Published:Updated:

மிஸ்டர் மியாவ்: தமிழில் இருந்து தமிழுக்கு...

மிஸ்டர் மியாவ்: தமிழில் இருந்து தமிழுக்கு...

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

பிரீமியம் ஸ்டோரி

• முதலில் 'கோ’ படத்தில் சிம்பு நடிப்பதாக அறிவித்தனர். அவருக்கு இணையான ஒரு கேரக்டரில் 'அஞ்சாதே’

##~##
அஜ்மல் நடிக்கிறார் என்று தகவல் கசியவே, நைஸாக நழுவினார் சிம்பு. அதன் பிறகுதான் கதாநாயகன் ஆனார் ஜீவா. கே.வி.ஆனந்த் இயக்கும் அந்தப் படத்தின் கதை இதுதான்...

 ஜீவாவும், அஜ்மலும் கால்சட்டை பிராயத்து ஃப்ரெண்ட்ஸ். வெள்ளுடை வேந்தர்களாய் சைரன் காரில் சலசலக்கும் அரசியல்வாதிகளைப் பார்த்து அமைச்சராகும் ஆசை அஜ்மலுக்குத் துளிர்விடுகிறது. சாதாரண அரசியல் கட்சியில் துக்கடா பொறுப்பில் இருக்கும் அஜ்மலை, தனக்குள்ள தொடர்புகள் மூலம் உச்சத்துக்கு உயர்த்துகிறார் பத்திரிகை போட்டோகிராபர் ஜீவா.

இந்நிலையில் ஜீவாவுடன் பணியாற்றும் பெண் நிருபர் பியாவின் அழகு அஜ்மலை அலைக்கழிக்கிறது. ஒரு கட்டத்தில் பியாவைக் கற்பழித்துக் கொலையும் செய்கிறார். நடந்த கோரத்தைக் கேள்விப்பட்டு அஜ்மலிடம் ஆவேசப்படுகிறார் ஜீவா. ''அவளைப் பார்த்ததும் ஆசையா இருந்துச்சு... கெடுத்துட்டேன். உயிரோட விட்டா உண்மையச் சொல்லிடுவாள்னு தெரிஞ்சதும், கொன்னுட்டேன்...'' என்று கூலாகச் சொல்கிறார் அஜ்மல்.

மிஸ்டர் மியாவ்: தமிழில் இருந்து தமிழுக்கு...

''உன்னை எப்படி பெரிய அரசியல்வாதி ஆக்கினேனோ, அதைப் போலவே உன்னை ஒண்ணுமில்லாத அனாதையா நடுத்தெருவுல நிறுத்திக் காட்டுறேன் பார்...'' என்று 'அண்ணாமலை’ ரஜினி ஸ்டைலில் ஜீவா சவால் விடுகிறார். அவ்வப்போது ரிலாக்ஸாக ராதா மகள் கார்த்திகாவுடன் டூயட் பாடுகிறார். இறுதியில் எப்படி சபதத்தை நிறைவேற்றினார் என்பதையும் சொல்லிவிட்டால் சாமி கண்ணைக் குத்திவிடும்.

இந்த கதையைப் படித்ததுமே உங்களுக்கு, சத்யராஜ் நடித்த 'மக்கள் என் பக்கம்’ படத்தின் கதை ஞாபகத்துக்கு வந்தால் நாங்கள் பொறுப்பல்ல. வழக்கமாக இங்கிலீஷ், கொரியன் படங்களைத்தான் நம்ம படைப்பாளிகள் ரீ-மேக் செய்வார்கள். ஒரு சேஞ்சுக்காக பழைய தமிழ்ப் படத்தை உல்டா செய்தால் தப்பா என்ன?

மிஸ்டர் மியாவ்: தமிழில் இருந்து தமிழுக்கு...

• 'இளைஞன்’ படத்துக்கு கரன்ஸி மழை பொழிந்த மார்ட்டினைப் பார்த்து உருகிவிட்டாராம், கருணாநிதி. அடுத்து தியாகராஜன் தயாரிக்கும் 'பொன்னர் சங்கர்’ படத்தின் தயாரிப்புப் பொறுப்பை​யும் மார்ட்டினை கவனிக்கச் சொல்லி அன்புக் கட்டளை இட்டுள்ளார்.  

• 'காதலர் குடியிருப்பு’ ரமேஷின் அடுத்த படத்து ஹீரோ 'சந்தன’ வீரப்பன்! அதற்காகப் பல வருடங்களாக சத்தியமங்கலம் காட்டில் அலைந்து, திரிந்து தகவல்களை சேகரித்தவருக்கு முத்துலட்சுமி தடைபோடவே பிரேக்டவுன் ஆனது. தற்போது முத்துலட்சுமி சம்மதம் சொல்லிவிட்டாராம். வீரப்பன் பட வேலையில் பரபரப்பாகி விட்டார், ரமேஷ்.

•   அழகிரி மைந்தன் தயாநிதி 'தூங்கா நகரம்’ தயாரித்தார். அந்தப் படத்தை இயக்கிய கௌரவ்வுடன், துரைக்கு கெமிஸ்ட்ரி ஒர்க்-அவுட் ஆகிவிட்டதாம். அதனால் தயாவின் அடுத்த படத்தின் டைரக்டரும் கௌரவ்தானாம்.

• 'சட்டப்படி குற்றம்’ படத்துக்கு பூசணிக்காய் உடைத்து விட்டார், எஸ்.ஏ.சந்திரசேகரன். காரசார​​மான அரசியல் நெடி வசனங்களை சீமான், சத்யராஜ் பேசியுள்ளனர். சட்டமன்றத் தேர்தல் தேதி அறிவித்தவுடன் படத்தை ரிலீஸ் செய்யப் போ கிறார்களாம்.  

மிஸ்டர் மியாவ்: தமிழில் இருந்து தமிழுக்கு...
மிஸ்டர் மியாவ்: தமிழில் இருந்து தமிழுக்கு...

• இல்லத்துப் பெண்கள் மீது  நீதிமன்றம் பாய்ந்ததில் அதிர்ந்து போனாராம், உச்சம். கடன் வாங்கிய சங்கதியை அவர் காதிலேயே யாரும் போடவில்லையாம். கடுப்பானவர், ''புதுப் பட தயாரிப்புல சும்மா பேருக்குத்தான் உன் பேர் போட்டிருக்கேன். மத்தபடி பட விஷயம் எதுலேயும் மூக்கை நுழைக்கக் கூடாது!'' எனச் சொல்லி வாரிசை மானாவாரியாகக் காய்ச்சி எடுத்துவிட்டாராம்.  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு