Published:Updated:

“ராஜா இசைஞானி; எம்.எஸ்.வி இசை கடவுள்! கடவுளைப் பற்றி ஞானிக்குத்தான் தெரியும்” ரஜினி

ஒட்டுமொத்த விகடனுக்கும் ஒரே ஷார்ட்கட்

Use App
“ராஜா இசைஞானி; எம்.எஸ்.வி இசை கடவுள்! கடவுளைப் பற்றி ஞானிக்குத்தான் தெரியும்” ரஜினி
“ராஜா இசைஞானி; எம்.எஸ்.வி இசை கடவுள்! கடவுளைப் பற்றி ஞானிக்குத்தான் தெரியும்” ரஜினி

“ராஜா இசைஞானி; எம்.எஸ்.வி இசை கடவுள்! கடவுளைப் பற்றி ஞானிக்குத்தான் தெரியும்” ரஜினி

மெல்லிசை மன்னர் எம்.எஸ்.விஸ்வநாதனின் நினைவாக இசையமைப்பாளர் இளையராஜா சிறப்பு இசை நிகழ்ச்சி ஒன்றை காமராஜர் அரங்கில் நேற்று நடத்தினார்.

“ராஜா இசைஞானி; எம்.எஸ்.வி இசை கடவுள்! கடவுளைப் பற்றி ஞானிக்குத்தான் தெரியும்” ரஜினி

நிகழ்ச்சி தொடங்குவதற்கு முன்பு எம்.எஸ்.வியின் உருவப்படத்திற்கு மலர் அஞ்சலி செலுத்தினார் இளையராஜா. பின்னர் இசைக் கலைஞர்களை வைத்து இசை நிகழ்ச்சியைத் துவங்கினார் இளையராஜா. முழு விழாவிலும் எம்.எஸ்.வியின் பாடல்கள் பாடப்பட்டன.

இவ்விழாவிற்கு சிறப்பு விருந்தினராக ரஜினிகாந்த் கலந்துகொண்டு பேசியதாவது, “ இளையராஜா இசைஞானி. ஆனால் எம்.எஸ்.வி. இசையின் சாமி. கடவுளைப் பற்றி இந்த ஞானிக்குத் தான் தெரியும். இளையராஜா தான் நமக்கு எம்.எஸ்.வி பற்றி சொல்ல வேண்டும். அதற்காகத்தான் அவர் நினைவைப் போற்றும் விதமாக இளையராஜா இந்த நிகழ்ச்சியை ஏற்பாடு செய்திருக்கிறார்.

எம்.ஜி.ஆர்., சிவாஜி கணேசன், பாலசந்தர், ஸ்ரீதர், டி.எம்.சவுந்தரராஜன், சீனிவாஸ், பி.சுசீலா என எல்லோரையும் புகழ் உச்சிக்கு கொண்டு சென்றவர் எம்.எஸ்.வி. தான். ராமருக்கு உதவிய அனுமன் போல் இருந்தாலும் ஒரு அணில் மாதிரியே வாழ்ந்தார். அப்படிப்பட்ட ஒரு மகானை நான் பார்த்தது இல்லை. இனியும் பார்க்கப்போவது இல்லை.

இது போன்ற நிகழ்ச்சியில் நான் கலந்து கொள்வது எனக்கு கிடைத்த ஆசீர்வாதம். திறமை என்பது கடவுள் தரும் பரிசு. தாய், தந்தையிடமிருந்து வருவது கிடையாது. சரஸ்வதி கடாட்சம் எம்.எஸ்.விக்கு கிடைத்திருக்கிறது. என்னதான் பணம், பெயர், புகழ் என்று இருந்தாலும் ஒரு துளி கூட தலைக்கனம் இல்லாமல் வாழ்ந்தவர். அதற்காகத்தான் அவரை இசைக் கடவுள் என்கிறோம். என்று பேசிமுடித்தார் ரஜினிகாந்த்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு