Published:Updated:

``புடவை கட்டிக்கிட்டேன்... `ஸ்கை'ப்புக்கு வந்தேன்!" - ஷில்பா மஞ்சுநாத்

சந்தோஷ் மாதேவன்

மேடை நாடகத்தில் தன் நடிப்புப் பயணத்தைத் தொடங்கி, தற்போது கன்னடம், தமிழ், மலையாளம் என மூன்று மொழிகளிலும் படங்களில் நடித்து வருகிறார், ஷில்பா மஞ்சுநாத்.

``புடவை கட்டிக்கிட்டேன்... `ஸ்கை'ப்புக்கு வந்தேன்!" - ஷில்பா மஞ்சுநாத்
``புடவை கட்டிக்கிட்டேன்... `ஸ்கை'ப்புக்கு வந்தேன்!" - ஷில்பா மஞ்சுநாத்

`காளி' படத்தின் மூலம் கோலிவுட்டுக்கு அறிமுகமானவர், நடிகை ஷில்பா மஞ்சுநாத். தற்போது, `இஸ்பேட் ராஜாவும் இதய ராணியும்' படத்தின் ரிலீஸுக்காகக் காத்துக்கொண்டிருக்கிறார். ரஞ்சித் ஜெயக்கொடி இயக்கத்தில் ஹரிஷ் கல்யாண் நாயகனாக நடித்திருக்கும் இப்படத்திற்கு, சாம்.சி.எஸ் இசையமைத்துள்ளார்.

மேடை நாடகத்தில் தன் நடிப்புப் பயணத்தைத் தொடங்கி, தற்போது கன்னடம், தமிழ், மலையாளம் என மூன்று மொழிகளிலும் நடித்து வருகிறார். `எதுவா இருந்தாலும் ஒரு கை பார்த்துட வேண்டியதுதான்!' - என்றவர், தமிழில் தனக்குத் தானே டப்பிங் பேசுவதற்கான காரணம், `இஸ்பேட் ராஜாவும் இதய ராணியும்' படத்தில் நடிக்க ஒப்புக்கொண்டது ஏன் உட்பட பல விஷயங்களைப் பகிர்ந்துகொண்டார். 

``புடவை கட்டிக்கிட்டேன்... `ஸ்கை'ப்புக்கு வந்தேன்!" - ஷில்பா மஞ்சுநாத்

``மேடை நாடகம் டு சினிமாவுக்காக எப்படியெல்லாம் தயாரானீங்க?"

``உண்மை என்னனா, சினிமாவுல நடிக்க என்னைத் தயார்படுத்திக்கத்தான் நான் மேடை நாடகங்கள்ல நடிச்சேன். சினிமா வாய்ப்புகள் தேடிக்கிட்டிருந்த சமயத்துல எனக்கு நடிப்பு வரலைனு பல இயக்குநர்கள் நிராகரிச்சுட்டாங்க. பிறகு, நடிப்பைக் கத்துக்க மேடை நாடகங்கள்ல நடிச்சு திறமையை வளர்த்துக்கிட்டேன். தொடர் முயற்சிகள்தான் என்னை சினிமாவுக்குக் கூட்டிக்கிட்டு வந்திருக்கு."

``கன்னட சினிமாவிலிருந்து எப்படித் தமிழ் சினிமாவுக்கு வந்தீங்க?"

``என் முதல் தமிழ்ப்படம், `காளி'. இந்தப் படத்தோட ஆடிஷனுக்காக ஸ்கைப் மூலமா கிருத்திகா உதயநிதிகிட்ட பேசினேன். அப்போ, அவங்க சொன்ன கேரக்டர், ஒரு கிராமத்துப் பொண்ணு. நானோ, ரொம்ப மார்டனா இருப்பேன். அதனால என்னை வேண்டாம்னு சொல்லிட்டாங்க. திரும்ப ஒருமுறை அவங்களைத் தொடர்புகொண்டு, புடவை கட்டிக்கிட்டு ஸ்கைப்லேயே ஆடிஷன் அட்டெண்ட் பண்ணேன். இம்ப்ரஸ் ஆகி வாய்ப்பும் வந்திடுச்சு." 

``புடவை கட்டிக்கிட்டேன்... `ஸ்கை'ப்புக்கு வந்தேன்!" - ஷில்பா மஞ்சுநாத்

``நிறைய முத்தக் காட்சிகள் இருந்ததுக்காக, முதல்ல `இஸ்பேட் ராஜாவும் இதய ராணியும்' படத்துல நடிக்கமாட்டேன்னு சொன்னீங்களாமே?"

``அது உண்மைதான். என் மேனேஜர் என்கிட்ட இந்தப் படத்தைப் பற்றிச் சொல்லும்போது, நிறைய முத்தக் காட்சிகள் இருக்கும். அதனால, எனக்கு விருப்பம் இருந்தா ஓகே சொல்லலாம். இல்லைனா, வேணாம்னு சொல்லிட்டார். நானும் அந்தக் காரணத்துக்காகவே வேண்டாம்னு சொல்லிட்டேன். ஏன்னா, பொதுவாவே நான் அப்படி நடிக்கிறதில்லை. நடிச்ச கன்னடப் படங்களில், நான் சொன்னதுக்காகவே முத்தக் காட்சிகளை நீக்கியிருக்காங்க. ஆனா, இந்தப் படத்தை நான் ரிஜெக்ட் பண்ணதும், இயக்குநர் ரஞ்சித் ஜெயக்கொடி என்னை நேர்ல சந்திச்சு கதையைச் சொன்னார். அவர் வந்து கதையைச் சொல்லும்போதுதான், நல்லவேளை இந்தப் படத்தை மிஸ் பண்ணலைனு தோணுச்சு. ஏன்னா, அவர் கதை சொல்றப்போ, அந்தக் காட்சிகளுக்கான முக்கியத்துவம் என்னனு தெளிவாப் புரியவெச்சார். நானும் ஓகே சொல்லிட்டேன்." 

``ஒரு பெண் இயக்குநர், ஆண் இயக்குநர்னு ரெண்டு பேரோட காதல் படங்களில் நடிச்சிருக்கிங்க. காதலைப் பற்றிய சரியான பார்வை யார்கிட்ட இருக்குனு நினைக்கிறீங்க?" 

``என்னைப் பொறுத்தவரை, இயக்குநர்னா, இயக்குநர்தான். அதுல ஆண், பெண் பாகுபாடு கிடையாது. உடம்பு சரியில்லைன்னு டாக்டர்கிட்ட போனா, சரியாகணும்னுதான் நினைப்போம். அந்த டாக்டர் ஆணா, பெண்ணானு பார்க்கிறதில்லை. அதுமாதிரி, சினிமாவுல இயக்குநர். ரெண்டுபேரும் அவங்கவங்க பார்வையில காதலைச் சொல்றாங்க, அவ்ளோதான்."

``புடவை கட்டிக்கிட்டேன்... `ஸ்கை'ப்புக்கு வந்தேன்!" - ஷில்பா மஞ்சுநாத்

``நல்லா தமிழ்ப் பேசுறீங்க. அதனாலதான், படத்துக்கும் நீங்களே டப்பிங் பேச ஒப்புக்கிட்டீங்களா?" 

``நான் கன்னடப் பொண்ணுதான். ஆனா, வெறித்தனமா தமிழ் கத்துக்கிட்டேன். ஏன்னா, ஒரு நடிகையோட முதல் கடமையே முழுமையா நடிக்கிறதுதான். திரையில தெரியிறது பாதி நடிப்புதான். குரலில் காட்டும் உணர்ச்சிகள்தான், நடிப்பை முழுமையடையச் செய்யும். அதுக்காகத்தான் தமிழ் கத்துக்கிட்டேன். `காளி' படத்துக்கே நான்தான் டப்பிங் பேசுவேன்னு கிருத்திகா மேடம்கிட்ட சொன்னேன். அது கிராமத்துப் பொண்ணு கேரக்டரா இருந்ததுனால, கிருத்திகா வேண்டாம்னு சொல்லிட்டாங்க. உலகத்துல சில நாடுகள் இருக்கு. அங்கெல்லாம் நான்கைந்து மொழிகள் தெரிஞ்சாதான் பிழைக்க முடியும். அந்த நான்கைந்து மொழிகள்ல இங்கிலீஷ் இல்ல... ஆனா, தமிழ் இருக்கு. சம்ஸ்கிருதத்தைவிடப் பழைமையான மொழி இது. இவ்வளவு பெருமை உள்ள மொழியைக் கத்துக்கிறதுல என்ன தப்பு இருக்கு!"

``காதலுக்குள்ளே இருக்கும் சண்டைகள், பிரிவுகள் பற்றி நிறைய காட்சிகள் `இஸ்பேட் ராஜாவும் இதய ராணியும்' ட்ரெய்லர்லேயும் இருக்கே... எந்த விதத்துல இந்தப் படம் மற்ற படங்களைவிட மாறுபடும்?"

``ஒரு லவ் பிரேக் அப்பிற்குப் பிறகு காதலில் பல சிக்கல்கள் வரும். பொதுவா பல படங்கள் காதல் தோல்வியை ஆண் பார்வையிலதான் அணுகியிருக்கு. இந்தப் படத்துல பெண்ணோட கண்ணோட்டம் நிறைய இருக்கும். அது மட்டுமல்லாம, காதல் தோல்வியை ஒரு ஆண் எப்படிக் கடந்துபோகணும், அவன் காதலிச்ச பொண்ணை அதுக்குப் பிறகு எப்படி நடத்தணும்னு பல விஷயங்களைப் பேசும். கதையைக் கேட்கும்போதே, நான் அந்த `தாரா' கேரக்டரா மாறினேன். அவ்ளோ இன்ட்ரஸ்டிங்கா இருந்தது."