Published:Updated:

விவசாயி கெட்-அப்... ஷங்கர், மணிரத்னம் ரேஞ்ச் செட்-அப் - ஜெயம் ரவி 25 சுவாரஸ்யம் #jr25

அலாவுதின் ஹுசைன்
விவசாயி கெட்-அப்... ஷங்கர், மணிரத்னம் ரேஞ்ச் செட்-அப் - ஜெயம் ரவி 25 சுவாரஸ்யம் #jr25
விவசாயி கெட்-அப்... ஷங்கர், மணிரத்னம் ரேஞ்ச் செட்-அப் - ஜெயம் ரவி 25 சுவாரஸ்யம் #jr25

2003-ம் ஆண்டு `ஜெயம்' படம் மூலம் தமிழ் சினிமாவில் அறிமுகமானவர் ஜெயம் ரவி. ஆரம்பத்தில் அண்ணன் மோகன் ராஜா படங்களில் நடித்து வந்த இவர், பின் இதர இயக்குநர் மற்றும் தயாரிப்பாளர்கள் படத்திலும் நடிக்க ஆரம்பித்தார். பல படங்கள் மூலம் ரொமான்டிக் ஹீரோவாக இடம்பிடித்த இவர் `ஆதி பகவான்', `தனி ஒருவன்' படங்கள் மூலம் ஆக்‌ஷன் ஹீரோ இடத்தையும் பிடித்தார். தற்போது தனது 24 -வது படமாக குறும்பட இயக்குநர் பிரதீப் இயக்கும் படத்தில் நடித்து வருகிறார். இப்படத்துக்கு `கோமாளி' எனத் தலைப்பு இருக்கலாம் என்று பேசி வரும் நிலையில், தனது 25-வது படத்தின் அறிவிப்பை வெளியிட்டுள்ளார் ரவி. ரோமியோ ஜூலியட், போகன் படங்களை இயக்கிய லக்‌ஷ்மன் இயக்கத்தில் முழுக்க முழுக்க விவசாயி பிரச்னைகள் பேசும் ஒரு கதையைத் தேர்ந்தெடுத்து நடிக்கவுள்ளார்.

இப்படத்தில் இயக்குநர் சங்கர் படங்கள் போன்ற சமுதாயக் கருத்தையும், மணிரத்னத்தின் `திருடா திருடா' போன்ற திரைக்கதையும் இருக்கும் என்கிறார்கள். ரவியின் கெட்-அப் முதற்கொண்டு படத்தில் பல சர்ப்ரைஸ்களும் இருக்கும் என்று படக்குழு தெரிவிக்கிறது. `போகன்', `ரோமியோ ஜூலியட்' படங்கள்போல இப்படத்திலும் ரவி, இமான், லக்‌ஷ்மன் கூட்டணி இணையவுள்ளது. இப்படத்தில் நாயகி மற்றும் ஏனைய தொழில்நுட்பக் கலைஞர்கள் குறித்த விஷயங்கள் இன்னும் முடிவு செய்யப்படவில்லை.

அலாவுதின் ஹுசைன்