Published:Updated:

வாட்ச்மேன் - சினிமா விமர்சனம்

விகடன் விமர்சனக்குழு

ஒட்டுமொத்த விகடனுக்கும் ஒரே ஷார்ட்கட்

Use App
வாட்ச்மேன் - சினிமா விமர்சனம்
வாட்ச்மேன் - சினிமா விமர்சனம்

வாட்ச்மேன் - சினிமா விமர்சனம்

பிரீமியம் ஸ்டோரி

வெறும் பேச்சுக்காக இல்லாமல் நிஜமாகவே வீட்டைக் காக்கப் போராடும் ஒரு நிஜ செளகிதாரின் கதையே இந்த ‘வாட்ச்மேன்.’

வாட்ச்மேன் - சினிமா விமர்சனம்

ஜி.வி. பிரகாஷைக் கடன் பிரச்னை கழுத்தை நெரிக்கிறது. அதிலிருந்து தப்பிக்க ஒரு வீட்டில் திருடச் செல்கிறார். இவர் செல்லும் நேரம் பார்த்து அந்த வீட்டை ஒரு தீவிரவாதக் குழுவும் முற்றுகையிடுகிறது. அந்தக் குழுவின் நோக்கம் என்ன, மாட்டிக்கொண்டவர்களை ஜி.வி.பிரகாஷும் அந்த வீட்டு நாயும் எப்படிக் காப்பாற்றுகிறார்கள் என்பதை லாரி லாரியாகப் பூ சுற்றிவிட்டு கதை சொல்கிறார் இயக்குநர் விஜய்.

இந்தப் படத்தில்  பெரிதாகக் கதையே இல்லை என்பதால் ஜி.வி.பிரகாஷ் நடிக்கவும் பெரிதாக ஒன்றுமில்லை. வீட்டைக் காவல்காக்கும் நாயின் சின்னச் சின்ன சேட்டைகள் மட்டுமே படத்தின் ஒரே என்டர்டெயின்மென்ட் ஏரியா.

வாட்ச்மேன் - சினிமா விமர்சனம்

தமிழ்ப்படம் எடுக்குறோம் என முடிவு செய்தவுடனேயே யோகிபாபு கால்ஷீட் வாங்கிவிடுவார்கள் போல! வரிசையாகப் படங்கள், எல்லாவற்றிலும் ஒரே ஸ்டைல் என போரடிக்கிறார் பாபு.  நீரவ் ஷாவின் ஒளிப்பதிவு ஓரளவிற்கு த்ரில்லர் படத்திற்கான டெம்போவை செட் செய்கிறது. பின்னணி இசையில் ஜி.வியின் சில பழைய பாடல்கள், கே.ஜி.எஃப்பின் தீம் என ஏகப்பட்ட கலவைக் குழப்படிகள்.

வாட்ச்மேன் - சினிமா விமர்சனம்



‘வாட்ச்மேன்’ ஒன்லைனை வாயால் சொன்னால்கூட சுவாரஸ்யமாகத்தான் இருக்கிறது. ஆனால், படத்தில் ஒரு சுவாரஸ்யமான காட்சிகூட இல்லை. அதற்கான மெனக்கெடலும் இல்லை.

எந்தத் திருப்பங்களுமில்லாத படத்திற்கு எதற்கு நான் லீனியர் திரைக்கதை? ஏற்கெனவே எதுவுமில்லாத படத்தில் இந்தத் திரைக்கதை ட்ரீட்மென்ட் வேறு பொறுமையைச் சோதிக்கிறது. ஐந்து பேர் கொண்ட கும்பல் வீட்டில் ஒளிந்திருக்கும் இரண்டு பேரை விடிய விடியத் தேடுகிறார்கள். ஆனால், அவர்கள் தேசத்தையே பயமுறுத்தும் தீவிரவாதிகள் என நாம் நம்பவேண்டும். தமிழகக் காவல்துறையின் மிகப்பெரிய பொறுப்பில் இருந்தவர் தன் உயிருக்கு ஆபத்து வரும்போது 100-க்கு பொறுமையாக போன் செய்வாரா என்ன? கைத்தட்டல் வரும் என இயக்குநர் நினைத்த ட்விஸ்ட்டுகளில் ‘ப்ச்’ சத்தம் மட்டுமே கேட்கிறது.

ப்ராக்ட்டிகல் லேபில் போங்கடிக்கும் கடைசி பெஞ்ச் பையனைப் போல இல்லாமல் அலர்ட்டாக இருந்திருந்தால் வாட்ச்மேனுக்கு இன்க்ரிமென்ட் கொடுத்திருக்கலாம். 

- விகடன் விமர்சனக் குழு 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு