Published:Updated:

‘அழகி 2’ எடுக்க ஆசை இருக்கு!

மகன் விஜியுடன் தங்கர்பச்சான்
பிரீமியம் ஸ்டோரி
மகன் விஜியுடன் தங்கர்பச்சான்

``குப்பத்துல வாழும் இளைஞன் பற்றிய படம்தான் `டக்கு முக்கு டிக்கு தாளம்'.

‘அழகி 2’ எடுக்க ஆசை இருக்கு!

``குப்பத்துல வாழும் இளைஞன் பற்றிய படம்தான் `டக்கு முக்கு டிக்கு தாளம்'.

Published:Updated:
மகன் விஜியுடன் தங்கர்பச்சான்
பிரீமியம் ஸ்டோரி
மகன் விஜியுடன் தங்கர்பச்சான்

திர்காலம் குறித்த எந்தவொரு இலக்கும் இல்லாமல் இருக்கிற ஒருத்தனுக்கும் கோடிக் கணக்கில் பணத்தை வெச்சிக்கிட்டு வாழப்பிடிக்காமல் இருக்கிற ஒருத்தனுக்கும் இடையில் நடக்கிறதுதான் கதை. சென்னையில் பிறந்து வளர்ந்த என் பையன் முழுக்க குப்பத்துப் பையனா நடிச்சிருக்கான்’’

மகன் விஜித்தைத் தோள்தட்டி அறிமுகப்படுத்துகிறார் தங்கர்பச்சான்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
விஜித்
விஜித்

``அது என்ன ‘டக்கு முக்கு டிக்கு தாளம்?’’

``நான் சினிமாவை எப்போதுமே பொழுதுபோக்கான விஷயமா பார்த்ததில்லை. ஆனா, இந்தப் படத்தை முழுக்க முழுக்க பொழுதுபோக்காக மட்டுமே எடுத்திருக்கேன். ரெகுலர் தங்கர்பச்சான் படமா இது இருக்காது. படத்தைப் பார்த்துட்டு தியேட்டரிலிருந்து போறப்போ கண்டிப்பா ஆடியன்ஸ் சிரிச்சுட்டேதான் வெளியே போவாங்க. அதனாலதான் படத்துக்கு இப்படியொரு பேரை வெச்சேன். ஒருத்தன் தாளத்தை மாத்திக்கிட்டே இருப்பான். ஆங்கிலத்தில் கேரக்டர்லெஸ்னு சொல்லுவாங்க. அதனாலதான் இந்தப் பேர்’’ அப்பா பெயர் விளக்கம் சொல்லிக்கொண்டிருக்க, அருகிலிருந்த விஜித்திடம் பேசினோம்.

மகன் விஜியுடன் தங்கர்பச்சான்
மகன் விஜியுடன் தங்கர்பச்சான்

``அப்பா ஷூட்டிங் ஸ்பாட்ல இயக்குநரா இருந்தாரா, இல்லை, அப்பாவாவே நடந்துக்கிட்டாரா?’’

‘`ஷூட்டிங் ஆரம்பிச்சு முதல் அஞ்சு நாள் மட்டுமே அப்பாவா தெரிஞ்சார். அப்புறம் இயக்குநர் பாணியில் என்கிட்ட வேலை வாங்க ஆரம்பிச்சிட்டார். அப்பாவுக்கும் எனக்கும் பெரிய பிணைப்பு எப்போதுமே இருந்ததில்லை. சொல்லப்போனா இந்தப் படத்தின்போதுதான் அப்பாகூட நிறைய நேரம் செலவழிச்சிருக்கேன். விஸ்காம் படிச்ச பையன் நான். இயக்குநர், ஒளிப்பதிவாளர் ஆகணும்னுதான் ஆசைப்பட்டேன். திடீர்னு ஹீரோ ஆசை வர ஆரம்பிச்சிருச்சு. தனுஷ் ரொம்பப் பிடிக்கும். அவரை மாதிரி நடிக்கணும்னு ஆசைப்படுவேன். முதலில் நடிக்கக் கத்துக்கலாம்னு தியேட்டர் ஆர்டிஸ்ட்டா சேர்ந்தேன். அப்புறம் அப்பாகிட்ட என் ஆசையைச் சொல்லி இப்போ அவரோட டைரக்‌ஷனில் ஹீரோவா நடிச்சிருக்கேன்’’ எனத் தன்னைப்பற்றிச் சுருக்கமாக அறிமுகப்படுத்திக்கொண்டார்.

``பையனை ஹீரோவா அறிமுகப்படுத்தணும்கிறது திடீர்னு எடுத்த முடிவா?’’

``இந்தப் படத்துல என் பையனை நான் அறிமுகப்படுத்தல. அவன்தான் என்னை அறிமுகப்படுத்தியிருக்கான்னு சொல்லுவேன். ஏன்னா, என்னால இப்படியொரு படம் பண்ண முடியும்னு அவன்தான் எனக்குச் சொல்லிக் கொடுத்திருக்கான். இன்றைய சூழலில் வர்ற படங்களையெல்லாம் பாத்துக்கிட்டுதானே இருக்கேன். படம் பார்க்க வர்றவங்க முழுக்க மன அழுத்தத்துடன் தியேட்டருக்கு வர்றாங்க. ஆனா, அவங்களுக்கும் திரைக்குமான இடைவெளி பெருசா இருக்கு.

அழகி 2
அழகி 2

செல்போனை நிமிஷத்துக்கு நிமிஷம் எடுத்துப் பார்த்துக்கிட்டே இருக்காங்க. இப்படி இருக்கிற மக்களுக்கு எப்படி என்னால அழுத்தமான கதையைச் சொல்ல முடியும். அப்படியே சொல்லலாம்னு நினைச்சாலும் அதுக்கான ஆடியன்ஸ், தயாரிப்பாளர்கள் இப்போ இல்லை. அதனாலதான் இந்தப் படத்தை காமெடி ஜானர் படமா எடுத்துட்டேன்.’’

30 வருஷங்களுக்கு மேலே சினிமாவுலதான் இருக்கேன். இருந்தும் என்னை மாதிரியான ஆட்களுக்கே இந்த விஷயங்கள் இப்போ போராட்டமா இருக்கு.

``ஹீரோயின் யார்?’’

``மிலனா நாகராஜ், அஸ்வினின்னு ரெண்டு பொண்ணுங்க நடிச்சிருக்காங்க. பெரும்பாலான என் படங்கள் பெண்களுடைய சிக்கல்களை மையப்படுத்திதான் இருக்கும். ஆனா, இந்தப் படத்துல அப்படி எதுவும் இல்லை. வில்லன்களை வைத்தே படம் எடுக்காத நான் மன்சூர் அலிகான், ஸ்டன்ட் சில்வா, யோகி ராம்னு மூணு வில்லன்களைப் படத்துல நடிக்க வெச்சிருக்கேன். படத்துல முக்கியமான ரோலில் முனிஷ்காந்த் நடிச்சிருக்கார். தருண்தான் இசையமைப்பாளர். தேவா அண்ணாவை விஜித்துக்கு ரொம்பப் பிடிக்கும். அண்ணனைப் பாட வெச்சிட்டேன். அனிருத் ஒரு பாட்டு பாடுறேன்னு சொல்லியிருக்கார்.’’

``ரெண்டு ஹீரோயின்னா காதல் காட்சிகள் இருக்குமே... அப்பா முன்னாடி நடிக்கிற அனுபவம் எப்படி இருந்தது?’’

``அப்பா முன்னாடி ரொமான்ஸ் பண்ண முடியல. பெரிய வசனங்கள் பேசி நடிக்கிற காட்சிகளைக்கூட ஈஸியா பண்ணிட்டேன். ஆனா, காதல் காட்சிகள் நடிக்க கஷ்டமா இருந்தது. அவரைப் பார்த்துட்டு என்னால நடிக்கவே முடியல’’ எனச் சிரிக்கிறார் விஜித்.

‘அழகி 2’ எடுக்க  ஆசை இருக்கு!

``பையன் நம்மளைப் பார்த்துட்டு காதல் காட்சிகளில் நடிக்கத் தயங்குறார்னு புரிஞ்சது. அதனாலேயே இந்தக் காட்சிகளை உதவி இயக்குநர்களை ஷூட் பண்ணச் சொல்லிட்டு தூரமா எங்கேயாவது போயிருவேன். ஆனா, சினிமாவில் வரக்கூடாத காட்சிகளையெல்லாம் எடுக்கல. இருந்தும் பையன் கூச்சப்படுறதைப் பார்த்துட்டு தள்ளிப் போனேன்.

‘பரியேறும் பெருமாள்’ படத்துல விஜித்தான் நடிக்க வேண்டியது. மாரி செல்வராஜ் கதையைப் படமாக்க ரொம்பநாள் காத்திருந்தார். யாரும் எடுக்க முன்வரல. ரஞ்சித் தயாரிக்கலைன்னா அந்தப் படம் வெளியவே வந்திருக்காது. ‘மேற்குத் தொடர்ச்சி மலை’ படம் எடுத்துட்டு ரெண்டாவது படம் எடுக்க முடியாம லெனின் இன்னும் கஷ்டப்படுறார். அதிகாரம் உள்ளவர்கள், பலசாலிகள் கையில்தான் எப்போதுமே சினிமா இருக்கும். இப்படியொரு கட்டத்தில் புதுக் கதாநாயகனை வைத்துப் படம் எடுத்து அதைத் திரையில் கொண்டு போய்ச் சேர்த்து, அதுக்கு அதிகப்படியான காட்சிகள் கிடைக்கிறதெல்லாம் கஷ்டம். முக்கியமா தியேட்டருக்கு ஆடியன்ஸ் போய்ப் பார்த்து ஓட வைக்கணும். தயாரிப்பாளருக்கு லாபம் கிடைக்கணும். இதெல்லாம் இப்போ நடக்கிறது பெரிய கஷ்டமா இருக்கு. 30 வருஷங்களுக்கு மேலே சினிமாவுலதான் இருக்கேன். இருந்தும் என்னை மாதிரியான ஆட்களுக்கே இந்த விஷயங்கள் இப்போ போராட்டமா இருக்கு’’ எனத் தானே தயாரிப்பாளர் ஆன அனுபவத்தை தங்கர்பச்சான் சொல்ல, ``என் தம்பியும் ஹீரோ ஆகப்போறான்?’’ தெரியுமா என்கிறார் விஜித்.

விஜித்
விஜித்

`` ‘அழகி’ படத்துல என் தம்பி நடிச்சிருப்பான். அவனை வைத்து அப்பாவுக்கு ‘அழகி 2’ எடுக்கணும்னு ஆசையிருக்கு. அவனை வைத்துக் கதையும் உருவாக்கி வெச்சிருக்கார். ஆனா, படம் எப்போ எடுப்பார்னுதான் தெரியல’’ என அப்பாவைப் பார்க்க, ‘`எனக்கு ‘அழகி 2’ எடுக்கணும்னு ஆசையிருக்கு. பெரிய தயாரிப்பு நிறுவனம்கூடக் கேட்டுட்டு இருக்காங்க. ஆனா, காசுக்காக எப்போதுமே படம் எடுக்க மாட்டேன். ஏன்னா, முதல் பாகத்தோட சுவை குறைஞ்சிரும். இரண்டாம் பகுதி சுமாரா வந்தா முதல் பாகமே தெரியாமப் போயிரும்’’ எனத் தங்கர் சொல்ல ‘`ஆமாம்ல’’ என ஆமோதிக்கிறார் ஜூனியர். தலைப்பு - 'அழகி 2' எடுக்க ஆசை இருக்கு!