Published:Updated:

அரவிந்த் சுவாமிக்கு கார்த்திக் நரேனின் பர்த்டே ட்ரீட்!

சனா
அரவிந்த் சுவாமிக்கு கார்த்திக் நரேனின் பர்த்டே ட்ரீட்!
அரவிந்த் சுவாமிக்கு கார்த்திக் நரேனின் பர்த்டே ட்ரீட்!

அரவிந்த் சுவாமி, இந்திரஜித், சந்தீப் கிஷண் என மூன்று கதாநாயகர்களை வைத்து 'துருவங்கள் 16' இயக்குநர் கார்த்திக் நரேன் இயக்கும் திரைப்படம் 'நரகா சூரன்' .

கெளதம் வாசுதேவ் மேனன் தயாரிப்பு நிறுவனத்துடன் கார்த்திக் நரேன் இணைந்து தயாரிக்கும் இந்தப் படத்தின் கதை, தெலுங்கு நடிகர் நாக சைதன்யாவிற்குப் பிடித்திருந்த போதிலும் அவரால் சில காரணங்களால் இந்தப் படத்தில் நடிக்க முடியமால் போனது. 

இந்நிலையில் படத்தின் இயக்குநர் கார்த்திக் நரேன் படத்தின் ஃபர்ஸ்ட் லுக் போஸ்டர் மற்றும் இதர நடிகர்கள் பற்றிய அறிவிப்பு ஜூன் 18 ஆம் தேதி வெளியிடப்படும் என ட்விட் தட்டியுள்ளார். ஜூன் 18 ஆம் தேதி இந்தப் படத்தில் ஒரு நாயகனாக நடிக்கும் அரவிந்த் சுவாமியின் பிறந்த நாள் என்பது குறிப்பிடத்தக்கது. அடுத்த வருடம் வெளியாகப் போகும் இந்தப் படத்தில் பாடல்கள் எதுவும் இடம்பெறப் போவதில்லை என்பது கூடுதல் தகவல்.