உள்வாங்கிப் பேசணும். சந்தோஷம், துக்கம், அழுகைனு எல்லா உணர்வுகளையும் தேவைக்கேற்ப வெளிப்படுத்தணும். குரலில் எந்தப் பிரச்னையும் வராமல் பார்த்துக்கணும். ஆரம்பத்தில் இருந்ததைவிட, இப்போ இதில் பல டெக்னிக்கல் விஷயங்களையும் பழகிக்கிட்டேன். எல்லா துறைகளிலும் நம்மை நாமே அப்டேட் பண்ணிக்கிறது வளர்ச்சிக்கு ரொம்ப முக்கியம். டப்பிங் கலைஞர்கள் இங்கே பெரும்பாலும் கவனிக்கப்படுறதில்லை. பல சினிமா விருது நிகழ்ச்சிகளில், டப்பிங் கலைஞர்களுக்கு என்று ஒரு பிரிவு இல்லாமல் இருக்குறது வருத்தமான விஷயம். ஒரு படத்தின் வெற்றியில் டப்பிங் ஆர்டிஸ்ட்களின் பங்களிப்பும் இருக்கு. அதனால, இந்த நிலை மாறணும்.

ஒரு பக்கம் டப்பிங் ஆர்டிஸ்ட், ஒரு பக்கம் ஆர்.ஜே., வீட்டில் ரெண்டு அன்பான பெண் குழந்தைகளின் அம்மானு என் வாழ்வின் அழகான காலகட்டம் இது. தொடரும்!”

அதே உற்சாகமான புன்னகை.

வெ.வித்யா காயத்ரி - படம்: ப.சரவணகுமார்