``உஷார்... சினிமாவை மட்டும் நம்பி இருந்தால் அவ்வளவுதான்..!’’- சந்தீப் கிஷன்

"எனக்கு ஹாரர் ஜானர் பண்ணணும்னு ஆசையெல்லாம் இல்லை. ஹாரரைத் தாண்டி நிறைய புது விஷயங்கள் படத்துல இருக்கு. அந்த சர்ப்ரைஸிங்கான எலெமென்ட்தான் என்னை படத்துக்குள்ள வரவெச்சது. ரொம்ப அருமையான அனுபவம். நடிப்பு, தயாரிப்பு ரெண்டுலயும் நிறைய கத்துக்கிட்டேன். இந்தப் படத்துல எனக்கு எமோஷனலா பர்ஃபார்ம் பண்ண ஸ்கோப் இருந்தது. இதுவரை நான் நடிச்ச படங்களுக்கும் இந்தப் படத்திற்கும் என்கிட்ட நிறைய வித்தியாசம் இருக்கும். பைலிங்குவலா எடுத்தோம். ரெண்டு மொழிகளுக்கும் என்னைத் தவிர மற்ற நடிகர்கள் எல்லாரும் வெவ்வேற நபர்கள். ரெண்டு மொழிகளிலும் படத்துடைய இரண்டாம் பாதி மாறும்."

"இந்தப் படத்துடைய தெலுங்கு வெர்ஷனை நான் தயாரிச்சேன். தமிழ்ல 'ஆடை' படத்தை தயாரிச்ச நிறுவனம்தான் தயாரிச்சிருக்காங்க. தமிழைப் பொறுத்தவரை நான் நடிகன் மட்டும்தான். தயாரிப்பாளர்தான் ரிலீஸ் பண்ணணும்."

"படம் எடுக்கிறதை விட வெளியாகுறது ரொம்ப சவாலான காரியமா இருக்கு. 'கண்ணாடி' படத்துடைய தயாரிப்பாளர்தான் 'ஆடை' படத்தையும் தயாரிச்சார். அந்தப் படமும் முதல் ஷோ ரிலீஸ் ஆகலை. படங்கள் நல்ல பெயர் வாங்கினாலும், பணம்தான் பெரிய விஷயமா பார்க்கப்படுது. கஷ்டப்பட்டு நடிச்ச ஒரு படம் ரிலீஸாகாமல் இருக்குனா, நம்ம உழைப்புக்கு என்ன மரியாதை? ஒரு சில படங்களுக்கு இந்தப் பிரச்னை இருந்தால் பரவாயில்லை. எல்லா படங்களுக்கும் இந்தப் பிரச்னை இருந்தால் அப்போ எங்கேயோ தவறு நடக்குதுனுதானே அர்த்தம். அதைக் கண்டுபிடிச்சு இனி வரும் காலங்களில் இந்தப் பிரச்னைகள் இல்லாத மாதிரி சீனியர் தயாரிப்பாளர்கள் ஒரு முடிவு எடுக்கணும்; எடுப்பாங்கன்னு நம்புறேன்."

`` `மாநகரம்' படத்துக்குப் பிறகு, சூப்பரான ஒரு படம் வொர்க் பண்ணியிருக்கேன்னு சந்தோசமா இருக்கு. ரொம்ப திருப்தியா இருக்கு. எனக்கான போர்ஷன் 20 நிமிடம்தான் படத்துல வரும். சிம்புதேவன் சார் இயக்கத்துல நடிச்சதுல நிறைய கத்துக்கிட்டேன். ஏற்கெனவே வேறொரு படத்துக்காக சிம்புதேவன் சாரை மீட் பண்ணேன். ஆனா, இந்தப் படத்துல நடிச்சுட்டேன். அவருக்கு என்ன வேணுங்கிறதை எடுக்கிறதுக்கு முன்னாடி முழுமையா சொல்லிடுவார். எங்களுக்கே தெரியாமல் அவர் எதிர்பார்க்குற விஷயங்களை எடுத்துக்குவார். அவருடைய 'இம்சை அரசன் 23ம் புலிகேசி' படத்துக்கு நான் ஃபேன். எனக்கு ஜோடியா பிரியா பவானி ஷங்கர் நடிச்சிருக்காங்க. அருமையான பர்ஃபார்மர். ஷூட்டிங் முடிஞ்ச பிறகுதான் நல்ல நண்பர்கள் ஆனோம். 'பியார் பிரேமா காதல்', 'இஸ்பேட் ராஜாவும் இதயராணியும்' படங்கள் பார்த்துட்டு ஹரீஷ் கல்யாண்கிட்ட போன்ல பேசியிருக்கேன். ஒரு வருடமா எங்களுக்குள்ள நல்ல நட்பு இருந்தது. இந்தப் படத்துல சேர்ந்து வொர்க் பண்ணிட்டோம். நிறைய டெக்னீஷியன்கள் இருக்காங்க. எல்லாரோடும் ஒரே படத்துல வொர்க் பண்றது ரொம்ப வித்தியாசமா இருந்தது. அத்தனை பெரிய டெக்னீஷியன்களையும் சிம்புதேவன் சார் சூப்பரா கையாண்டு வேலை வாங்கினார். நிச்சயம் இந்தப் படம் பேசப்படும்."

"ரெண்டு பேர்கூடவும் அடிக்கடி பேசுவேன். 'நரகாசூரன்' இயக்குநர் கார்த்திக் நரேன் எனக்கு நெருக்கம். இப்போ அருண் விஜய் சாரை வெச்சு 'மாஃபியா' முடிச்சிட்டார். அந்தப் படம் நிச்சயம் கவனம் பெறும். அதே மாதிரி, 'மாநகரம்' இயக்குநர் லோகேஷ் கனகராஜ் விஜய் சாரை இயக்கப்போறார். அதுவே ரொம்ப சந்தோஷம். 'கைதி' படமே வேற லெவல்ல இருக்கும். அப்போ விஜய் சார் படம் எப்படி இருக்கும்னு எனக்கு ரொம்ப ஆர்வமா இருக்கு. ஆல் தி பெஸ்ட் கார்த்திக் நரேன் மற்றும் லோகேஷ் கனகராஜ்."

"அமேசான் ப்ரைமிற்காக 'எ ஃபேமிலி மேன்'னு ஒரு இந்தி வெப் சீரிஸ் பண்ணியிருக்கேன். 'நரகாசூரன்', 'கண்ணாடி', 'கசடதபற' இந்த மூணு படங்கள் ரிலீஸுக்கு ரெடியா இருக்கு. இந்தப் படங்கள் ஒவ்வொண்ணா வெளியான பிறகுதான், அடுத்து கமிட் பண்ணணும்."