Published:Updated:

"மொழித் தடைகள் இப்போது இல்லை!"- `பொன்னியின் செல்வன்' புரொமோஷனில் பேசிய ஐஸ்வர்யா ராய்

ஐஸ்வர்யா ராய்

வட இந்திய மற்றும் தென் இந்தியத் திரைப்படங்கள் எனப் பிரித்துப் பார்ப்பது, குறித்து நடிகை ஐஸ்வர்யாவிடம் கேள்வி கேட்கப்பட்டது. அதற்கு அவரும் விளக்கம் அளித்திருக்கிறார்.

"மொழித் தடைகள் இப்போது இல்லை!"- `பொன்னியின் செல்வன்' புரொமோஷனில் பேசிய ஐஸ்வர்யா ராய்

வட இந்திய மற்றும் தென் இந்தியத் திரைப்படங்கள் எனப் பிரித்துப் பார்ப்பது, குறித்து நடிகை ஐஸ்வர்யாவிடம் கேள்வி கேட்கப்பட்டது. அதற்கு அவரும் விளக்கம் அளித்திருக்கிறார்.

Published:Updated:
ஐஸ்வர்யா ராய்

1997-ம் ஆண்டு மணிரத்னத்தின் 'இருவர்' படத்தின் மூலம் நடிகையாக அறிமுகமானவர் ஐஸ்வர்யா ராய். இதனிடையே தற்போது மணிரத்னம் இயக்கத்தில் வெளியாகவுள்ள 'பொன்னியின் செல்வன்' படத்திலும் நடித்திருக்கிறார். வரும் செப்டம்பர் 30-ம் தேதி இப்படம் திரையரங்குகளில் வெளியாகவுள்ள நிலையில் படக்குழு புரோமோஷன் நிகழ்ச்சிகளில் ஈடுபட்டு வருகிறது.

அந்த வகையில் சமீபத்தில் டெல்லியில் நடைபெற்ற புரொமோஷன் நிகழ்ச்சியில் கலந்துகொண்ட நடிகை ஐஸ்வர்யா ராயிடம் செய்தியாளர்கள் சந்திப்பில், வட இந்திய மற்றும் தென் இந்தியத் திரைப்படங்கள் எனப் பிரித்துப் பார்ப்பது குறித்து கேள்வி கேட்கப்பட்டது.

அதற்குப் பதிலளித்த நடிகை ஐஸ்வர்யா ராய், "இந்திய சினிமாவுக்கு இது ஒரு அற்புதமான நேரம், ஏனென்றால் பார்வையாளர்கள் ஒவ்வொரு பகுதியிலிருந்தும் படங்களைப் பார்க்க விரும்புகிறார்கள்.

ஐஸ்வர்யா ராய்
ஐஸ்வர்யா ராய்

திரைப்படங்கள் மற்றும் திரைப்படத் தொழில்களுக்கு இடையே உள்ள மொழித் தடைகள் இப்போது இல்லை, அவை உடைக்கப்பட்டுள்ளன. சினிமா கலைஞர்களையும், சினிமாவையும் பார்க்கும் வழக்கமான முறையிலிருந்து நாம் விலகிச் செல்ல வேண்டும். 'RRR', 'புஷ்பா' மற்றும் 'கே.ஜி.எஃப் 2' போன்ற பல தென்னிந்தியப் படங்கள் சமீப காலங்களில் இந்திய அளவில் வெற்றி பெற்றுள்ளன.

கடந்த சில மாதங்களாக இந்தி அல்லாத பல படங்கள் பாக்ஸ் ஆபிஸ் ஹிட் கொடுத்துள்ளன. 'RRR' போன்ற படங்கள் தெலுங்கில் தயாரிக்கப்பட்டு, பிற மொழிகளில் டப் செய்யப்பட்டு வெளியிடப்பட்டன. நம் சினிமாவை தேசிய அளவில் மக்கள் அறிவார்கள். இந்தியா முழுவதும் உள்ள சினிமாவை அனைவரும் பார்க்கலாம். நாடு முழுவதிலும் இருந்து மக்கள் சினிமாவை ஆர்வத்துடன் பார்த்துக் கொண்டிருக்கிறார்கள் என்பது தெளிவாகத் தெரிகிறது. எனவே இந்த மொழித் தடைகள் எல்லாம் இப்போது இல்லை" என்று அவர் பேசியிருக்கிறார்.