Published:Updated:

“கல்யாணம் பண்ணிக்கிறேன்னு யாரும் கேட்க மாட்டேங்கிறாங்க!” - ஆதங்கப்படும் ஆண்ட்ரியா

ஆண்ட்ரியா
பிரீமியம் ஸ்டோரி
ஆண்ட்ரியா

காலேஜ்ல மியூசிக் பத்திப் படிச்சுக்கிட்டிருந்தேன். அதனால் எனக்குப் பாடகி ஆவதில்தான் விருப்பம் இருந்தது. ஆனா ‘life has other plans’னு சொல்லுவாங்க.

“கல்யாணம் பண்ணிக்கிறேன்னு யாரும் கேட்க மாட்டேங்கிறாங்க!” - ஆதங்கப்படும் ஆண்ட்ரியா

காலேஜ்ல மியூசிக் பத்திப் படிச்சுக்கிட்டிருந்தேன். அதனால் எனக்குப் பாடகி ஆவதில்தான் விருப்பம் இருந்தது. ஆனா ‘life has other plans’னு சொல்லுவாங்க.

Published:Updated:
ஆண்ட்ரியா
பிரீமியம் ஸ்டோரி
ஆண்ட்ரியா

தமிழ் சினிமாவில் கதைக்கு முக்கியத்துவம் கொடுக்கும் கதைகளை வேட்கையுடன் தேர்ந்தெடுக்கும் நடிப்புப் பிசாசு ஆண்ட்ரியா. பாடகியாகவும் தன்னை நிலைநிறுத்தியவரைச் சந்தித்தேன்.

``தமிழ் சினிமாவில் பெரிய இயக்குநர்களின் படங்களில் முக்கியமான பாத்திரங்களில் நடிக்கும் ரகசியம்?’’

“இயக்குநர்கள்கிட்டதான் அதைக் கேட்கணும். ஆனா, எனக்கு சந்தோஷமா இருக்கு. வழக்கமா சினிமாவில் ஒரு ஆர்ட்டிஸ்ட் கிடைக்கலைனா இன்னொரு ஆர்ட்டிஸ்ட் அப்படின்னு போயிட்டே இருப்பாங்க. ஆனா, ஒரு ரோல் நான் மட்டும் பண்ண முடியும்னு வர்றப்போ சந்தோஷமா ஃபீல் பண்றேன்.”

“கல்யாணம் பண்ணிக்கிறேன்னு யாரும் கேட்க மாட்டேங்கிறாங்க!” - ஆதங்கப்படும் ஆண்ட்ரியா

`` `பிசாசு 2' அனுபவம்?’’

“உண்மையைச் சொல்லணும்னா சில கதைகள் கேட்கிறப்ப, ‘என்னால் இந்த ரோல் பண்ண முடியாது, கஷ்டம்’னு தோணும். ‘வடசென்னை’க்கு அப்புறம் ‘பிசாசு 2’-வுக்கு அப்படித்தான் தோணுச்சு. எப்படித்தான் நடிக்கப் போறோமோன்னு நினைச்சேன். ஆனா டைரக்டர் மிஷ்கின் என்மீது வெச்சிருந்த நம்பிக்கைதான் என்னை நடிக்க வெச்சது. ‘பிசாசு 2’ படத்தில் கத்துக்கிட்ட விஷயங்கள் அதிகம். ஏன்னா, அதுக்கு முன்னாடி லாக்டௌன்ல எல்லோரும் வீட்டில் உட்கார்ந்திருந்தோம். ஒரு வருஷமா வீட்டில் சும்மா உட்கார்ந்திருந்த வெறி முழுக்க நடிப்புல காட்டிட்டேன்.

நானும் மிஷ்கினும் ஸ்பாட்ல நிறைய சண்டைகள் போட்டிருக்கோம். ஆனா, இதெல்லாம் தாண்டி நிறைய மரியாதை பரஸ்பரம் ரெண்டு பேர்கிட்டயும் இருக்கு. படத்துக்கு எது தேவையில்லை என்பதில்தான் பெரும்பாலான சண்டைகள். ‘என்னோட கேரக்டர் இதை எதுக்குப் பண்ணணும்’னு கேட்பேன். சரியான பதில் கிடைக்கலைன்னா அதைப் பண்ணவே மாட்டேன். ஆனா என்னை கன்வின்ஸ் பண்ணிட்டா கண்டிப்பா, நல்லா நடிச்சுக்கொடுப்பேன்!”

“கல்யாணம் பண்ணிக்கிறேன்னு யாரும் கேட்க மாட்டேங்கிறாங்க!” - ஆதங்கப்படும் ஆண்ட்ரியா

``உங்கள் கனவு எதுவாக இருந்தது, நடிகையா, பாடகியா?’’

“காலேஜ்ல மியூசிக் பத்திப் படிச்சுக்கிட்டிருந்தேன். அதனால் எனக்குப் பாடகி ஆவதில்தான் விருப்பம் இருந்தது. ஆனா ‘life has other plans’னு சொல்லுவாங்க. நான் ஒண்ணு பிளான் பண்ணிட்டு இருந்தப்போ, வாழ்க்கை வேற ஒண்ணு நடத்திக் கொடுத்திருச்சுன்னு சொல்லலாம். இதுவும் நல்லா இருந்தது. ‘go with flow’னு வாழ்க்கையின் போக்குல போக ஆரம்பிச்சிட்டேன்.”

``ஹீரோயின் சப்ஜெக்ட்டுக்கு முக்கியத்துவம் கொடுக்கிற ஓ.டி.டி தளத்தை எப்படிப் பார்க்கிறீங்க?’’

“நடக்க வேண்டிய விஷயம் இது. இதற்கு முன்னாலும் நடந்திருக்கு. ஹீரோயினுக்கு முக்கியத்துவம் கொடுக்கிற அழுத்தமான கதைகளை பாலுமகேந்திரா சார் பண்ணியிருக்கார். அதுக்கும் முன்னால சாவித்திரி மேடம் ஹீரோயின் சப்ஜெக்ட் நிறைய பண்ணியிருக்காங்க. இடையில் ஏதோ மாறிருச்சு. இப்போ சினிமா பழைய மாதிரி போய்க்கிட்டு இருக்குன்னு சொல்லலாம். வாழ்க்கையில ஆண்களுக்கு அம்மாவா, தங்கையா, காதலியா, மனைவியா பெண் தேவை. ஆனா, படத்துல மட்டும் பெண்களுக்கு முக்கியத்துவமில்லை. ஒரு பெண்ணுக்கு ஏற்ற, நடிப்பை நிரூபிக்கிற நல்ல ஸ்கிரிப்ட் இங்கே இல்ல.

நான் இதுவரைக்கும் எந்த டைரக்டர் ஆபீஸுக்கும் போய் ‘எனக்கு ரோல் கொடுங்க’ன்னு கேட்டதில்ல. என்னோட நடிப்பு பார்த்துட்டு அவங்களே எனக்கு ரோல் கொடுக்குறாங்க. பாத்திரங்களுக்கு முக்கியத்துவம் கொடுக்காம ஏதோ வருஷத்துக்கு அஞ்சு படம் பண்ணணும்னு இருந்தா நிறைய படங்கள் வரும். ஆனா, நல்ல படங்கள்தான் பண்ணணும்னு இருந்தா வாய்ப்புகள் குறைவாதான் வரும். இது எல்லாத்துக்கும் மேல, முக்கியமான ரோல்னு சொல்லிட்டு ஏமாத்தி வேற மாதிரிகூட எடுப்பாங்க. இதெல்லாம் தாண்டிதான் இங்கே வந்திருக்கேன். நான் மட்டுமல்ல, என்னை மாதிரி நிறைய பொண்ணுங்களும் இப்படிதான் வந்திருக்காங்க. இப்போ ஹீரோயின்களுக்கு ஏத்த ஸ்கிரிப்ட்ஸ் நிறைய வர்றது சந்தோஷமா இருக்கு!”

“கல்யாணம் பண்ணிக்கிறேன்னு யாரும் கேட்க மாட்டேங்கிறாங்க!” - ஆதங்கப்படும் ஆண்ட்ரியா

`` `ஆடுகளம்' முதல் `வடசென்னை' வரை வெற்றிமாறனுடனான பயணம்?’’

“ஆக்சுவலி, யாரிடமும் சொல்லாத விஷயத்தை உங்ககிட்ட சொல்றேன். ‘பொல்லாதவன்’ படத்துக்கு முன்னாடி வெற்றிமாறன் என்னை மீட் பண்ணுனார். அப்போ வேறொரு ஸ்கிரிப்ட் வச்சிருந்தார். ‘ஹீரோயினா நடிக்க முடியுமா’ன்னு கேட்டார். அப்போ நடிக்கும் ஆசை எதுவும் இல்லாததால் அந்த முயற்சி அப்படியே நின்னுடுச்சு. அப்புறம், ‘ஆடுகளம்’ படத்தில் டாப்ஸிக்கு டப்பிங் பேசினேன். ஏன்னா, டாப்ஸி கேரக்டர் ஆங்கிலோ இந்தியன். அதுக்கு அப்புறம் ‘வடசென்னை’ ஷூட்டிங் ஸ்பாட்ல பார்த்தப்போ இன்னும் வேற மாதிரி இருந்தார் வெற்றி. வொண்டர்புல் டைரக்டர். தமிழ் சினிமாவுல முக்கியமான ஃபிலிம் மேக்கர். ‘வடசென்னை 2’-க்காக வெயிட் பண்ணிட்டு இருக்கேன்.”

`` `புஷ்பா’ படத்தில் `ஊ சொல்றீயா' இவ்ளோ ஹிட் ஆகும்னு நினைச்சீங்களா?’’

“சத்தியமா இல்லை. இப்படிப் பல விஷயங்கள் நடக்கும். இதுதான் வாழ்க்கை. ‘வடசென்னை’ படத்தோட ரெண்டாவது நாள் ஷூட்டிங்ல, ‘சார், இந்த ரோல் எனக்கு செட் ஆகாது, விட்டுருங்க’ன்னு வெற்றி கிட்ட சொன்னேன். ‘ஏன்மா இப்படிச் சொல்ற’ன்னு கேட்டார். ‘இந்த உலகத்துல என்னால பொருந்திப்போக முடியலன்’னு சொன்னேன். ‘இல்ல பரவால்ல, உங்களுக்கு செட்டாகலன்னு நானே வந்து சொல்ற வரைக்கும் இங்கே இருங்க’ன்னு சொல்லிட்டுப் போயிட்டார் வெற்றி சார். ஆனா, அந்தப் படம் நல்ல பெயரை வாங்கிருச்சு. அதே மாதிரிதான் ‘ஊ சொல்றீயா’ பாட்டுக்கு டி.எஸ்.பி கூப்பிட்டார். தெலுங்கு வெர்ஷன் கேட்டுட்டு பயந்துட்டேன். ‘ஐயோ, இப்படியெல்லாம் என்னால் பாட முடியாது. ப்ளீஸ், என்னை விட்டுடுங்க’ன்னு கெஞ்சினேன். ‘இல்ல, உங்க ஸ்டைலில் பாடுங்க’ன்னு டி.எஸ்.பி சொன்னார். ரெண்டு மணி நேரமா ஒரே ஊசலாட்டம். அப்புறம், சரின்னு ஒத்துக்கிட்டேன். கொஞ்சம் என்னுடைய எக்ஸ்பிரஷன்ஸ் குறைச்சிக்கிட்டுதான் ‘ஊ சொல்றீயா’ பாடினேன். தெலுங்கு மற்றும் தமிழ் வெர்ஷன் ரெண்டுக்கும் நிறைய வித்தியாசம் இருக்கும். என் வாழ்க்கை முழுக்க இப்படித்தான் எனக்கு வேண்டாம்னு சொல்ற விஷயங்கள்தான் ஹிட் ஆகுது.”

``ஆண்ட்ரியாவுக்கு எப்போ கல்யாணம்னு யாராவது கேட்டா எப்படி இருக்கும்?’’

“நானே கேட்குறேனே, ‘ஆண்ட்ரியாவுக்கு எப்போ கல்யாணம்?’ ஆனா, என்னைக் கல்யாணம் பண்ணிக்கிறேன்னு யாரும் கேட்க மாட்டேங்கிறாங்க. கல்யாணம் பண்ணிக்கணும்கிறதுக்காக ஒருத்தரைக் கல்யாணம் பண்ணிக்க முடியாது. self made women எவ்வளவு பார்த்துட்டு வந்திருப்பாங்க. ஒருத்தரைக் கல்யாணம் பண்ணிக்கப் போறோம்னா அவங்க வொர்த்தா இருக்கணும். அதுதான் ரொம்ப முக்கியம்.”

`` `பிசாசு 2' விஜய் சேதுபதியுடன் நடிச்சப்போ எப்படியிருந்தது?’’

“ரொம்ப ரொம்ப சந்தோஷமா இருந்தது. ஒரு பெரிய ஸ்டார் நடிகர் விஜய் சேதுபதி சின்ன ரோல் பண்ணுனது ரொம்பப் பெரிய விஷயம். பிரமாதமா பண்ணியிருக்கார். அவருக்கு, `very kind of to do this’னு மெசேஜ் பண்ணினேன். `வடசென்னை' படத்தில் ராஜன் கேரக்டர் விஜய் சேதுபதி பண்ணியிருக்க வேண்டியது. அங்கே மிஸ்ஸானது இங்கே சரியாயிருச்சு. அவர்கூட தொடர்ந்து படங்கள் பண்ணக் காத்திருக்கேன்!”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism