Published:Updated:

சினிமா விகடன் - TAKE1

விவேக்
பிரீமியம் ஸ்டோரி
விவேக்

ரஜினி, கமல்னு ரெண்டு உச்ச நட்சத்திரங்களை உருவாக்குனவர். இப்போ நம்மையும் இயக்குறார்னு சந்தோஷம் கலந்த பதற்றத்துல வேகவேகமா இறங்கி வந்ததுல அப்படியாகிடுச்சு.

சினிமா விகடன் - TAKE1

ரஜினி, கமல்னு ரெண்டு உச்ச நட்சத்திரங்களை உருவாக்குனவர். இப்போ நம்மையும் இயக்குறார்னு சந்தோஷம் கலந்த பதற்றத்துல வேகவேகமா இறங்கி வந்ததுல அப்படியாகிடுச்சு.

Published:Updated:
விவேக்
பிரீமியம் ஸ்டோரி
விவேக்
சினிமா பிரபலங்கள் தங்கள் முதல்நாள் ஷூட்டிங் பற்றிப் பகிரும் பகுதி...
சினிமா விகடன் - TAKE1
சினிமா விகடன் - TAKE1

ஒட்டுமொத்த விகடனுக்கும் ஒரே ஷார்ட்கட்!

“என் முதல் படம், பாலச்சந்தர் சார் இயக்கத்தில் ‘மனதில் உறுதி வேண்டும்.’ படம் வெளியாகி 33 வருடங்கள் ஆகிடுச்சு. இப்போ அந்தப் படத்துல நான் நடிச்ச முதல் நாளைப் பத்திப் பேசுறது ரொம்ப மகிழ்ச்சியா இருக்கு. தி.நகர் ரங்கநாதன் தெரு பக்கத்துல ராமேஸ்வரம் தெருன்னு ஒண்ணு இருக்கு. அங்க காமகோடி வீடுன்னு ஒரு தனி வீட்டுலதான் ஷூட்டிங். இப்போ அந்த இடம் அபார்ட்மென்டா மாறிடுச்சு. அந்த வீட்டு மாடில இருந்து தடதடனு இறங்கி வந்து ‘அக்கா வர்றாங்க... அக்கா வர்றாங்க’ன்னு சொல்லணும். அப்புறம், சுஹாசினி உள்ள வருவாங்க. ‘எப்படியிருக்க’ன்னு கேட்பாங்க. அதுக்குப் பதில் சொல்றதுதான் நான் நடிச்ச முதல் ஷாட். டயலாக் எல்லாம் பேசி முடிச்சவுடன் நான் கேமராவைப் பார்த்து ‘ஓகேவா சார்?’னு கேட்டுட்டேன். கே.பி சார் டென்ஷனாகி ‘அட அறிவு கெட்டவனே’ன்னு திட்டிட்டு அப்புறம் கட் சொன்னார். சுஹாசினி என்கிட்ட, ‘நம்ம டயலாக் முடிஞ்சாலும் டைரக்டர் ‘கட்’னு சொல்ற வரைக்கும் நாம அந்தக் கேரக்டர்லயே இருக்கணும்’னு சொன்னாங்க. அப்போ டைரக்டர் வேகமா என்கிட்ட வந்தார். மறுபடியும் ஏதோ திட்டப்போறார்னு நினைச்சேன். ஆனா, அவர் என் காலைப் பார்த்துட்டு, ‘என்னடா பண்ணி வெச்சிருக்க?’ன்னு கேட்டார். வேகமா படிக்கட்டுல இறங்கி வரும்போது கால் நகம் பெயர்ந்து ரத்தம் வந்திருந்தது. பாலச்சந்தர் சார் எவ்வளவு பெரிய ஜாம்பவான். ரஜினி, கமல்னு ரெண்டு உச்ச நட்சத்திரங்களை உருவாக்குனவர். இப்போ நம்மையும் இயக்குறார்னு சந்தோஷம் கலந்த பதற்றத்துல வேகவேகமா இறங்கி வந்ததுல அப்படியாகிடுச்சு. உடனே, மேக்கப் டீமைக் கூப்பிட்டு மீசைக்கு ஒட்டுற பசையை கொஞ்சம் அந்தக் காயத்துல போட்டுவிட்டாங்க. அப்புறம்தான் ரத்தம் நின்னுச்சு. ‘முதல் படத்துல அதுவும் முதல் ஷாட்லேயே ரத்தம் சிந்தி நடிக்கிறான்டா இவன்’னு சொல்லிச் சிரிச்சார் கே.பி சார். என்னுடைய முதல் ஷாட்ல திட்டும் வாங்கிட்டேன், பாராட்டும் வாங்கிட்டேன். அப்படி ஆரம்பமான இந்த வண்டி, இத்தனை வருஷமா ஓடிக்கிட்டு இருக்கு. மோதிரக் கையால குட்டு வாங்கியிருக்கோம்ல..!”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism