Published:Updated:

மீண்டும் கதை திருட்டு சிக்கலில் `பிகில்' - ரிலீஸுக்குத் தடைகோரி வழக்கு!

படத்தின் முதற்கட்ட படப்பிடிப்பின்போதே செல்வா, இந்தப் படம் தன்னுடைய கதையைத் திருடி எடுக்கப்படுவதாக சென்னை உரிமையியல் நீதிமன்றத்தில் வழக்கு தொடர்ந்திருந்தார்.

Vijay at Bigil Audio Launch
Vijay at Bigil Audio Launch

வெளியீட்டுக்கு இன்னும் பத்து நாள்கள்கூட இல்லாத நிலையில் தற்போது `பிகில்' படத்துக்கு அடுத்த சிக்கல் எழுந்துள்ளது. அந்தப் படத்தின் கதை தன்னுடையது என மீண்டும் உயர் நீதிமன்றத்தில் வழக்கு தொடுத்துள்ளார் உதவி இயக்குநர் கே.பி.செல்வா.

பிகில்
பிகில்

இந்த ஆண்டு தீபாவளிக்குத் திரைக்கு வருகிறது விஜய்-அட்லி கூட்டணியின் பிகில் திரைப்படம். 'தெறி', 'மெர்சல்' என இரண்டு ப்ளாக்பஸ்டர் படங்களைத் தொடர்ந்து மூன்றாவது முறையாக இந்தக் கூட்டணியிடமிருந்து `பிகில்' வெளியாகவுள்ளதால் படத்துக்கான எதிர்பார்ப்பு அதிகமாக உள்ளது.

`இதே காரணத்தோடு உயர் நீதிமன்றத்தை அணுக முடியாது!' - `பிகில்' வழக்கு குறித்து வழக்கறிஞர்

இதனிடையே, படத்தின் முதற்கட்டப் படப்பிடிப்பின்போதே செல்வா, இந்தப் படம் தன்னுடைய கதையைத் திருடி எடுக்கப்படுவதாக சென்னை உரிமையியல் நீதிமன்றத்தில் வழக்குத் தொடர்ந்திருந்தார். ஆனால், போதிய ஆதாரங்கள் இல்லாத காரணத்தால் அந்த வழக்கு அப்போது தள்ளுபடி செய்யப்பட்டது.

பிகில்
பிகில்
`பயணம்' பிரச்னை முதல், `காப்பான்' கதைத் திருட்டு வழக்கு வரை... பட்டுக்கோட்டை பிரபாகர் ஷேரிங்ஸ்

இந்நிலையில், இந்தப் படத்தின் முன்னோட்டம் கடந்த சனிக்கிழமை வெளியானது. அதைத் தொடர்ந்து முன்னோட்டத்தின் சில காட்சிகளைப் பார்த்துவிட்டு மீண்டும் 'பிகில்' கதை தன்னுடையது எனக் கூறி அதன் வெளியீட்டுக்குத் தடைகோரி வழக்குத் தொடர்ந்துள்ளார் செல்வா.