Published:Updated:

அசத்தல் அம்மா - மகள்: மனசுக்கு நேர்மையா இருந்தால் போதும்!

அசத்தல் அம்மா - மகள்: மனசுக்கு நேர்மையா இருந்தால் போதும்!
பிரீமியம் ஸ்டோரி
அசத்தல் அம்மா - மகள்: மனசுக்கு நேர்மையா இருந்தால் போதும்!

டப்பிங் கலைஞர்கள் ஸ்ரீஜா ரவி, ரவீணா ரவி

அசத்தல் அம்மா - மகள்: மனசுக்கு நேர்மையா இருந்தால் போதும்!

டப்பிங் கலைஞர்கள் ஸ்ரீஜா ரவி, ரவீணா ரவி

Published:Updated:
அசத்தல் அம்மா - மகள்: மனசுக்கு நேர்மையா இருந்தால் போதும்!
பிரீமியம் ஸ்டோரி
அசத்தல் அம்மா - மகள்: மனசுக்கு நேர்மையா இருந்தால் போதும்!

னுபவம்மிக்க டப்பிங் ஆர்ட்டிஸ்ட் ஸ்ரீஜா ரவி. இதுவரை 1500-க்கும் அதிக மான படங்களில் ஹீரோயின்களின் குரலாக ஒலித்திருக்கிறார். 20-க்கும் மேற்பட்ட படங்களில் அம்மாவாகவும் நடித்திருக்கிறார். இவருடைய மகள் ரவீணா ரவி, 75-க்கும் அதிகமான ஹீரோயின்களுக்கு டப்பிங் பேசியிருக்கிறார். அம்மா வையும் மகளையும் ஓர் இனிய தருணத்தில் சந்தித்தோம்.

அசத்தல் அம்மா - மகள்: மனசுக்கு நேர்மையா இருந்தால் போதும்!

“ ‘தொட்டாசிணுங்கி’ படத்தில் தேவயானிக்குக் குரல் கொடுக்க அம்மா போயிருந்தாங்க. அப்போ எனக்கு ஒன்றரை வயது. அந்தப் படத்துக்கான ரேடியோ புரமோஷனில் என் குரலையும் பயன்படுத்தியிருக்காங்க. ‘தொட்டாசிணுங்கி’ன்னு சொன்ன வார்த்தை அப்போ பிரபலம். அப்படித்தான் எனக்கு டப்பிங் வாய்ப்பு கிடைச்சதாம். இன்னொரு விஷயம் தெரியுமா? எனக்கு எட்டு மாதம் ஆகும்போதே, ‘அம்மா, அப்பா, தாத்தா’ போன்ற வார்த்தைகளைத் தெளிவா உச்சரிப்பேனாம்.  எனக்குக் கிடைக்கிற எல்லாப் பாராட்டுகளுக்கும் அம்மாதான் காரணம்!” - தன் அம்மா ஸ்ரீஜாவை அணைத்துக்கொள்கிறார், ரவீணா.

‘`என் மகள் என்கிறதால, ரவீணாவுக்கு வாய்ப்பு கிடைத்ததுபோல, டப்பிங் ஆர்ட்டிஸ்ட்டான எங்க அம்மா கண்ணூர் நாராயணியால்தான் எனக்கும் வாய்ப்பு வந்தது. எங்க அப்பா இன்ஜினீயர். அவர் மறைந்த பிறகு அம்மாவுடன் நானும் சென்னைக்கு வந்தேன். எனக்கு 10 வயது இருக்கும்போது, ‘மனசு’ படத்தில் குழந்தை நட்சத்திரமா நடிச்சேன். ‘உத்ராயணம்’ என்ற மலையாளப் படத்தில் டப்பிங் பேச ஆரம்பிச்சேன். ஷாலினி, பேபி ஷாமிலி எனப் பல குழந்தைகளுக்குக் குரல் கொடுத்திருக்கேன். ‘கிளிஞ்சல்கள்’ படத்தில் ஒரு பையனுக்கு மலையாளம், தமிழ் இரண்டிலும் நான்தான் டப்பிங் பேசினேன். இப்படி எல்லாமே தானாக அமைந்துவிட்டது’’ என ஸ்ரீஜா பேசுவதைப் பார்த்துக்கொண்டிருக்கிற ரவீணா, தொடர்கிறார்...

‘`அம்மா எனக்கு வீட்டிலேயே உச்சரிப்புகளைச் சொல்லிக் கொடுப்பார். என் முதல் படத்துக்குப் பிறகு, ‘பியர்ஸ் சோப்’, ‘உட்வேர்ட்ஸ் கிரேப் வாட்டர்’ போன்ற விளம்பரங்களில் எல்லா மொழிகளிலும் பேசியிருக்கேன். பிறகு, ‘சாட்டை’ படத்தில் டப்பிங் பேசினேன். அதுதான் என்னை ‘ஐ’ படத்தில் எமி ஜாக்சனுக்கு குரல் கொடுக்கும் வாய்ப்பைக் கொடுத்தது. பிறகு, ‘நிமிர்ந்து நில்’ அமலாபால், ‘கத்தி’ சமந்தா, ‘தெறி’ எமி ஜாக்சன், ‘அடங்க மறு’, ‘அயோக்யா’ படங்களில் ராஷி கண்ணா, ‘நீயா 2’ கேத்ரின் தெரசா வரை 75-க்கும் அதிகமான படங்களில் ஹீரோயின்களுக்கு டப்பிங் பேசிட்டேன். 1999-ம் ஆண்டு முதல் 2012 வரை குழந்தைகளுக்கு வாய்ஸ் கொடுத்துக்கொண்டிருந்த நான், 2012-ம் ஆண்டுக்குப் பிறகு  ஹீரோயின்களுக்கு டப்பிங் பேசும் வாய்ப்புகளைப் பெற்றேன்” எனப் பூரிக்கும் ரவீணாவைப் பெருமையுடன் பார்க்கிறார், ஸ்ரீஜா.

அசத்தல் அம்மா - மகள்: மனசுக்கு நேர்மையா இருந்தால் போதும்!

]‘`அம்மாவாக எனக்கு என் பொண்ணை நினைச்சு எப்போவுமே பெருமைதான். ரவீணாவை ஒரு நடிகையாகப் பார்க்க ஆசைப் பட்டேன். அதுவும் `ஒரு கிடாரியின் கருணை மனு' படத்தின் மூலம் நிறைவேறியது. சமீபத்தில ‘அயோக்யா’ படத்தில் அம்மா கேரக்டரில் நடித்தவருக்கு வாய்ஸ் கொடுத்தேன். ரவீணா அந்தப் படத்தில் ஹீரோயின் ராஷி கண்ணாவுக்குக் குரல் கொடுத்தாங்க. இப்போ, ‘அருவி’ அருண் பிரபு இயக்கும் ‘வாழ்’  படத்தில் ஹீரோ பிரதீப்புக்கு அம்மாவாக நடிக்கிறேன். ‘அதே கண்கள்’ இயக்குநர் ரோகினுடைய படத்தில் தமன்னாவுக்கு அம்மாவாக நடிக்கிறேன். மலையாளத்தில் இரண்டு படங்களில் நடிக்கிறேன். டப்பிங்கைத் தாண்டி இப்போது முழு மூச்சாக நடிப்பிலும் இறங்கியிருக்கிறேன். நான் சாகும்வரை டப்பிங் பேசிட்டே இருக்கணும் என்பதுதான் ஆசை’’ என ஸ்ரீஜா சிரிக்கும்போது, பல தமிழ் ஹீரோயின்களின் குரல்கள் நினைவுக்கு வந்து போகின்றன.

‘`தமிழில் தேவயானி, சுபலட்சுமி, ஷாலினி, லைலா, ரம்பா, ரோஜா, கெளசல்யா, வனிதா விஜயகுமார், பாம்பே ஹீரோயின்கள்... எனப் பலருக்கும் டப்பிங் பேசியிருக்கேன். ஷாலினியைப் பொறுத்தவரை, அவர் தன் சொந்தக் குரலில் பேசி நடித்தது, ‘அலைபாயுதே’ படத்தில் மட்டும்தான். மற்றபடி மலையாளம், தமிழ் என அவர் நடித்த அனைத்துப் படங்களிலும் ஷாலினிக்குக் குரல் கொடுத்தது நான்தான். நடிப்பைப் பொறுத்தவரை தமிழில் ‘கண்டுகொண்டேன் கண்டுகொண்டேன்’ படத்தில் தபுவின் தோழியாக நடித்தேன். பிறகு, ‘நண்பன்’, ‘பாயும்புலி’, ‘ஜீவா’, ‘வீரா’, ‘வேதாளம்’, ‘எமன்’, ‘இரும்புத்திரை’, ‘மணியார் குடும்பம்’ எனப் பல படங்களில் அம்மாவாக நடித்திருக்கிறேன்.”

‘`நீங்களும், உங்க அம்மாவும் எப்போது சேர்ந்து நடிக்கப்போகிறீர்கள்?’’

‘`அந்த ஆசை எங்களுக்கும் இருக்கு. ரெண்டு பேரும் அம்மா, மகளாக ஒரு படத்தில் நடிச்சு, எங்களுக்கு நாங்களே டப்பிங் பேசிக்கணும். அப்படி ஒரு கதையும் வந்தது. அம்மாவுக்கு அந்தக் கதையில் திருப்தி இல்லை என்பதால், விட்டுட்டோம்.

எங்க அப்பா ரவீந்திரநாதன் தமிழ் சேனலில் பல வருடங்கள் ஒளிபரப்பான மலையாளத் தொடரான ‘சிந்து பைரவி’யை தமிழில் மொழிமாற்றம் செய்தார். டப்பிங்கும் பேசுவார், பாடவும் செய்வார், நடிகரும்கூட. இப்படி எங்கள் குடும்பமே மீடியாவில் இருக்கிறது. டப்பிங்கில் நான் மூன்றாவது தலைமுறை.

அம்மா நினைத்தேபார்க்காத அளவுக்கு டப்பிங் வாய்ப்பு, நடிக்கும் வாய்ப்பு எனக்கு அமைந்தது. இப்போ, ‘காவல்துறை உங்கள் நண்பன்’, ‘ராக்கி’ படங்களில் நடிச்சிருக்கேன்” என்கிறவரின் கன்னத்தைக் கிள்ளி முத்தம் கொடுக்கிறார் ஸ்ரீஜா.

அசத்தல் அம்மா - மகள்: மனசுக்கு நேர்மையா இருந்தால் போதும்!

‘`எது கிடைக்கணுமோ அது நிச்சயமாகக் கிடைக்கும். அதை யாராலும் தடுக்க முடியாது. எந்த வேலையா இருந்தாலும் மனசுக்கு நேர்மையா இருந்து செய்தால் போதும். என் பொண்ணுக்கு அதைத்தான் சொல்றேன்; நானும் அதைத்தான் கடைப்பிடிக்கிறேன்’’ என்றார் ஸ்ரீஜா ரவி.

- வே.கிருஷ்ணவேணி,  படங்கள் : பா.ரமேஷ்கண்ணா