Published:Updated:

குட்டிப்புலி பத்து

குட்டிப்புலி பத்து
குட்டிப்புலி பத்து
குட்டிப்புலி பத்து

1. குட்டிப்புலி படத்தில் முதன் முறையாக கம்பு சுற்றும் விளையாட்டு வீரராகக் களமிறங்குகிறார் சசிகுமார். இதற்காக ராஜபாளையத்தைச் சேர்ந்த பிரபல சிலம்பு வீரரிடம் இரண்டு மாதங்கள் பயிற்சி எடுத்திருக்கிறார் சசிகுமார். விழுப்புண்களுக்கும் குறைவு இல்லையாம்.

2. இத்தனை காலம் நடனம் ஆடுவதில் பெரிய அளவில் அக்கறை காட்டாமல் இருந்த சசிகுமார், இந்தப் படத்தில் செம ஸ்பீடு டான்ஸ் போட்டு வியக்க வைத்திருக்கிறார். ரீமிக்ஸ் பாடல் ஒன்றை இதற்காகவே படத்தில் இணைத்திருக்கிறார்கள்.

3. படத்தில் லெட்சுமிமேனனோடு சகஜமாகப் பேசும் காட்சிகள் இல்லையாம். அதனால் ஷூட்டிங் ஸ்பாட்டிலும் சசிகுமார் உர்ரெனவே இருந்தாராம். நெருங்கிப் பேச முயன்ற லெட்சுமிமேனனுக்கு செம திட்டு விழுந்ததாம்.

4. சுந்தரபாண்டியன் படத்துக்குப் பிறகு சசிகுமாரின் சம்பளம் சகட்டுமேனிக்கு ஏறிவிட்டது. ஆனாலும், தனக்கு முதல் முதலாக சம்பளம் நிர்ணயித்த மனிதர் என்பதற்காக ‘வாகை சூடவா’ முருகானந்தம் கொடுத்த தொகையை மட்டுமே சம்பளமாக வாங்கிக் கொண்டாராம் சசி!

5. குட்டிப்புலி என்பவர் ராஜபாளையத்தில் வாழ்ந்த ஒரு மனிதர். அவருடைய உண்மையான கதையைத் தழுவியே குட்டிப்புலி பாத்திரத்தை செதுக்கி இருக்கிறார்கள்.

6. ஒவ்வொரு படத்திலும் பஞ்ச் டயலாக்குக்குப் பதிலாக யதார்த்த வசனம் பேசும் சசிகுமார், இந்தப் படத்தில் பேசும் வசனம் என்ன தெரியுமா… ‘வொய்புதான்டா லைஃப்’

7. படத்தை முடித்த பிறகு ஒரே ஒரு மனிதருக்கு மட்டுமே தன் சார்பில் போட்டுக் காட்டி இருக்கிறார் சசிகுமார். அவர் இயக்குநர் பாலா. ‘உண்மையான நடிகன்னு நிரூபிச்சிட்டடா’ என கண்கலங்கி பாராட்டி இருக்கிறார் பாலா.

##~~##
8. குட்டிப்புலி படத்தின் க்ளைமாக்ஸ் காட்சியை வேறு எந்த ஹீரோக்களுமே ஏற்றுக் கொள்ள மாட்டார்களாம். சரண்யாவுக்கு முக்கியத்துவம் கொடுத்து எடுக்கப்பட்ட அந்தக் காட்சியைப் பார்த்து சசிகுமார் கண்கலங்கி விட்டாராம். ‘சசி என்னோட உண்மையான புள்ளை” என நெகிழ்ந்திருக்கிறார் சரண்யா.
9. இரு கைகளையும் தூக்கியபடி சைக்கிளில் ஹாயாக வருகிற காட்சிதான் ஓபனிங் காட்சி. ஒரே டேக்கில் அசத்தி இருக்கிறாராம் சசிகுமார்.
10. படம் முழுக்க வேட்டி, கைலியில் வரும் சசிகுமார், ஒரே ஒரு காட்சியில் மட்டும் பேன்ட் சர்டில் வருகிறார். தியேட்டரே சிரிப்பொலியில் நனைகிற காட்சியாம் அது.