Published:Updated:

”இளைஞர்களை ஈர்க்குமா ”காதலும் கடந்து போகும்” ...டிரெய்லர் விமர்சனம்!

”இளைஞர்களை ஈர்க்குமா ”காதலும் கடந்து போகும்” ...டிரெய்லர் விமர்சனம்!
”இளைஞர்களை ஈர்க்குமா ”காதலும் கடந்து போகும்” ...டிரெய்லர் விமர்சனம்!

”இளைஞர்களை ஈர்க்குமா ”காதலும் கடந்து போகும்” ...டிரெய்லர் விமர்சனம்!

இளைஞர்களின் ஏகோபித்த எதிர்பார்ப்புகளுக்கு ஆளான ’காதலும் கடந்து போகும்’ படத்தின் டிரெய்லர் நேற்று சூர்யா அவரது அதிகாரப்பூர்வ ட்விட்டர் பக்கத்தில் வெளியிட இதுவரை 2 லட்சம் பார்வையாளர்களைக் கடந்து வைரலாகியுள்ளது. விஜய் சேதுபதி மற்றுல் மடோனா செபஸ்டியன் காமெடி மற்றும் ரொமாண்டிக் வசனங்கள் டிரெய்லரை இன்னொருமுறை பார்க்கத் தூண்டுவதை நம்மால் மறுக்க முடியாது. 

”இளைஞர்களை ஈர்க்குமா ”காதலும் கடந்து போகும்” ...டிரெய்லர் விமர்சனம்!

நலன் குமாரசாமி இயக்கத்தில் விஜய் சேதுபதி , மடோனா செபஸ்டியன் , சமுத்திரகனி நடிப்பில் மார்ச் 11ம் தேதி வெளியாக உள்ள படம் ’காதலும் கடந்து போகும்’. படத்துக்கு இசை சந்தோஷ் நாராயணன். இப்படத்தின் டிரெய்லர் நேற்று மாலை வெளியானது, விஜய் சேதுபதி பட டிரெய்லர் என்றாலே அவரை மீறி யாரும் பெர்ஃபாமென்ஸில் பின்னி எடுத்துவிட முடியுமா பாணியில் லோக்கல் சென்னை பாஷை, அசால்ட், கெத்து என ரவுடிக்கே உரிய தோரணை காட்டுகிறார்.

’பிரேமம்’ படத்தின் செலினா கேரக்டரில் மிகச் சொற்ப சீன்களிலேயே கொள்ளை கொண்ட மடோனா செபஸ்டியன் இதில் முழுப் படமும் வந்து கிறங்கடிக்கப் போகிறார் என்பது டிரெய்லரிலேயே தெரிகிறது. ”ண்ணா. நான் உங்களுக்கு ஒரு பழமொழி சொல்ட்டா?, இருங்க வந்து சொல்றேன்” என விஜய் சேதுபதி ஒரு பக்கம் அடடே! என சொல்ல வைத்தால், இன்னொரு பக்கம் ”மூஞ்சி லோக்கலா இருக்குல்ல இவ்ளோ தான் மேட்ச் பண்ண முடியும்” என மடோனா கலாய்ப்புகளும் படம் ரொமாண்டிக் காமெடிக் காட்சிகளுக்கு பஞ்சமே இல்லாமல் இருக்கும் என்பதைக் காட்டுகிறது.

”இளைஞர்களை ஈர்க்குமா ”காதலும் கடந்து போகும்” ...டிரெய்லர் விமர்சனம்!

சந்தோஷ் நாரயணனின் இசையில் ”கககபோ” பாடல்  டிரெய்லருக்கு கொஞ்சம் பளிச் லுக். கூலர் போட்டுக்கொண்டு போலீஸ் லுக்கில் “ உள்ள போனாலும் அப்படியே இருக்க, வெளிய இருந்தாலும் அப்படியே இருக்க, ஒரு நல்ல தத்திக்கு உதாரணமா வாழ்ந்துட்டு இருக்க” என திடீர் எண்ட்ரி கொடுக்கும் சமுத்திரக்கனியால் படத்தில் சீரியஸ் போர்ஷன்களும் ஹெவியாக இருப்பதைச் சுட்டிக்காட்டுகிறது.

அவ்வப்போது ”நானும் ரவுடிதான்” படத்தின் டிரெய்லர் நினைவு வருவதைத் தான் தவிர்க்க முடியவில்லை. எனினும் நலன் குமாரசாமி என்பதால் கண்டிப்பாக ‘ சூது கவ்வும்’ , ‘ பாணியில்  அடுத்த ட்ரெண்டி படமாக இருக்கும் என நம்புவோம். ”காதலும் கடந்து போகும்”  மக்களின் மனதைக் கடத்திப் போகுமா? அல்லது வெளியாகும் 10 படங்களில் இதுவும் ஒன்றாகக் கடந்து போகுமா? என்பதைப் பொறுத்திருந்து பார்ப்போம்!

அடுத்த கட்டுரைக்கு