Published:Updated:

 ஸ்லிம் சிம்பு; சிம்பிள் திருமணம் - குறளரசன் திருமண அப்டேட்!

உ. சுதர்சன் காந்தி.
 ஸ்லிம் சிம்பு; சிம்பிள் திருமணம் - குறளரசன் திருமண அப்டேட்!
 ஸ்லிம் சிம்பு; சிம்பிள் திருமணம் - குறளரசன் திருமண அப்டேட்!

இயக்குநரும் நடிகருமான டி.ராஜேந்தரின் இளைய மகனான குறளரசனின் திருமணம், இன்று சென்னையில் நடைபெற்றது. தான் காதலித்த பெண் இஸ்லாமிய மதத்தைச் சேர்ந்தவர் என்பதால், இவரும் கடந்த பிப்ரவரி 16-ம் தேதி அவரின் தந்தை முன்னிலையில் இஸ்லாம் மதத்துக்கு மாறினார். குறளரசன் - நபீலா அஹமத் ஆகியோரது திருமணம் இன்று சென்னை, அண்ணா நகரில் உள்ள மணமகள் வீட்டில் இஸ்லாமிய முறைப்படி நடைபெற்றது. உடல் எடையைக் குறைப்பதற்காக லண்டனுக்குச் சென்ற நடிகர் சிம்பு, தன் தம்பியின் திருமணத்தை முன்னிட்டு நேற்றிரவு சென்னை திரும்பினார். அந்தப் புகைப்படங்கள் இணையத்தில் பரவி வருகின்றன.

மிகவும் எளிய முறையில் நடைபெற்ற இந்தத் திருமணத்தில் மணமக்கள் வீட்டார் மட்டுமே இருந்தனர். குறளரசன் - நபீலாவின் வரவேற்பு வரும் 29-ம் தேதி சென்னையில் உள்ள ஒரு நட்சத்திர ஹோட்டலில் நடைபெற இருக்கிறது. இந்த விழாவுக்கான அழைப்பிதழைதான் சினிமா, அரசியல் பிரமுகர்களிடம் கொடுத்து வந்தார், டி.ராஜேந்தர். திருமணத்தை வீட்டிலேயே சிம்பிளாக முடித்ததால், வரவேற்பு நிகழ்ச்சியை பிரமாண்டமாக நடத்த உள்ளனர். உடல் எடையைக் குறைத்த சிம்பு, விரைவில் `மாநாடு' பட ஷூட்டிங்கிற்கு செல்லவிருக்கிறார். அதைத் தொடர்ந்து, ஸ்டூடியோ கிரீன் தயாரிக்கும் `மஃப்டி' பட ரீமேக், எம்.ஆர்.ராதா பயோபிக் ஆகிய படங்கள் தொடங்கும் என எதிர்பார்க்கப்படுகிறது.  

உ. சுதர்சன் காந்தி.

Journalist @ Cinema Vikatan