Published:Updated:

அட... ‘தெறி’ நைனிகா எவ்ளோ க்யூட் பார்த்தீங்களா..!?

Vikatan Correspondent
அட... ‘தெறி’ நைனிகா எவ்ளோ க்யூட் பார்த்தீங்களா..!?
அட... ‘தெறி’ நைனிகா எவ்ளோ க்யூட் பார்த்தீங்களா..!?

ட்லி இயக்கத்தில் விஜய் நடிக்கும் ‘தெறி’ படம் வரும் ஏப்ரல் 14 தமிழ் புத்தாண்டு அன்று வெளியாகிறது. இந்தப் படத்தில் விஜய்க்கு இரண்டு கேரக்டர்கள் இருப்பதாக அட்லி கூற படத்துக்கு ஏக எதிர்பார்ப்பு. அதில் ‘விஜயகுமார்’ என்ற போலீஸ் கேரக்டரில் வரும் விஜய்யின் ஃபர்ஸ்ட் லுக்கை அட்லி சமீபத்தில் வெளியிட்டார்.  அந்தப் படத்தில் மீனாவின் மகள் நைனிகா அறிமுகமாகிறார். தன் தோழி சங்கவியின் திருமணத்துக்கு மீனா குடும்பத்துடன் வந்திருந்தார். அப்போது அவருடன் செம வாலு சேட்டை செய்து கொண்டிருந்தார் நைனிகா.

அட... ‘தெறி’ நைனிகா எவ்ளோ க்யூட் பார்த்தீங்களா..!?

‘தெறி’யில் நைனிகா அறிமுகமாவது குறித்து அட்லி கூறுகையில்,

’’ ‘அன்புள்ள ரஜினிகாந்த்ல மீனா மேடம் ரஜினி சார்கூட நடிச்சிருந்தாங்க. ‘தெறி’யில் விஜய் சார் கேரக்டர் எவ்வளவு முக்கியமோ, மகேந்திரன் சார் எவ்வளவு முக்கியமோ அவ்வளவு முக்கியத்துவம் உள்ள குழந்தை கேரக்டர் ஒண்ணும் இருக்கு. ஆரம்பம் முதல் கிளைமேக்ஸ் வரை வரக்கூடிய கேரக்டர். ‘தெய்வத் திருமகள்’ சாரா மாதிரி பெர்ஃபார்மன்ஸ் பண்ண வேண்டிய கேரக்டர். ஆனா, பக்கம் பக்கமா பேசணும். அதுக்காக ஆளைத் தேடினேன். முகத்துல ஒரு இன்னொசன்ஸ் வேணும். கண்கள்ல ஒரு குறும்பு வேணும்... பேச்சுல ஒரு மழலை கலந்த இனிமை இருக்கணும்னு ஏகப்பட்ட கண்டிஷன்ஸ்.

ஆனா, சரியான ஆள் கிடைக்காம அப்செட்ல இருந்தேன். அப்ப என் மனைவி ப்ரியா போன்ல ஒரு குழந்தையின் போட்டோ காட்டி, ‘இந்தக் குழந்தை எப்படி இருக்கும்’னு கேட்டாங்க. பிரகாசமாகிட்டேன். ‘பாப்பா செம க்யூட். கொஞ்சம் மீனா மேடம் மாதிரி இருக்கே’ன்னேன். ‘ஆமாம் அவங்க குழந்தைதான். இது ரெண்டு வருஷத்துக்கு முன்ன எடுத்தது. அதனால இப்ப உங்களுக்கு சரியா இருக்கும்’னாங்க.

மறுநாளே மீனா மேடம்கிட்ட பேசினேன். அவங்களுக்கு பயங்கர ஷாக். ‘ஒரு நாள் கொடுங்க. சின்னப் பொண்ணு. யோசிக்கிறேன். விஜய் சார்கூட’னு கேக்குறீங்க. பிரபு சார், ராதிகா மேடம், மகேந்திரன் சார்னு பெரிய பெரிய ஆட்கள் இருக்காங்க. உங்களைச் சிரமப்படுத்தமா பெர்ஃபார்ம் பண்ணணும்’ன்னாங்க. நான் ஒரே ஒரு வார்த்தைதான் சொன்னேன். ‘மேடம், அன்புள்ள ரஜினிகாந்த்ல நீங்க, இப்ப உங்க பொண்ணு விஜய் சார்கூட’ன்னேன். சிரிச்சாங்க. மறுநாள், ‘உங்க பொண்ணை நான் டெஸ்ட் ஷூட் பண்றேன். அதை நான் யார்கிட்டயும் சொல்லல. அதுவும் உங்க திருப்திக்குத்தான. எனக்கு ஓ,கே’ன்னேன். அவங்களும் பிடிகொடுக்கலை. ஆனா, டெஸ்ட் ஷூட்ல நைனிகா பின்னிட்டாங்க. மீனா மேடம் சரி சொல்லிட்டாங்க. நைனிகாவை வெச்சு 60 நாள் ஷூட் பண்ணியிருக்கேன். அவ நடிக்கும்போது விஜய்ணாதான் டிப்ஸ் கொடுத்துட்டே இருப்பார். கேக்கவா வேணும்... அசத்திட்டா நைனிகா!’’ என்று மலர்கிறார் அட்லி.

- ம.கா.செந்தில்குமார்